Natter siklus aan die kom

Kans op El Niño nou 70%

13 September 2018 | Weer
Ronelle Rademeyer - Die voorspelde El Niño se blaf gaan dié somer dalk erger as sy byt wees.

Ofskoon kanse op hierdie weerverskynsel gedurende die somer nou tot 70% verhoog het, is daar goeie nuus ook.

Volgens mnr. Johan van den Berg, klimatoloog van Santam Landbou in Suid-Afrika, lyk dit asof die suidelike deel van Afrika ’n natter siklus binnegaan.

“Die El Niño-verskynsel gaan dit hierdie somer waarskynlik briek aangesien daar droër periodes gaan wees, maar dit lyk of ons voorkant toe meer reën kan verwag,” sê hy.

Volgens die jongste voorspelling van die Wêreld Meteorologiese Organisasie (WMO) gaan die verwagte El Niño-stelsel nie so sterk wees soos in 2015-’16 toe van die ergste droogtes in die geskiedenis in Namibië gewoed het nie.

“Die WMO voorsien nie dat die verwagte El Niño so kragtig soos die 2015-’16-verskynsel sal wees nie, maar dit sal steeds ’n beduidende invloed hê,” het die WMO se sekretaris-generaal, mnr. Petteri Taalas, volgens BBC News gesê.

Die El Niño twee seisoene gelede was so kragtig dat dit weerpatrone wêreldwyd beïnvloed het. Dit het meegebring dat 2016 opgeteken is as die warmste jaar sedert rekordhouding begin het.

Die Suidelike Ossilasie-stelsel is ’n natuurlike verskynsel en behels die verandering in die oppervlaktemperatuur van die water in die Stille Oseaan. Die temperatuur styg tydens ’n El Niño- en daal tydens ’n La Niña-verskynsel.

Eersgenoemde lei normaalweg tot droogte en hoër temperature in suidelike Afrika, met ’n La Niña wat gewoonlik meer reën bring.

Taalas sê hoewel ’n El Niño gewoonlik elke vyf tot sewe jaar voorkom, wil dit voorkom asof klimaatverandering dit meer dikwels laat gebeur.

“Klimaatverandering beïnvloed die tradisionele dinamika van die El Niño- en La Niña-verskynsel asook die impak daarvan,” sê hy.

“Hoewel 2018 afgeskop het met ’n swak La Niña-verskynsel, was die afkoelingseffek nie genoeg om die algemene verwarmingseffek teen te werk nie en is vanjaar op pad om die warmste jaar op rekord te word,” sê Taalas.

Van den Berg sê die El Niño-stelsel kan ook Namibië se reënval tydens die mid-somerreënseisoen (Desember tot Februarie), beïnvloed. Daar is egter wel ’n kans van vroeë somerreën, wat hy meen die impak kan versag.

“Omdat die El Niño so laat ontwikkel, is die kanse goed dat ons in Oktober en November redelike goeie reën kan kry. Ons verwag daarna droër periodes, maar nie noodwendig ’n droogte nie,” het hy gister in ’n telefoniese onderhoud aan Republikein gesê.

Hy sê een van die faktore wat die byt uit El Niño kan neem, is die gunstige stand van die Indiese Oseaan.

“Die toestande in 2015-’16 was ’n resep vir ’n droogteramp. Toe was die toestande in die Indiese Oseaan ook baie ongunstig vir ons. Dinge lyk nou anders.

“Onderliggend lyk dit eintlik asof ons nou besig is om in ’n natter siklus in te beweeg, hoewel hierdie seisoen vanweë die El Niño waarskynlik net normale reënval sal bring,” sê Van den Berg.

-Met bygewerkte inligting van BBC News

Soortgelyk

 

Vier wildehonde proe vryheid

16 ure gelede | Omgewing

Ná die tragiese skietvoorval in Februarie toe drie wildehonde van die N/a’an ku sê-stigting en -wildreservaat glo deur personeel van die Internasionale Lughawe Hosea...

Vlieëniers vlieg ‘blind’

16 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

16 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

16 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

16 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

16 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

16 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

16 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

16 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...