Nóg ‘n vrou glo in haar huis vermoor

06 September 2019 | Howe
Die vermeende moordenaar, mnr.
Phillipus Haihambo (54), bly in
aanhouding ná sy eerste verskyning
in die landdroshof op Walvisbaai.
Haihambo is aangekla van moord
wat saam met die bepalings van
die wet op die bekamping van
huishoudelike
geweld gelees
word.
Hy het sy meisie, me. Hanguwo
Mwateuvi (36), na bewering
vermoor.
Die paartjie het ten tyde van
haar dood glo saamgewoon.
Volgens adj.komm. Erastus
Iikuyu, koördineerder van misdaadondersoeke
in die Erongostreek,
is Mwateuvi Sondag omstreeks
18:30 buite die paartjie se
sinkhuis in Kuisebmond vermoor.
“Hy het haar na bewering in die
nek gesteek en sy het onmiddellik
gesterf. Dit is nog nie bekend
waarom Haihambo dit gedoen het
nie. Hy is dadelik ná die moord in
hegtenis geneem,” het Iikuyu gesê.
Tydens Haihambo se hofverskyning
het die aanklaer, me. Maggy Shinyagaya,
borgtog weens die erns van die misdaad
teengestaan.
“Dit is ook nie in die beste belang van
die gereg of die uitvoer van geregtigheid
om borgtog aan die verdagte toe
te staan nie,” het Shinyagaya gesê.
Haihambo het aangedui hy gaan by
die staat aansoek om regshulp doen
om hom in verdere hofverskynings
te verteenwoordig.
Landdros Rhivermo Williams het
borgtog geweier en die saak vir verdere
ondersoek tot 30 Oktober uitgestel.
Haihambo het die reg om ’n formele
borgtogaansoek met sy volgende
verskyning
te bring.
- [email protected]

Soortgelyk

 

Meegesleurde Okahandja-vrou steeds soek

1 uur gelede |

Elvira Hattingh - Die 42-jarige vrou wat gisteroggend deur die water meegesleur is toe sy en twee ander mense die Okahandjarivier te voet wou oorsteek,...

Hardap kry 19 Mm³ water sedert Maandag

1 uur gelede | Omgewing

Elvira Hattingh - Sedert die afgelope Maandag het die Hardapdam ’n reusehoeveelheid water bygekry, naamlik 19,523 Mm³ (miljoen kubieke meter). Die dam is nou 27,2%...

Nóg twee kietsies kry nekbande

3 ure gelede | Omgewing

Nóg twee swartpootwildekatte is in die vroeë oggendure met nekbande toegerus. Prof. Morgan Hauptfleisch en sy span van die Black-Footed Cat Working Group is tans...

Okahandja-kleinhoewe oorstroom weer

14 ure gelede | Weer

Elvira Hattingh - Terwyl die polisie gistermiddag bevestig het ‘n vrou is nog soek nadat die Okahandjarivier haar vroeg gisteroggend meegesleur het, was ‘n kleinhoewe-eienaar...

Geingob stil oor kleiner kabinet

14 ure gelede | Regering

Denver Kisting – Ten spyte van die groot gewag daaroor in sy Oujaarsrede weet Namibiërs nog nie hoe groot pres. Hage Geingob se verkleinde kabinet...

Eerste swartpootwildekat kry nekband

14 ure gelede | Omgewing

Francoise Steynberg - Daar is geskiedenis gemaak toe Namibië se eerste swartpootwildekat vandeesweek met 'n nekband toegerus is. "Om die klein katjies op te spoor,...

Weer vir 27 Februarie 2020

14 ure gelede | Weer

WEERWAAK: Verspreide donderbuie sal oor die noordelike streke en Omaheke- en Khomasstreek voortduur waar kitsvloede verwag word. Die nodige voorsorgmaatreëls moet getref word. BINNELAND: Gedeeltelik...

Drie stroop glo renoster in Etosha

14 ure gelede | Misdaad

Francoise Steynberg - Nege verdagtes is verlede week in verband met renosterstropery of -horingsmokkelary in hegtenis geneem. Vanaf 17 tot 23 Februarie is beslag op...

Droogte: Baie boere wurg nog

14 ure gelede | Landbou

Ronelle Rademeyer - Foto’s van vol riviere, opgaardamme waarvan die vlakke styg en panne water langs die pad en in die veld het die afgelope...