NCA maan oor veldbrande

Houtskoolprodusente moet reëls nakom

01 September 2020 | Landbou
Elvira Hattingh – Terwyl ’n veldbrand Sondag in die Outjo-omgewing geblus is nadat glo sowat 3 hektaar afgebrand het, het die Namibiese Houtskoolvereniging (NCA) opnuut ’n beroep op hul lede gedoen om aan die streng maatreëls vir die verbranding van houtskool te voldoen.

Dit volg nadat ’n reusebrand verlede week Woensdag en Donderdag altesaam 31 352 ha, of na raming tot 14 plase in die Otjiwarongo-gebied afgebrand het.

Die presiese gebied wat deur die brand by Otjiwarongo geraak is, is intussen gekarteer en bereken. Die Namibië Landbou-unie (NLU) het aangedui dit sal sy Dare to Care-rampfonds aktiveer sodat bystand aan die geraakte boere verleen kan word.

In die jongste voorval het ’n brand glo op die plaas Mayerton naby Outjo voorgekom, maar dit is vinnig geblus.

“Die belangrikste reëls sluit in dat die verbranding van houtskool, veral tydens die brandseisoen, in groeperings moet plaasvind en daar 24 uur ’n dag en sewe dae ’n week toesig oor die kilns gehou word,” het die NCA gisteroggend in ’n plasing op hul Facebook-blad gesê.

“Geen kiln moet alleen in die veld gelaat word nie en kilns moenie brand terwyl sterk winde waai nie.

“Ons doen ’n beroep op boere om seker te maak die reëls word gevolg en dat die verontagsaming hiervan by die NCA aangemeld word. Dit sal dan aan die bosboudepartement deurgegee word wat oespermitte kan terugtrek,” het die NCA gewaarsku.

Dit volg nadat nuwe maatreëls deur die direktoraat van bosbou vroeër vandeesmaand aangekondig is om die risiko van veldbrande te verlaag wat deur houtskoolproduksie veroorsaak word.

As produsente nie hieraan gehoor gee nie, kan hulle die nodige permitte verloor om kole te brand, sê die NLU in ’n nuusbrief.

Hierdie maatreëls, wat onmiddellik in werking getree het, sal jaarliks van 1 Augustus tot 31 Desember geld.

Hiervolgens is dit verpligtend om houtskooloonde in groepe saam te brand. Enkeloonde wat verspreid deur die veld brand, word gedurende hierdie periode verbied.

Verder sal ’n plaas waarop houtskool geproduseer word, ’n brandstrook van 15 m breed op die grense aan die einde van elke reënseisoen moet aanbring. ’n Area binne ten minste ’n 5 meter-radius moet ook skoongemaak word rondom die oonde wat saam gegroepeer is voordat hulle aan die brand gesteek word.

Die ministerie van die omgewing, bosbou en toerisme het ’n dringende beroep op houtskoolprodusente gedoen om hierdie nuwe maatreëls ten volle toe te pas ten einde die risiko van onbeheerde veldbrande, wat jaarliks groot skade aan die omgewing aanrig, tot die minimum te beperk.

Bosbou-amptenare mag plase waar houtskool geproduseer word, inspekteer om seker te maak hierdie nuwe maatreëls word toegepas. Die plase wat nie hieraan voldoen nie se oes- en bemarkingspermitte kan summier opgeskort word.

- [email protected]

Soortgelyk

 

22 gevangenes toets positief vir Covid-19

6 ure gelede | Gesondheid

Twee-en-twintig gevangenes van die Sentrale Gevangenis in Windhoek is deel van die 34 nuwe Covid-19-gevalle wat in die hoofstad aangeteken is. Volgens die minister...

Beweerde baba-ontvoerder gou vasgetrek

12 ure gelede | Misdaad

Kristien Kruger – ’n Beweerde baba-ontvoering het inwoners van Havana geskok net weke ná twee gruvoorvalle in dié informele nedersetting in die hoofstad.’n Twee maande...

Noorde brand wéér

22 ure gelede | Omgewing

‘n Groot veldbrand woed tans naby Tsumeb, met een persoon wat sê hy kon bykans nie verby die vuur kom om die dorp binne te...

345 leerlinge toets positief vir Covid-19

22 ure gelede | Gesondheid

Henriette Lamprecht - Tot op hede het 345 leerlinge in Namibië positief vir Covid-19 getoets. Die meeste is in die Oshikotostreek en wel 170 (49,3%)...

Viskwota-sirkus

22 ure gelede | Landbou

Ronelle Rademeyer - Die regering se viskwotaveiling het klaaglik misluk.Van die beoogde N$628 miljoen wat die regering uit die kwotaverkope vir maasbanker, stokvis en monnikvis...

Jooste skors Nida-raad

22 ure gelede | Regering

Elvira HattinghDie huidige raad van direkteure vir die agentskap vir nywerheidsontwikkeling in Namibië (Nida), is gevra om hul kantore te ontruim en is die afgelope...

Weer vir 1 Oktober

22 ure gelede | Weer

BINNELAND: Gedeeltelik bewolk en baie warm in die Zambezistreek met 'n paar buie, andersins sonnig en baie warm tot warm in die //Karasstreek.KUS: Gedeeltelik bewolk...

Lucia sterk goed aan

22 ure gelede | Gesondheid

Tanja Bause Vier maande nadat Lucia Soroses (8) met ernstige brandwonde na die sentrale hospitaal in Windhoek verplaas is, sterk sy goed aan.Mnr. George Olivier...

Meer as miljard vir MIV-stryd

22 ure gelede | Gesondheid

Henriette LamprechtDie bekamping van MIV/vigs in Namibië het ’n reuse-hupstoot van miljoene Namibiese dollar gekry met die Amerikaanse president se noodplan vir vigsverligting (Pepfar) wat...