Net in SA! Bande wat taxi’s kan oorleef

10 October 2019 | Sakenuus
William Horne – Daar is spesialisbande vir renjaers, viertrekvoertuie en swaar reën, en nou ook vir nog ’n veeleisende gebruikstoepassing: Suid-Afrikaanse minibustaxi’s.

Bridgestone het Maandag amptelik gespesialiseerde nuwe bande bekend gestel wat spesiaal vir die gewilde Ses’fikile Toyota Quantum-minibustaxi’s ontwerp is.

Bridgestone het met SA Taxi, ’n finansier van taxi-entrepreneurs wat nie by banke finansiering kan bekom nie, ’n vennootskap begin om sy nuwe bande beskikbaar te stel.

Volgens SA Taxi is daar meer as 250 000 minibustaxi’s op Suid-Afrika se paaie wat elk gemiddeld 6 500 km per maand aflê.

Die Bridgestone R15 sal dié enorme afstande, en ander eise uniek tot dié voertuie, kan weerstaan teen ’n fraksie van die prys, sê Bridgestone in ’n verklaring.

Hy verduidelik dis in die land se belang dat Suid-Afrika se taxi’s beter toegerus word, aangesien 20% van alle padongelukke gebeur weens bande wat meegee.

Taxibestuurders wat deel is van SA Taxi se lojaliteitsprogram sal nou R400-afslag kry op elke nuwe R15-band wat hulle koop, asook ander belonings wat daarop gemik is om padveiligheid te bevorder.

Volgens SA Taxi se webwerf is 31 543 taxibestuurders by hom geregistreer.

“Die ooreenkoms tussen SA Taxi en Bridgestone sal ons verder in staat stel om ’n bedryf te stimuleer wat van kritieke belang is vir die lewensbloed van die land se ekonomie,” sê Maroba Maduma, kommunikasiehoof van SA Taxi.

Die plaaslike taxibedryf vervoer sowat 15 miljoen Suid-Afrikaners per dag, hoofsaaklik sodat dié mense by die werk kan kom, sê SA Taxi.

Jacques Fourie, uitvoerende hoof van Bridgestone Suid-Afrika, sê die nuwe produk se bydrae tot die ekonomie is ook nie net in terme van padveiligheid en afslag vir so ’n kerndeel van die land se vervoerstelsel nie.

“Gegewe dat dié bande ook plaaslik vervaardig gaan word, gaan ons broodnodige poste skep om die ekonomie te help met ’n beduidende hupstoot aan die vervaardigingsektor,” sê Fourie.
– Netwerk24

Soortgelyk

 

Varser brood is daar nie

1 uur gelede | Byvoegsels

Tanja Bause – Elke dag om 09:00 klim Dawid Rooi op sy rooi fiets en laai varsgebakte brood op Gibeon af. Die wit- en bruinbrode...

Tropiese stelsel bring vog vir Noordooste

1 uur gelede | Weer

Elvira Hattingh - ’n Tropiese vogstelsel kan vir bykans die res van die week reën na die noordooste van die land bring. Dit sal egter...

Verkragting: 651 mans agter tralies

1 uur gelede | Misdaad

Jana-Mari Smith – Terwyl ’n epidemie van geweld teen vroue en kinders in Namibië woed, is 651 mans en twee vroue in die tronk vir...

One jump at a time

1 uur gelede | Mense

Elizabeth JosephEmmanuel Anana Samuntu is a 19-year-old high jumper with a personal best of 2.12m.He also has a long jump personal best of 7.27m. He...

Weer, Dinsdag 12 November 2019

1 uur gelede | Weer

BINNELAND: Gedeeltelik bewolk en baie tot bloedig warm met ‘n paar donderbuie in die noordooste. Geïsoleerde donderbuie word in die Zambezistreek verwag. In die...

Bek-en-klouseer: Verbod op SA-invoere geld steeds

1 uur gelede | Landbou

Elvira Hattingh - Die Namibiese direktoraat veeartsenydienste (DVS) sê die verbod op invoere van vleis en vleisprodukte van Suid-Afrika af staan steeds, soos ingestel tydens...

Stukkie paradys padlangs

1 uur gelede | Byvoegsels

Tanja Bause - Langs die B1-hoofweg by Mariental lê ’n stukkie paradys. Die Padlangs-padstal, wat in November verlede jaar sy deure oopgemaak het, is nie...

VERKIESINGS 2019: PRESIDENSIËLE KANDIDATE

1 uur gelede | Politiek

Esther Utjiua MuinjangueNational Unity Democratic Organisation (Nudo)Esther Utjiua Muinjangwe, die leier van Nudo, is die eerste vroulike leier van ‘n politieke party in Namibië en...

Laat jou partytjie in my hande

1 uur gelede | Byvoegsels

Tanja Bause - Lüderitz spog nou met sy eie geleentheidsontwerper.Nicole Ferreira beplan sedert 2012 verskeie partytjies op die dorp. Vanjaar het sy besluit om haar...