Net span nouer om Otji-dok

Oorlewendes van 2015-ongeluk maak hart oop

14 March 2018 | Howe
Denver Kisting - Die ministerie van gesondheid en maatskaplike dienste ondersoek 'n klag van diefstal teen Otjiwarongo se omstrede dokter, dr. Yeukai Chiradza.

Volgens die registrateur en uitvoerende hoof van die raad op gesondheidsberoepe, mnr. Cornelius Weyulu, hou dit verband met die diefstal van medisyne.

Weyulu het gistermiddag bevestig daar word beweer Chiradza is moontlik afhanklik van verslawende medisyne en dat hy dit misbruik.

In dié stadium ondersoek die raad die aantygings met die oog op die moontlike inperking van sy magte ingevolge wetgewing wat gesondheidsberoepe reguleer, sê Weyulu.

Volgens hom vind inperking plaas wanneer 'n gesondheidsbeampte aan 'n geestelike of liggaamlike toestand ly wat dit noodsaak of wanneer die misbruik en afhanklikheid van enige geskeduleerde medisyne of ander gewoontevormende middel, 'n chemiese middel of enige middel wat die vermoë, gesindheid, oordeel en optrede van 'n geregistreerde praktisyn nadelig beïnvloed.

Weyulu het gesê Chiradza is reeds sedert 3 Desember 2014 by die raad geregistreer.

Volgens hom is daar geen vorige of ander hangende sake teen Chiradza nie.

Weyulu sê voorts die raad is verplig om die publiek te beskerm deur die gedrag van 'n praktisyn in sy professionele hoedanigheid teenoor 'n pasiënt te reguleer.

“Die raad móét betrokke raak by enige ­handeling wat die lewe van 'n pasiënt in gevaar stel.”

Om daardie doelwit te bereik, maak die raad swaar staat op inligting van die publiek en ­praktisyns se kollegas, sê hy.

Volgens hom bestaan daar regtens strukture wat sodanige ondersoeke lei en strawwe voorstel.

Dié strawwe sluit die skrap van 'n beampte, skorsing of 'n waarskuwing en/of betaling van 'n boete in.

Intussen sê die enigste twee oorlewendes van 'n noodlottige ongeluk in Julie 2015 wat glo deur Chiradza veroorsaak is hulle is woedend dat hy steeds mag bestuur.

Volgens me. Sonja Junius, wie se ma, Alet, haar tannie, me. Welmien Louw en Louw se seun, Konrad, in dié ongeluk omgekom het, was sy aanvanklik jammer vir Chiradza.

'LEWENS VERWOES'

“Maar nou is ek net naar vir hom. Hoeveel mense se lewens wil hy nog verwoes? Hy moenie toegelaat word om aan te hou bestuur nie.”

Weens die beserings wat sy in die ongeluk opgedoen het, kan Sonja niks van die ongeluk onthou nie.

Sy het in die middel agter tussen haar ma en tannie gesit.

“Ek is bly ek kan niks onthou nie. Ek wíl niks onthou nie.”

Haar ander neef, mnr. Johan Junius, het links voor gesit en alles sien gebeur.

“Soos hy daar op die video gery het, het hy met ons gemaak. Ek het lank daarná nagmerries gehad. Ek is baie woedend. Hy moet definitief tronk toe gaan.”

Johan en Chiradza het elkeen 'n arm in die ongeluk gebreek.

Welmien se dogter en Konrad se suster, me. Norelle Louw, het gistermiddag gesê: “Dis baie ironies dat hy op die dag wat hy in die hof moes wees, sulke sports aangevang het.”

Hoewel daar die ­afgelope week op Karibib 'n lasbrief vir Chiradza se inhegtenisneming uitgereik is, was alle aanduidinge dat hy teen gister steeds op vrye voet was.

Hy moes in die landdroshof op dié dorp op aanklagte van strafbare manslag vir die 2015-ongeluk verskyn.

'n Video waarin Chiradza motoriste op hol jaag weens klaarblyklike roekelose en nalatige bestuur maak sedert einde verlede week wyd opslae.

Verskeie pogings om hom gister in die hande te kry, het misluk.

Sy selfoon was deurgaans afgeskakel.

Soortgelyk

 

Ses sterf in grubotsing

14 ure gelede | Ongelukke

Ses mense is in ’n kop-teen-kop-botsing vanoggend tussen Okahandja en Windhoek dood. Een van die voertuie het ná die botsing aan die brand geslaan. Na...

SDFN houses at Kalkfeld nearing completion

14 ure gelede | Infrastruktuur

KALKFELD – The construction of 18 houses by the Shack Dwellers Federation of Namibia (SDFN) is nearing completion at the Kalkfeld settlement in the Otjozondjupa...

Manlike pasiënt 'twee keer' besny

14 ure gelede | Ministeries

Henriette Lamprecht Die ministerie van finansies het 'n forensiese ondersoek na die eispatrone van verskaffers van gesondheidsdienste van stapel gestuur om moontlike bedrog by die...

Kaptein wou terugdraai voor 157 sterf

14 ure gelede | Ongelukke

Ronelle Rademeyer Die kaptein van Ethiopian Airlines se vlug ET302 het toestemming gehad om die vliegtuig terug te draai na die Internasionale Lughawe Bole by...

Só vaar die Verkrygingsraad

14 ure gelede | Ministeries

Augetto Graig Struikelblokke kan in geleenthede omskep word. Só sê me. Lischen Ramakhutla, die Sentrale Verkrygingsraad van Namibië (CPBN) se administratiewe hoof.Sy en mnr. Patrick...

Weer vir 11 Maart 2019

14 ure gelede | Weer

BINNELAND: Gedeeltelik bewolk en warm tot baie warm in die Noorde, Noordooste, Ooste en sentrale hoogland met geïsoleerde donderbuie op plekke. Elders sal dit...

Ou beursbeleid finansier 'enige' student

14 ure gelede | Onderwys

Henriette Lamprecht - “As jy van die begin af nie gehad het wat nodig is nie, gaan jy dit ook nie aan die einde...

Stem nou vir jou gunstelingpaartjie!

14 ure gelede | Gebeure

D'Arlin en Leigh-Ann Benade is een van die top-30-paartjies in Republikein se Bruidspaar van die Jaar-kompetisie. Een gelukkige leser, wat aan ons SMS-kompetisie deelneem, kan...

Namibiër ’n top-uitvinder

14 ure gelede | Gesondheid

Henriette Lamprecht – ‘n Namibiër is een van 30 finaliste uit 2 400 inskrywings in die Wêreldgesondheidsorganisasie (WHO) se eerste uitdaging vir vernuwing op die...