NBC-geskil word bemiddel

Kommer is ‘menslik’

14 September 2018 | Tegnologie
Augetto Graig - ’n Arbeidsbemiddelaar word nou by die voortslepende ontevredenheid by die nasionale uitsaaier (NBC) betrek.

Mnr. Chrisjan Appolus, wat die NBC se werknemers verteenwoordig, het bevestig dié bemiddelaar sou die arbeidsgeskille van vanoggend 11:00 af probeer besleg.

Die kwessie van salarisverhogings wat in ’n doodloopstraat beland het, sal onder die loep kom.

Uitsluitsel sal ook gekry word oor moontlike stappe wat die ongelukkige werkers verder kan doen.

Dié bemiddeling volg ná ’n personeelvergadering vroeër vandeesweek waartydens ’n klagskrif aan die uitsaaier se raadsvoorsitter, mnr. Sven Thieme, voorgelê is.

Die NBC se amptelike woordvoerder, me. Umbi Karuaihe Upi, het bevestig dié vergadering het wel plaasgevind, maar wou nie verdere kommentaar daaroor lewer nie.

Volgens anonieme bronne wat die evrgadering bygewoon het, het Thieme die klagskrif weggewys.

Die bronne sê Thieme ondersteun glo die werkers se pleidooi, maar word deur die uitsaaier se kleiner begroting beperk.

Die regering moet die belang van die NBC se mandaat as openbare uitsaaier besef en daarvoor begroot, sê hulle.

Ondanks ’n toename in inkomste die afgelope twee jaar, is die NBC se huidige beskikbare bronne bloot nie voldoende nie.

Dié omstandighede dra by tot die uitsaaier se onvermoë om die maatskappy se bydrae tot werknemers se pensioenfonds by te bring.

Om koste te bespaar, oorweeg die raad sekere maatreëls, soos die uitskakeling van deeltydse kontrakwerkers, die vermindering van permanente werknemers en die vermindering in die aantal werksure per werknemer.

Daar word bespiegel dat die direkteur-generaal van die NBC, mnr. Stanely Similo, dié stappe teenstaan, en dat hy selfs kontrakwerkers se aanstellings wil verleng om werknemers te ondersteun.

Similo het navrae van Republikein na Karuaihe-Upi verwys.

“Die NBC se finansieringsuitdagings is goed gedokumenteer. Dit is ook welbekend dat die NBC as gevolg hiervan nie in staat is om sekere verantwoordelikhede wat die koste van werknemers en diensverskaffers betref nie. Tog is ons optimisites weens die voortdurende beraadslaging tussen die betrokke ministeries, wat ons lynministerie insluit, die raad en die bestuur in die soeke na oplossings vir die omstandighede.

“Dis menslik dat alle werknemers oor hul lewensbestaan en werksekerheid bekommerd is. Daarom is die bestuur daaraan toegewy om werknemers op hoogte van ontwikkelinge te hou deur middel van vergaderings en ander maniere van kommunikasie. Dis te vroeg vir die bestuur om vrae oor moontlike afleggings en bedryfsaksie te beantwoord, omdat beraadslaging voortduur,” het sy gesê.

Die uitsaaier se werknemers neem al maande lank aan gereelde optogte, onder leiding van die Namibiese Vakbond vir Staatsdienswerkers (Napwu), deel.

Die vakbond se leiers was gister uitstedig en kon nie vir kommentaar bereik word nie.

Napwu weier sedert Junie om hul klagskrif aan enigiemand anders as Thieme te oorhandig.

Republikein is nie in besit van die klagskrif nie, maar is vroeër deur me. Toucy Tjijombo, verteenwoordiger van die vakbond, oor die aard van die werknemers se eise ingelig.

Dit sluit in 'n salarisverhoging van 6%, waarop twee jaar gelede glo met die bestuur ooreengekom is.

Werknemers eis dat dié verhoging terugwerkend geld.

Die groep is ook ontevrede oor hul werksvoorwaardes, en eis dat kon­trakwerkers voltyds aangestel word, het Tjijombo gesê.

Die uitsaaier se werksnemers het in Junie reeds gedreig om te staak.

Hulle het gesê televisie- en radiodienste sou stil raak as daar nie aan hul eise gehoor gegee word nie.

Tjijombo dra kennis van vandag se vergadering met die arbeidsbemiddelaar en is van voorneme om dit by te woon.

“Die uitslag sal vas stel wat ons volgende aksie sal wees,” het sy oor die vergadering gesê.

Soortgelyk

 

Brand breek uit by Spar op Keetmanshoop

7 ure gelede | Ongelukke

'n Brand woed tans by die Spar op Keetmanshoop. 'n Leser het enkele minute gelede dié foto vir Republikein gestuur. Meer inligting is nie tans...

Elfjarige byna ontvoer

2 dae gelede | Misdaad

Henriette Lamprecht – ‘n Elfjarige laerskoolmeisie is Woensdag helder oordag voor haar huis byna deur ‘n groep mense in ‘n motor gedwing en ontvoer. ‘n...

Tendertafel net vir buitelanders gedek

2 dae gelede | Infrastruktuur

Ronelle Rademeyer - Die voorwaardes waaraan kontrakteurs moet voldoen om in aanmerking te kom vir twee reuse-konstruksietenders van byna N$4 miljard, is van só ’n...

Storm los by Unam-eksamen

2 dae gelede | Onderwys

Denver Kisting - Die Universiteit van Namibië (Unam) het teen gistermiddag steeds skouers opgetrek oor ’n eksamen wat eergisteraand skeefgeloop het.Nagraadse regstudente verbonde aan die...

Kalender 21 September

2 dae gelede | Kuns en vermaak

Nou aan die gang» Erfenisweek 2018 is goed op dreef by die Franko-Namibiese Kultuursentrum (FNCC) . Namibië se belangrikste erfenisinstellings het saamgespan om dié...

’n Mannekoor en wyn vir die pyn

2 dae gelede | Kuns en vermaak

Die Windhoeker Männerchor (WMC) en ‘n uitgesoekte groep musikante nooi die publiek na die Wynfees/Winzerfest uit. Dít vind op 6 Oktober by die SKW...

Vanjaar reeds 29 renosters in Namibië gestroop

2 dae gelede | Omgewing

Francoise SteynbergAltesaam 21 swart- en agt witrenosters is al vanjaar in Namibië vir hul horings afgemaai.Uit dié 21 swartrenosters is 13 in die Etosha Nasionale...

Gif in waterkrip dalk stropers se werk

2 dae gelede | Misdaad

Henriette Lamprecht Watermonsters van 'n krip in 'n munisipale kamp wes van Omaruru is vir ontleding na 'n private laboratorium gestuur om te bepaal...

Breek die mure af

2 dae gelede | Kuns en vermaak

Yolanda Nel – Indien die klank van kabaret, Evita of die Rocky Horror Picture Show jou aandag trek, moet jy môre geen planne maak nie.Shades...