Nóg babas vir Tsumeb-weeshuis

08 June 2018 | Maatskaplik
Henriette Lamprecht – Nóg ’n baba het ’n tuiste by die Tov-liefdadigheidsorganisasie vir vigswesies en weerlose kinders op Tsumeb gevind.

Dié babaseuntjie is op 26 April op Gobabis gebore en sal op die ouderdom van drie maande sy intrek by Tov neem.

Volgens eerwaarde Edward Amadhila help die organisasie die ma intussen met N$300 ’n maand.

“Ons benodig klere en melk en ’n selfoon. Sy gebruik tans haar ouma se selfoon,” het Amadhila gesê.

“Hierdie baba sou dood gewees het as dit nie vir die artikels in die koerant was nie. Die ma hou die baba vir drie maande en dan kom hy na ons toe om hom groot te maak.”

Die derde baba om ’n heenkome by Tov te vind, is Maandag op Keetmanshoop gebore. Ook háár ma ontvang N$300 per maand van die organisasie, totdat sy op drie maande haar intrek by Tov neem.

“Die ma het die baba vyf keer probeer afdrink, maar ons is bly die dogtertjie is gesond gebore. Ons dank die Here daarvoor.”

Volgens Amadhila kan die organisasie tans net met drie babas help.

“Die behoefte is baie groot, maar ons kan nou net hierdie drie babas help wat regtig in moeilike omstandighede gebore is.”

Lesers wat graag die organisasie wil ondersteun met geldelike bydraes of warm klere, komberse, babaklere en melk, kan Amadhila kontak by (064) 221 289/221 292, 081 274 8618 of [email protected]

Die organisasie se bankbesonderhede is: Tov HIV/AIDS OVC's organization, First National Bank, Tsumeb, rekeningnommer 62096229804, takkode 080873.

Soortgelyk

 

Vier wildehonde proe vryheid

16 ure gelede | Omgewing

Ná die tragiese skietvoorval in Februarie toe drie wildehonde van die N/a’an ku sê-stigting en -wildreservaat glo deur personeel van die Internasionale Lughawe Hosea...

Vlieëniers vlieg ‘blind’

16 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

16 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

16 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

16 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

16 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

16 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

16 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

16 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...