Navachab streef na volhoubaarheid

Produksiekoste net te hoog

16 April 2019 | Sakenuus
Augetto Graig - Daar is geen waarheid in onlangse mediaberigte dat tot 400 werksgeleenthede by die Navachab-goudmyn in gevaar is nie.

So sê die hoofbestuurder van die myn, mnr. George Botshiwe.

Volgens hom het die myn 420 permanente werknemers in totaal, en 'n verdere 120 werknemers wat vir kontrakteurs werk.

“Wat wel waar is, is dat die maatskappy vrywillige skeidings- en vroeë aftreepakkette vir werknemers aangebied het. Die sperdatum vir aansoeke om hierdie pakkette is 23 April 2019.”

Volgens hom is die myn se grootste uitdaging tans die jare lange hoë produksiekoste van die myn, wat aangespreek word om langtermynvolhoubarheid te verseker. Dit is waarom strategiese besluite geneem is wat 'n impak op mynoperasies het, sê hy.

“Die teiken is om produksiekoste met tussen 20% en 25% te verminder. Die aanbod vir vrywillige skeiding of vroeë aftrede is deel van dié proses,” sê Botshiwe.

Volgens hom is Navachab in wese 'n laegraadmyn wat hoogs sensitief is vir bedryfskostes, inflasie en fluktuasies in makroëkonomiese omstandighede soos die goudprys en wisselkoers. “Ongelukkig het die koste van produksie oor die afgelope jare toegeneem, terwyl die gehalte van ons erts terselfdertyd gedaal het,” sê hy.

Botshiwe het gesê die mynbestuur het kort nadat QKR Namibië die myn gekoop het, ingetree om bedryfskoste tot volhoubare vlakke te verminder. “Dit het egter nie genoeg positiewe kontantvloei geskep nie, en gereelde beleggings deur die aandeelhouer was nie genoeg om toenemende produksiekoste heeltemal te dek nie. Dit terwyl produksievolumes effens gegroei het, wat effektief tot 'n hoër per eenheid koste van goudproduksie gelei het,” sê hy.

“Sake kon nie so voortduur nie, want dit was onvolhoubaar. Die bestuur het dus laas jaar op 'n nuwe ingrypingstrategie besluit om die situasie om te keer. Ons probeer nou ten beste navigeer - soos 'n verantwoordelike bydraer tot sosioëkonomiese ontwikkeling in die streek - om die impak op ons werknemers, gemeenskappe en ekonomie van die land te verminder,” het Botshiwe gesê.

Volgens hom is die verteenwoordigende vakbond en personeel ingelig oor die strategie en is dit in Augustus 2018 geïmplementeer.

Dit het in 'n redelike kort tydperk, vanaf Augustus 2018 tot Januarie 2019, betekenisvolle resultate opgelewer, het hy gesê. “Die strategiese ingrypings wat die myn in 2018 van stapel gestuur het, is om te verseker dat Navachab 'n lopende saak bly, en gevolglik 'n veilige en betroubare werkgewer op Karibib en in die streek.”

“Ons is vol vertroue oor die sukses van die strategie,” het Botshiwe gesê.

“Voldoening aan kostebesnoeiingteikens, verbeterde produktiwiteit en doeltreffendheid deur middel van strategiese herbelyningpogings, gekombineer met bykomende beleggings - wat algemeen is in mynboubedrywighede - gee ons vertroue vir 'n verlengde mynlewe, winsgewendheid en volhoubaarheid.”

Soortgelyk

 

Uis-aanvaller Charles Namiseb kry 63 jaar

47 minute gelede | Howe

Die eens voortvlugtende Charles Namiseb, wat saam met ‘n makker tereg gestaan het vir die gewelddadige gewapende rooftog op ’n bejaarde egpaar van Uis op...

Padgebruik al duurder

6 ure gelede | Vervoer

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Padgebruik al duurder

6 ure gelede | Vervoer

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Gesondheid: Advertensie vals

8 ure gelede | Gesondheid

Die ministerie van gesondheid en maatskaplike dienste (MoHSS) sê 'n inligting wat op sosiale media sirkuleer oor opleidingsgeleenthede by die ministerie is vals. Die vals...

'n Seder val in Swapo

17 ure gelede | Mense

Ronelle Rademeyer - Huldeblyke stroom sedert vroeg gisteroggend in die sosiale media in nadat dit bekend geword het Namibië se voormalige vise­president (2015 – 2018)...

Duitsland gee ou kruis terug

17 ure gelede | Plaaslik

Ronelle Rademeyer - Een van die belangrikste artefakte uit die glorieryke ontdekkersera van die Portugese seevaarders sal in Augustus deur die Duitse museum vir geskiedenis...

Weer vir 20 Mei 2019

17 ure gelede | Weer

WEERWAAK: Koue en winderige toestande word in die Suide verwag. Die nodige voor­sorgmaatreëls moet getref word. BINNELAND: Gedeeltelik bewolk en warm tot baie warm in...

Namport dank 86 werkers af

17 ure gelede | Plaaslik

Die Namibiese haweowerheid, Namport, het Vrydag aangekondig 86 werkers by die vraghouerterminaal by die Walvisbaaise hawe wat in Augustus aan 'n onwettige staking deelgeneem het,...

Speaker dring aan jeug moet by kiesproses betrek word

17 ure gelede | Politiek

Denver Kisting - Die speaker van die Nasio­nale Vergadering (NV), prof. Peter Katjavivi, sê die jeug moet by die verkiesings­proses betrek word.Die uitvoerende hoof van...