Neserhuis - middestad se misbaksel

Groter beheer, beter dienste nodig

06 January 2017 | Gemeenskap
Yochanaan Coetzee - Inwoners van die mini­sterie van werke en vervoer se Neserhuis-woonstelblok in Windhoek sit letterlik in sak en as.

Dié woonstelblok in Ausspanplatz in die middestad, is 'n steen des aanstoots weens swak vullisverwydering, beweer inwoners.

Hulle sê hulle sal die kompleks beter in stand kan hou as daar meer beheer oor toegang tot die gebou is.

Die kompleks bestaan uit ses geboue met ongeveer 150 woonstelle. Baie van die woonstelle huisves minstens vier tot vyf mense.

“Daar bly baie mense in die kompleks, maar niemand pla mekaar rêrig nie. Die grootste probleem is daar is nie genoeg dromme vir vullis nie en dit word nie gereeld leeggemaak nie.

"Omdat daar ook nie hekke is nie, kom bly haweloses op die perseel en krap in die dromme. Dan waai die wind die rommel oral rond,” sê me. Queen Kashihakumwa, wat die afgelope 10 jaar reeds saam met haar gesin hier bly.

Sy sê daar was onlangs 'n poging om 'n elektriese motor by die hoofingang se hek te laat installeer, maar dit het gesloer en die motor is intussen gesteel.

Die tekort aan toegangsbeheer is duidelik. Van die ses ingange wat Republikein gesien het, was net een gesluit.

Nog 'n probleem is die tekort aan sekuriteit. Daar is talle donker hoekies wat 'n teelaarde vir misdaad, dwelmgebruik en aanvalle kan wees, sê inwoners.

“Dit is baie onveilig op sekere plekke omdat van die kragbeheerkamers se deure oopgebreek is en mense daar slaap. Wie weet wat anders hulle daar doen?” het 'n inwoner wat anoniem wil bly, gesê.

“Die ministerie en die munisipaliteit is behulp­saam wanneer jy herstelwerk onder hul aandag bring, maar ons wil ook die woonstelblokke en openbare terrein verbeter. Dit begin by die beheer en verskaffing van diens wat doeltreffend sal wees vir die aantal mense wat hier bly,” het hy gesê.

Mnr. Ronnie Golgota, rommelbeheerbeampte van Windhoek se munisipaliteit, het inwoners aangeraai dat die bestuur van die woonstelkompleks aansoek om meer dromme moet doen en meer gereelde vullisverwydering.

Pogings om met die ministerie van werke en vervoer se instandhoudingsafdeling te skakel, was teen druktyd nie suksesvol nie.

Soortgelyk

 

Keelvol studente soek hul geld

4 ure gelede | Onderwys

Augetto GraigStudenteleiers het gister op die Namibië Finansiële Hulpfonds vir Studente (NSFAF) se voorstoep betoog oor geld wat steeds nie aan hulle uitbetaal is nie....

Klagte van haatspraak

4 ure gelede | Howe

Henriette Lamprecht - ’n Klag van haatspraak is by die ombudsman ingedien teen leserskommentaar op 'n plaaslike dagblad se webtuiste. Die koerant moet volgens die...

Weer vir 19 Oktober 2017

4 ure gelede | Weer

WAARSKUWING: 'n Koue front word in die suidelike streke verwag. Binneland: Gedeeltelik bewolk en koud tot koel in die Suide, maar warm in die verre...

Routydperk vir Muharukua

4 ure gelede | Mense

'n Nasionale routydperk vanaf vandag tot Saterdag is afgekondig, met vlae wat halfstok sal hang. Die eer word betoon aan me. Angelika Muharukua wat op...

Minderheidsaandeelhouers teen sluiting van die SME Bank

4 ure gelede | Howe

Jacqueline Louw Senior advokaat Andrew Corbett het gister namens die Bank of Namibia (BoN) die motiewe van die twee Zimbabwiese minderheidsaandeelhouers wat die likwidasie van...

DTA eis skorsing van PS

4 ure gelede | Politiek

Die DTA vra vir die onmiddellike skorsing van die permanente sekretaris van nywerheidsontwikkeling, handel en SME-ontwikkeling en die hoofbestuurder van die Owerheid vir Sake- en...

Aanlyn geldskema oortree wet

4 ure gelede | Misdaad

Ronelle Rademeyer - ’n Nege maande oue geldmaakskema wat aanlyn beleggers se “drome” waar maak deur opbrengste van so hoog as 75% te beloof, oortree...

Kort nuus

4 ure gelede | Misdaad

Ondangwa ...

Selfs die jeug is bekommerd oor 'hubbly'-pype

4 ure gelede | Maatskaplik

Telwin !Owoseb - Namibië“Hoekom is dit in die eerste plek ingevoer en aanvaar? Dit moes nie ingebring gewees het nie. Dit vernietig die jeug en...