Net 20,6% water in damme oor

Oostedamme binnekort dolleeg

13 November 2019 | Weer
Elvira Hattingh - Damme in Namibië het in totaal net 20,6% of 144,030 Mm³ (miljoen kubieke meter) water oor, vergeleke met dieselfde tyd verlede jaar toe dit op 37,2% gestaan het.

Dít volgens die jongste damverslag wat NamWater Maandag uitgereik het.

Die Gobabis-omgewing is steeds die gebied met die leegste damme.

Tans is dié damme gemiddeld 1% vol, met die Otjiverodam wat net sowat 1,8% water oorhet. Die Tilda Viljoendam hou tans 0,8% water en die Daan Viljoendam 0,5%.

NamWater sê hy moes beide die Tilda Viljoendam en die Otjiverodam se vlakke skat omdat die water reeds onder die laagste punt van onttrekking is en dit dus nie op die plaat gemeet kon word nie.

Gesamentlik is net sowat 0,186 Mm³ water in Gobabis se drie damme oor, vergeleke met dieselfde tyd verlede jaar se 0,811 Mm³.

Damme in die sentrale dele van die land het gesamentlik 15,5% water oor, met die Von Bachdam wat tans 36,1% vol is. Die Swakoppoortdam is slegs 5,5% vol, terwyl die Omatakodam leeg is.

Dié drie damme, wat onder meer Windhoek van water voorsien, het gesamentlik net sowat 20,635 Mm³ water oor, terwyl dit verlede jaar dieselfde tyd nog 37,953 Mm³ water oorgehad het.

Wateroorplasings van die Swakoppoortdam na die Von Bachdam is op 4 November gestaak.

Die Friedenau- en Goreangabdam is onderskeidelik 22,1% en 93,8% vol.

In die Suide staan die gemiddeld tans op 25,3% en hou die Nautedam tans die meeste water – dit is 75,7% vol en hou 63,309 Mm³ water.

Die Hardapdam, Namibië se grootste naas die bykans voltooide Neckartaldam, is tans 10,5% vol en bevat nog 30,958 Mm³ water.

NamWater het vroeër aan Republikein gesê hy sal watertoevoer vir besproeiing rondom die Hardapdam staak wanneer ’n vlak van 4,5% bereik is.

Dié vlak sal na verwagtign teen einde Desember vanjaar bereik word.

Rehoboth se Oanobdam is 41,7% vol.

- [email protected]

Soortgelyk

 

Uitvoerende direkteurs geskuif

2 ure gelede | Regering

Die eerste minister, me. Saara Kuugongelwa-Amadhila, het vanmiddag aangekondig ’n aantal uitvoerende direkteurs word geskuif, terwyl ’n aantal nuwes aangestel word.Mnr. Hannu Shipena, tans die...

120 nuwe gevalle van Covid-19 in Namibië

6 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê 120 nuwe gevalle van Covid-19 is in die land aangeteken wat die totaal...

Vyf adjunkministers besoek Walvisbaai

21 ure gelede | Regering

Leandrea Louw – 'n Hoëvlakafvaardiging wat uit vyf adjunkministers bestaan, is tans in Walvisbaai op 'n ter plaatse besoek aan die Erongostreek en in veral...

Privaatskole bloei ook

21 ure gelede | Onderwys

Henriette Lamprecht – Privaatskole in Namibië onder die vaandel van die Namibië Privaatskole Organisasie (Napso) het tussen 5% tot 20% van hul skoliere direk vanweë...

Meer as 60 herstel van Covid-19

21 ure gelede | Gesondheid

Henriette Lamprecht – Die minister van gesondheid en maatskaplike dienste (MoHSS), dr. Kalumbi Shangula, sê die aantal bevestigde ­Covid-19-gevalle het met 36 tot 1 402...

Die weer vir 23 Julie 2020

21 ure gelede | Weer

WEERWAAK: Ooswindtoestande sal vir die res van die week oor die Namib en kusgebiede voortduur. BINNELAND: Koud in die oggend, andersins sonnig en matig tot...

Werknemers in lugvaart ruk op oor griewe

21 ure gelede | Arbeid

Werknemers van Air Namibia en die Namibië Burgerlugvaartowerheid (NCAA) het gister saam met eweknieë van die Namibiese Kajuitpersoneelunie (NCCU) en die Namibiese Vervoer- en Verwante...

Esau en skoonseun bly in tjoekie

21 ure gelede | Misdaad

Jemima Beukes – Landdros Duard Kesslau het gister in die Windhoek-landdroshof gesê die oudminister van visserye en mariene hulpbronne, mnr. Bernhard Esau, en sy skoonseun,...

Universiteite skud hul vere reg

21 ure gelede | Onderwys

Kristien Kruger – Verteenwoordigers van verskeie tersiêre instellings was laasweek aan die woord by die Covid-19-kommunikasiesentrum in die hoofstad om te gesels oor hul gereedheid...