Nóg skedels kom huis toe

Gesteelde Witbooi-Bybel op pad terug

23 August 2018 | Politiek
Catherine Sasman - Altesaam 26 skedels van Nama- en Herero-oorsprong sal op 31 Augustus met die derde repatriasie van Namibiese menslike oorskot van Duitsland af huis toe kom.

Dít is deur me. Veno Kauaria, adjunk- permanente sekretaris van onderwys, kuns en kultuur, bevestig.

Me. Katrina Hanse-Himarwa, minister van onderwys, kuns en kultuur, sal dié afvaardiging na die Charité-universiteit in Berlyn lei, waar die skedels tans gehou word.

Die skedels is by vyf of ses instellings gekry, en volgens bronne is dit nie die laastes nie, maar wel die laastes wat tot dusver geskiedkundig geïdentifiseer kon word.

Die Duitse nieregeringsorganisasie, Berlin Post-Kolonial, het gesê Hendrik Witbooi se Bybel, 'n kulturele voorwerp van nasionale belang wat tydens die koloniale era gesteel is, sal terselfdertyd na Namibië terugkeer.

Kauaria het gesê die Namibiese afvaardiging bestaan uit amptenare van 10 verskillende staatsinstellings, asook 25 mense van tradisionele owerhede van geraakte gemeenskappe.

Die Duitse ambassade het bevestig dit sal die 25 tradisionele leiers se reiskoste dek. Die ambassade het Dinsdag gesê dit sal 50 000 euros (sowat N$837 813 teen die huidige wisselkoers) hiertoe bydra.

Kauaria het gesê die staatsafvaardiging se reis- en verblyfkoste sal nie meer as N$200 000 beloop nie.

Die Namibiese afvaardiging sal op 29 Augustus die skedels tydens 'n Christelike gedenkdiens by die Franse katedraal in Berlyn ontvang.

Met hul terugkeer op 31 Augustus sal die skedels in die Parlementstuine tydens 'n diens uitgestal word.

Kauaria het gesê die skedels sal dan by die Nasionale Museum van Namibië saam met die ander skedels gehou word, wat onderskeidelik in 2011 en 2012 terugbesorg is.

Sy het gesê die regering en geraakte gemeenskappe sal later vergader om te besluit hoe die skedels voortaan hanteer sal word.

OMSTREDENHEID

Volgens anonieme bronne is die grootte en samestelling van die Namibiese afvaardiging nie sonder kwessie nie.

Hulle het gesê die voorsitter van die Nama- Tradisionele Leiersvereniging (NTLA), mnr. Willem Konjore, het beweer die regering het NTLSA-verteenwoordiging vir die reis oordryf.

Kauaria het egter gesê alle haakplekke is vreedsaam uitgestryk.

Berlin Post-Kolonial het ook gesê die alliansie genaamd No Amnesty For Genocide verwelkom die langverwagte repatriasie van menslike oorskot en die terugkeer van die Witbooi-Bybel.

Die alliansie is egter sterk gekant teen die manier waarop die beplande kerkseremonie in Berlyn aangebied gaan word.

Hulle maak beswaar teen die feit dat die geleentheid nie oop vir die publiek sal wees nie, en dat dit in ’n godsdienstige konteks geplaas gaan word.

Hulle sê “dit word bederf deur die feit dat verskeie belangrike leiers van die slagoffergemeenskappe nie genooi is nie".

Die uitgesluite leiers is dié wat Duitsland in New York voor die hof gedaag het omdat hulle nie by vergoedingsonderhandelinge tussen regerings ingesluti is nie, het die alliansie gesê.

“Waarom het die Duitse regering die repatriasie van ons mishandelde voorvaders op die Protestantse Kerk afgeskuif? Ons eis 'n staatsgeleide repatriasieseremonie in die Duitse parlement," het die Herero-aktivis, mnr. Israel Kaunatjike, wat in Berlyn woon, gesê.

"President (Frank-Walter) Steinmeier, wat 'n verskoning van Duitsland versoek het toe hy opposisieleier was, moet nou uiteindelik vir die Herero- en Nama-mense om vergifnis vra."

Die alliansie het ook van die Duitse regering en federale state vereis om die "ontelbare" hoeveelheid menslike oorblysels terug te besorg wat van voormalige Duitse kolonies soos Togo, Kameroen, Tanzanië, Rwanda, Burundi en Papoea-Nieu-Guinee, gesteel is.

Soortgelyk

 

Namibia resistant to Eskom power woes

1 uur gelede | Energie

NDAMA NAKASHOLE NamPower has assured Namibians that load-shedding in South Africa will not affect Namibia.NamPower issued a statement two days after South Africa’s cash-strapped power...

Staatshospitale mank aan voorraad

1 uur gelede | Gesondheid

Henriette Lamprecht - Betalings vir verskaffers van skroewe, penne en prosteses vir ortopediese operasies by die twee staatshospitale in Windhoek word “by tye” vertraag wat...

Ekspo gee volhoubare toerisme woema

1 uur gelede | Gebeure

Volgende jaar vind die Namibië Toerisme Ekspo (NTE) vir die 21ste keer plaas, en sal op herwinning fokus.Dit sal van 5 tot 8 Junie by...

Rundu: Verdrink in vullis of ly dors

1 uur gelede | Regering

Catherine Sasman - Rundu se strate en sypaadjies het in onooglike, stinkende vullishope ontaard omdat die dorpsraad noodsaaklike dienste afskeep.Dít om sy skuld van N$60...

Ondersoek staatskaping, eis amptelike opposisie

1 uur gelede | Politiek

Ronelle Rademeyer - Die sluier van geheimhouding oor Namib Desert Diamonds (Namdia) en berigte dat mnr. Tom Alweendo, minister van myne en energie, nie geweet...

Weer vir 15 November 2018

1 uur gelede | Weer

BINNELAND: Sonnig en bloedig warm in die verre Noordooste en die ||Kharasstreek. Elders sal dit gedeeltelik bewolk en baie tot bloedig warm wees. Enkele ligte...

Huurbeheerrade aangestel

1 uur gelede | Ministeries

Catherine Sasman - Ná vele haakplekke en vertragings het die ministerie van nywerheidsontwikkeling, handel en SME-ontwikkeling vyf huurbeheerrade in vyf streke aangestel wat sedert Maandag...

Outjo se panga-moordenaar kry lewenslank

1 uur gelede | Howe

Ronelle Rademeyer - Die man van Outjo, wat erken het hy het sy meisie in 2015 vermoor deur haar verskeie kere met ’n panga op...

N$1,8 miljard nodig vir Etosha-heining

1 uur gelede | Ministeries

Ellanie Smit - Die heining om die Etosha Nasionale Park sal sowat N$1,8 miljard kos om te voltooi. Dít volgens 'n verslag van die...