NBC-baas pleit vir geld by parlementêre komitee

27 April 2021 | Regering
Stefan Noechel



Die direkteur-generaal van die nasionale uitsaaier (NBC), mnr. Stanley Similo, het gister voor 'n parlementêre staande komitee verskyn om oor die maatskappy se finansiële uitdagings te praat.

Werknemers van die NBC staak sedert verlede week vir beter vergoedingspakkette en die ­uitsaaier se stem is sedertdien stil op beide sy radiostasies as televisiekanale.

Similo en tien van sy topbestuurders en departementshoofde was teenwoordig om oor die geldelike probleme uit te brei.

Volgens hom genereer die uitsaaier jaarliks ongeveer N$100 miljoen uit kommersiële inkom­stebronne en dit was ook die geval gedurende die afgelope pandemiejaar.

Wat hom egter bekommer, is die verminderde toelaag wat die maatskappy dié jaar van die regering ontvang.

Die minister van finansies, mnr. Iipumbu Shiimi het onlangs ­aangekondig dat die NBC se ­begroting vir die finansiële jaar slegs N$127 miljoen is.



KRITISEER BESLUIT

Similo het die besluit gekritiseer en gesê dat 'n vermindering van 62% in die NBC se begroting die einde van die nasionale uitsaaier gaan beteken. NBC benodig jaarliks meer as N$400 miljoen om sy strategiese toekomsplanne vir digitalisering en uitsaai suksesvol te kan implementeer.

Hy het die uitgawes uiteengesit, met inligtingstegnologie (IT) en die opgradering en uitbreiding van die radio- en TV-ateljees wat elk 30% (byna N$18 miljoen elk) van die jaarlikse begroting uitmaak.

Met die beplande elektroniese en meganiese opgraderings asook die instandhouding van die radionetwerk, word jaarliks bykans N$60 miljoen benodig.

Tans is 397 werknemers vas aangestel terwyl sowat 120 tydelike kontrakwerkers is en 'n onbekende aantal vryskutwerkers in die persoonlike register gelys word.

Soortgelyk

 

Skoolhoof van Swakop sterf aan Covid-19

10 ure gelede | Mense

Ronelle Rademeyer – Huldeblyke het gister uit onderwys- en ander kringe ingestroom nadat die skoolhoof van Pro-Ed Akademie se hoër­skool op Swakopmund, mnr. Henry McCarthy,...

ReconAfrica voor hof gedaag

10 ure gelede | Howe

Ronelle Rademeyer – Reconnaissance Energy Africa (ReconAfrica) het sonder konsultasie of vooraf kennisgewing die natuurlike woud en landerye wat wettiglik deur 'n familie by Mbambi...

Weer vir 10 Mei 2021

10 ure gelede | Weer

BINNELAND: Sonnig en warm tot baie warm in die Suide. Elders sal dit gedeeltelik bewolk en warm tot baie warm wees.KUS: Gedeeltelik bewolk en warm...

Nog NBC-werkers keer terug

10 ure gelede | Arbeid

Hoewel die NBC-staking landswyd voortduur, het 74 werknemers intussen teruggekeer werk toe en is die Engelse radiodiens, National FM, weer terug op die lug. Die...

Noodkreet teen misdaadvlaag

10 ure gelede | Misdaad

Tunohole Mungoba op Oshakati – Die Oshakati-stadsraad het Donderdag 'n openbare vergade­ring in Okandjengeni-Suid op dié dorp gehou waar verskeie veiligheidskwessies geopper en klagtes teen...

Dwelms van amper N$2 miljoen gekonfiskeer

10 ure gelede | Misdaad

Volgens die Namibiese polisie is in April meer mense in besit van dwelms in hegtenis geneem as gedurende Maart. In Maart is 106 mense in...

Nuwe lewe in onooglike kraghuis geblaas

10 ure gelede | Kuns en vermaak

Claudia Reiter – Die kunstenaars Kat en Lens het die mure van 'n transformator-substasie in Conrad Ruststraat in Klein Windhoek geverf en verfraai. “Ons ry...

Geen partytjie vir Nujoma

10 ure gelede | Gemeenskap

Die kantoor van die stigterspresident Sam Nujoma het aangekondig hy gaan nie op 12 Mei sy 92ste verjaardag met 'n openbare byeenkoms vier nie. Dié...

Betaaldag hier vir Air Namibia se personeel

10 ure gelede | Vervoer

Ogone Tlhage – Die minister van openbare ondernemings (SOE's), mnr. Leon Jooste, het bevestig die regering het 'n gedeelte betaal van die N$278 miljoen wat...