NEEEF op dreef

Geingob gee oorsig van prestasies en uitdagings

14 December 2016 | Regering
Estelle de Bruyn - Die Nuwe Gelyke Ekonomiese Bemagtigingsraamwerk (NEEEF) is na aan afgehandel. So sê pres. Hage Geingob wat gister by Staatshuis ‘n oorsig oor die jaar gegee het.

“As ‘n regering wat op versoeke reageer, het ons die sperdatum vir bydraes van NEEEF-belanghebbendes verskeie kere uitgestel. Ons is daarom vol vertroue dat ons nader aan ‘n wen-wen-uitkoms in die gees van Harambee is. Wat seker is, is dat ons meer moet doen om ongelykheid in Namibië te verminder, aangesien daar te veel op die spel is indien ons dit nie doen nie.

“Ondanks welslae met die vermindering van armoede, bly die Gini-koeffisiënt hoog. Om dié rede moedig ons almal aan om hande te vat om ongelykheid wat die bestaan van ons demokrasie in gevaar kan stel, die hoof te bied,” het Geingob gesê.

Hy het ook voorbeelde genoem van sekere aktiwiteite wat daarop gemik is om plaaslike produksie en werkskepping in die vervaardigingsektor te stimuleer.

‘n Bystandskema vir toerusting is heringestel en daar is begin met die lewer van dienste op nywerheidsgrond by Brakwater. Die bou van ‘n meubelfabriek op Keetmanshoop nader voltooiing. Hierdie fabriek sal volgens Geingob in die toekoms ‘n sleutelrol in die produksie van noodsaaklike meubels vir skole en hospitale speel en sodoende invoere vervang en die handelsbalans verbeter.

Op Outapi vorder bouwerk aan ‘n klerefabriek goed. Hierdie fabriek sal saam met ‘n soortgelyke fabriek op Otjiwarongo, voortaan skooluniforms en uniforms vir die polisie en weermag vervaardig.

Planne om die noordelike leerlooiery optimaal te benut, nader volgens die president ook voltooiing en behoort betekenisvolle waarde tot die landbousektor in die noordelike kommunale gebiede toe te voeg.

Volgens Geingob word Namibië se mededingendheid aan bande gelê deur ‘n werkmag wat onvoldoende opgelei is, toegang tot finansiering, beperkende arbeidsregulasies, ‘n swak werksetiek, korrupsie en ondoeltreffende burokrasie in die staatsdiens.

Hy het opnuut die belangrikheid van Namibië se posisionering as mededingende deurgangsmark na die Suider-Afrikaanse Ontwikkelingsgemeenskap (SADC) en die sub-Sahara-streek van Afrika beklemtoon, veral in die lig van die klein plaaslike mark.

“Ekonomiese mededingendheid moet as ‘n betekenisvolle strategie in die multi-dimensionele oorlog teen armoede beskou word. Van die sleutelhervormings wat nodig is om ons ekonomiese mededingendheid te verbeter, sluit in die harmonisering en integrasie van verskeie prosesse om sakeondernemings te registreer, wat tans onder verskeie kantore, ministeries en agentskappe van die regering val. Dit moet in ‘n geïntegreerde kliëntediens saamgevat word,” het Geingob gesê.

Daar is volgens hom reeds met die proses begin en ‘n aantal slypskole is met belanghebbendes gehou om beter begrip vir die vereiste hervormings te kry.

Om hierdie hervormings te versnel, sal ‘n elektroniese een-stop-diens deel van die proses moet uitmaak. Dit moet onder meer voorsiening maak vir 13 e-dienste wat die volgende insluit: registrasie van beslote korporasies; maatskappye; alleeneienaarskappe; werkgewers se maatskaplike voorsorgfondsnommers; werknemers se maatskaplike voorsorgfondsnommers; sertifikate vir waarde op toegevoegde belasting; persoonlike belasting en handelsmerke. Dit moet ook voorsiening maak vir die uitreiking van belastingsertifikate, in- en uitvoerpermitte, asook aansoeke om werkpermitte.

Soortgelyk

 

Hepatitis E-uitbreking in Omusatistreek

10 ure gelede | Gesondheid

Sedert gister het die Omusatistreek 45 gevalle van Hepatitis E aangeteken, waarvan 10 deur laboratoriumtoetse bevestig is. Die meerderheid van dié gevalle is uit die...

Plaasvoorman skiet glo werker dood

12 ure gelede | Misdaad

Denver Kisting – ’n 65-jarige plaasvoorman verskyn na verwagting vanoggend (Donderdag) in die landdroshof op Mariental op 'n klag van moord.Dít kom nadat hy glo...

RCC: Kontrak met Chinese ongeldig

21 ure gelede | Plaaslik

“Dit is aangegaan sonder die insette of goedkeuring van my as lynminister.” Mnr. John Mutorwa; Minister van Werke en Vervoer

’n Huis vir Helena

21 ure gelede | Gebeure

Maria Eiseb - ’n Skoonmaker en ma van vyf was sprakeloos toe ’n huis in die Greenwell Matongo-woonbuurt in Katutura aan haar oorhandig is.Me....

STEM EN WEN

21 ure gelede | Gebeure

Tot 1 Junie het almal een SMS-stem om die Klein Dorp van die Jaar vir 2018 aan te wys.Kies uit:EenhanaOkahaoOniipaOranjemundDie vier finaliste sal hul dorpe...

Kalender 25 Mei

21 ure gelede | Kuns en vermaak

Nou aan die gang» Die Omba-galery, in samewerking met die John Muafangejo Art Centre (JMAC) bied ’n uitstalling deur voormalige studente en jong kunstenaars aan....

'Moenie NSFAF-geld terugbetaal'

21 ure gelede | Plaaslik

Denver Kisting'n Studente-organi­sasie het gister te velde getrek teen die voorstel dat beurse van die Finansiële Hulpfonds vir Namibiese Studente (NSFAF) in lenings omskep word.Daarnaas...

Weer vir 24 Mei

21 ure gelede | Weer

BINNELAND: Mooiweer en warm tot baie warm in die //Kharasstreek, andersins gedeeltelik bewolk en warm tot baie warm.KUS: Gedeeltelik bewolk en matig met miskolle op...

Where luxury is simple

21 ure gelede | Kuns en vermaak

In life, one will often find the most beautiful gems in the most unexpected places. Spectacularly situated on top of the breathtaking Spreetshoogte Pass...