Nóg ’n klassieke selfoon kom terug

21 January 2019 | Tegnologie
Petrus Malherbe – Voel jy sentimenteel en het jy amper R21 000 wat jou sak brand?

Dan is een van die wêreld se bekendste opvoufone wat ’n terugkeer maak, dalk vir jou.

Motorola se Razr maak later vanjaar sy terugkeer na die mark, berig The Wall Street Journal.

Die eerste Razr is in 2004 bekend gestel en het gou ’n kulturele fenomeen geword nadat dit deur verskeie karakters in gewilde flieks en televisiereekse van daardie tyd gebruik is.

Oprah Winfrey het dit op haar geselsprogram weggegee en die rockster Bono het duisende Razr-fone aan liefdadigheidsorganisasies geskenk.

Soortgelyk aan Nokia se besluit twee jaar gelede om die immergewilde 3310 af te stof, het Motorola nou besluit om dieselfde met sy Razr te doen.

Dié Amerikaanse selfoonvervaardiger word deesdae deur die Chinese tegnologiemaatskappy Lenovo besit. Daar is maar nog min besonderhede oor die jongste Razr bekend, buiten dat dit nes sy voorganger oop en toe sal klap.

Volgens Android Central kan dit dalk beteken dat die skerm van die nuwe Razr self kan vou, eerder as net die raam van die toestel, wat dit heelwat meer tegnologies gevorderd sal maak as die oorspronklike foon van die vroeë 2000’s. Die tipe kamera en bergplek wat dit gaan bied, is egter nog nie bekend nie.

Maar een ding is seker: Die nuwe Razr gaan nie goedkoop wees nie.

Volgens The Wall Street Journal kan die prys ’n yslike $1 500 beloop. Dit is sowat R20 700 teen die huidige wisselkoers en bring die nuwe Razr se prys in gelid met dié van bestaande spogfone soos die Samsung Galaxy Note 9 en die iPhone XR.

Motorola is waarskynlik nie te bekommerd dat die nuwe Razr nie as’t ware van die winkelrakke gaan afvlieg nie. Die maatskappy beplan om net 200 000 eenhede daarvan te vervaardig, wat aanhangers en versamelaars sal laat bontstaan om een in die hande te kry. – Netwerk24

Soortgelyk

 

Windhoek klop waterteikens

12 ure gelede | Plaaslik

Elvira Hattingh - Inwoners van die hoofstad neem waterbesparings uiteindelik ernstig op en het die afgelope week weer 4% bespaar. Volgens me. Lydia Amutenya,...

Kalahariwoestyn keer terug

12 ure gelede | Polisie

Denver Kisting – In ’n poging om soortgelyke tragedies te verhoed soos die een waarin ’n Zimbabwiese taxibestuurder gesterf het, gaan alle beamptes wat aan...

Weer, Woensdag 7 Augustus 2019

12 ure gelede | Weer

BINNELAND: Gedeeltelik bewolk en matig in //Kharas, maar warm tot baie warm in die Noorde. Elders sal dit sonnig en warm wees.KUS: Gedeeltelik bewolk en...

Tweejarige sterf in ongeluk

12 ure gelede | Ongelukke

’n Tweejarige meisie, Andrea Pawa Jason, het Saterdagoggend in ’n ongeluk sowat 2 km buite Usakos gesterf.Volgens die Namibiese polisie se misdaadverslag het die ongeluk...

Nudo, UPM voeg stem by antikuberkraakkoor

12 ure gelede | Politiek

Denver KistingDie president van die National Unity Democratic Organisation (Nudo), me. Esther Muinjangue, sê hulle is nie onder die huidige omstandighede beskikbaar vir die kuberkraaktoets...

renosters by Onguma onthoring

12 ure gelede | In beeld

Om stropery te voorkom het die Onguma-wildreservaat naby die Etosha Nasionale Park onlangs al hul renosters ontho­ring. Volgens die reservaatbestuurder, mnr. Jonathan Strijbis, was die...

Jong beesbeoordelaars beïndruk

12 ure gelede | Gebeure

Elvira HattinghBank Windhoek en Feedmaster span tans saam om 'n nasionale beesbeoordelaarskompetisie en -kursus vir Namibiese jongmense aan te bied.Tot dusver het die organiseerders deelnemers...

Elfjarige glo deur oom (48) verkrag

12 ure gelede | Misdaad

’n Meisie (11) is Vrydag omstreeks 14:00 glo deur haar 48-jarige oom in die Etaneno-nedersetting naby Onankali verkrag.Die verdagte is in hegtenis geneem en sou...

An update for the design icon

12 ure gelede |

Familiarly known as Audi’s design icon, the Audi TT’s third generation takes the stage with a facelifted appearance: sporty and refined exterior design, higher-powered engines...