Net twee aspirantdokters slaag

Raad moet waardigheid, integriteit beskerm

14 February 2019 | Gesondheid
Henriette Lamprecht – Die mediese en tandheelkundige raad sê die onus rus op studente om te bewys hulle is daarop geregtig om by die raad vir internskappe te registreer.

Dit nadat net ‘n skrale 10 uit 237 buitelandse mediese en tandheelkundige studente hul evaluering om met internskappe in Namibië te kan begin, suksesvol voltooi het.

“Die onus is op elke student om deur middel van die voorgeskrewe vereistes en wat die slaag van evaluerings insluit, te wys hy of sy is geregtig op registrasie,” sê mnr. Chrispin Mafwila, assistent-registrateur.

Die raad het daarom die verantwoordelikheid om die praktyke van mediese en tandheelkundige professies te reguleer en “om die publiek te beskerm”, het Mafwila gemaan. Hy het beklemtoon die raad sal altyd “regverdig en redelik” teenoor studente optree, maar sal voortgaan om die waardigheid en die integriteit van dié beroepslui beskerm deur standaarde daar te stel wat kennis en vaardighede verseker.

Die raad het einde November verlede jaar 207 buitelandse mediese studente geëvalueer wat onder meer in China, Rusland, die Oekraïne en Suid-Afrika gegradueer het. ‘n Skrale twee studente het die evaluering suksesvol voltooi. Uit die oorblywende 205 het 42 vir ‘n aanvullende evaluering gekwalifiseer (slaag drie of meer uit die ses afdelings), 101 kwalifiseer om die hele evaluering oor te doen (slaag een of meer afdelings uit ses), terwyl 62 studente eers weer vir praktiese opleiding moes inskryf.

Ook in November het nie een van die 30 buitelandse tandheelkundige hul evaluering suksesvol voltooi nie. Vyftien het wel vir bykomende evaluering gekwalifiseer en agt het dit geslaag. Die oorblywende 22 studente moet nou eers die praktiese opleidingsprogram voltooi.

‘n Verdere vyf studente het die evaluering in Desember voltooi, geslaag en gekwalifiseer vir ‘n internskap.

In Namibië is ‘n buitelandse mediese of tandheelkundige student geregtig op drie kanse vir evaluerings per aansoek. Voorts het hulle die keuse om vir ‘n jaar lange praktiese opleidingsprogram in te skryf. Laasgenoemde is ‘n regeringsinisiatief om student te help om enige gapings in kennis en vaardighede ter voorbereiding van die raad se evaluering te oorbrug.

Die tweede ronde evaluerings sou op 21 en 22 Januarie vanjaar plaasvind. Dit is aanvanklik geskeduleer vir alle mediese studente wat nie in November suksesvol was nie en gekwalifiseer het om die hele evaluering weer te doen, mediese studente wat hul studies in Desember voltooi het, sowel as dié wat bewustelik gekies het om hul eerste evaluering dan te doen.

Vier buitelandse studente wat nie die evaluering geslaag het nie, het ‘n aansoek by die hoërhof teen die raad ingedien waarin hulle die uitslae en die vaardigheid van die evalueerders bevraagteken en vra dat die uitslae van die November-evaluering nietig verklaar word.

‘n Dringende appèlaansoek is ook op 14 Januarie deur dieselfde studente ingedien waarin gevra is dat die evaluering wat op 21 en 22 Januarie sou plaasvind, eers uitgestel word totdat die raad die appèlkomitee saamgestel het en die appèl gefinaliseer is.

Dié dringende aansoek word Vrydag (15 Februarie) aangehoor.

Ten tyde van die appèlaansoek was die raad nog besig om lede van die appèlkomitee aan te wys en dié aansoek word op 18 April aangehoor.

Volgens Mafwila het die uitvoerende komitee van raad besluit om die evaluering tot 21 en 22 Februarie vanjaar uit te stel. Alle mediese studente, ongeag of hulle aanvanklik die praktiese opleidingsprogram eers moet voltooi, kan dié eksamens aflê.

Soortgelyk

 

||Kharas gaan bibber

6 ure gelede | Omgewing

Die Namibiese weerkantoor voorspel reënbuie asook winderige toestande vir Namibië se verre Suide, terwyl dit teen Woensdag “baie koud” op plekke in die ||Kharasstreek kan...

Burgstraat na wyle dr. Theo-Ben Gurirab vernoem

7 ure gelede | Plaaslik

Burgstraat in Windhoek staan sedert Sondag as dr. Theo-Ben Gurirab bekend. Volgens die hoofstad se burgemeester, mnr. Muesee Kasapua het die stadsvaders ‘n herbenamingsbeleid aanvaar...

Regering laat val nuwe 2%-bom

21 ure gelede | Regering

Denver KistingNamibiërs vaar opnuut uit alle oorde uit teen die regering se versoek om finansiële hulp.Dit het die afgelope Vrydag rugbaar geword die regering wil...

Evangelis pleit bloed oor Namibië

21 ure gelede | Plaaslik

Denver KistingDit is weens die juk van sonde dat Namibië stoei met dwelms, passiemoorde, alkoholmisbruik en selfs uitdagings in die onderwyssektor beleef.So sê die Ghanese...

'Vriende van Katrina' staan bakhand

21 ure gelede | Plaaslik

Denver Kisting - Om by te dra tot Katrina Hanse-Himarwa se regskoste en ander uitgawes, is niks anders as om korrupsie te steun nie. Dít was gister die mening...

Kombat-kwessie sloer

21 ure gelede | Byvoegsels

Augetto Graig - “Hulle sê daar is ? eienaar van Kombat, maar hy doen niks oor ons probleme nie. “Niks word op Kombat onderhou nie....

Toeristetoring

21 ure gelede | Byvoegsels

Die ikoniese De Wet-skag, hysbakkamer en ystertoring wat jare lank ‘n baken op Tsumeb is, gaan dalk in ‘n toeriste-trekpleister omskep word. Lees die berig...

Weer, Maandag 22 Julie 2019

21 ure gelede | Weer

BINNELAND: Sonnig en warm tot baie warm.KUS: Gedeeltelik bewolk en matig met miskolle.GETYE BY WALVISBAAI: H: 06:26 L: 12:19 H: 18:56WINDHOEK06°26°RUNDU09°27°OSHAKATI12°29°GOBABIS06°26°MARIENTAL08°25°KEETMANSHOOP10°24°WALVISBAAI09°24°LUANDA19°26°JOHANNESBURG04°16°KAAPSTAD10°19°

Riruako se grafsteen onthul

21 ure gelede | Plaaslik

Opperhoof Vekuii Rukoro van die Ovaherero’s het gister tydens die jaarlikse herdenking van Rooivlagdag die grafsteen van sy voorganger, opperhoof Kuaima Riruako, op Okahandja onthul....