Nasionale lugredery speel oop kaarte
Finansiële verslae van die laaste tien jaar word binnekort vrygestel.
Augetto Graig
Air Namibia het gister by die Safari Hotel in die hoofstad vir die eerste keer ooit met belanghebbendes oor sy sakebedrywighede vergader.
“Ek wil ander staatsondernemings vra om die voorbeeld te volg en soortgelyke geleenthede met hul eie sektore te reël,” het mnr. Alpheus !Naruseb, minister van werke en vervoer, gesê.
Die minister het ook sy tevredenheid uitgespreek oor die nasionale lugredery wat binnekort finansiële verslae vir die laaste 10 jaar gaan vrystel. “Die laaste verslag is in 2003-'04 uitgereik en hoewel dít nie goed is nie, is die goeie nuus dat julle besig is om in te haal. Maak asseblief seker dat julle hierdie element van verslagdoening op datum bring en die momentum vorentoe behou,” het hy gesê.
Die waarnemende besturende direkteur van Air Namibia, adv. Mandi Samson, het bevestig die verslae sal teen Junie aan die regering beskikbaar gemaak word.
Sy sê die lugredery is nou meer as 'n jaar besig met sy vyf jaar strategiese plan van 2016 tot 2021. Dit streef daarna om Air Namibia finansieel stabiel te maak deur uitsonderlike dienslewering, onberispelike, operasionele doeltreffendheid, handhawing en nakoming van regulasies, totstandkoming en benutting van sinergistiese, strategiese vennootskappe, en die bevordering van 'n kultuur van resultaatgebaseerde organisasie,” het sy gesê.
Volgens Samson het Air Namibia se inkomste gebaseer op beskikbare sitplek per kilometer die jaar met 1,3% verbeter, van N$0,76 in 2015-'16 tot N$0,77. Koste gebaseer op beskikbare sitplek per kilometer bly dieselfde teen N$0,98.
Dusver het dit 'n optimale netwerk- en skeduleplan uitgewerk en in werking gestel om finansiële stabiliteit aan te moedig, sê sy. Dit het onder meer gelei tot die voorstelling van die Gaborone-Durban-roete, meer vlugte na Frankfurt, die skeiding van vlugte na Harare en Lusaka en ook vlugte na Katima Mulilo en Rundu. Die vlugte na Maun in Botswana is gekanselleer om meer kapasiteit beskikbaar te stel vir vlugte na Victoria Falls, het sy gesê.
Air Namibia wil ook nuwe roetes na nóg drie bestemmings in Afrika voorstel, maar wag tans op goedkeuring van die regering.
Tans doen die lugredery se roetes beter as laas jaar, met die uitsondering van Luanda waar die finansiële krisis in Angola gelei het tot 'n 31%-vermindering van passasiers en 'n 46%-daling in inkomste.
“Ander fokusareas wat daarop gemik is om ons finansiële prestasie te verbeter, sluit in assessering om ons vliegtuighuurooreenkomste te herstruktureer, met die moontlikheid om dit in eienaarskap te omskep, asook ons vliegtuigonderhoud en opleidingskoste vir tegniese personeel. Oor die algemeen is ons mikpunt om op 'n volhoubare wyse verliese op 'n jaargrondslag te verminder, terwyl ons die omvang van ons bedryf uitbrei om teen 2020 gelyk te breek,” het Samson gesê.
Nóg 'n poging om geld te bespaar, is die hersiening van brandstofdoeltreffendheidspatrone.
“Air Namibia gebruik tans meer as 150 miljoen liter brandstof per jaar. As ons dit regkry om N$1 per liter daarvan te bespaar, sal dit omgesit word in 'n jaarlikse besparing van N$150 miljoen per jaar,” het sy gesê.
Volgens !Naruseb is die regering nie van plan om in te meng nie, mits die lugredery ophou om vir ekstra finansiering te vra. “Ons het geen voorneme om in u dag-tot-dag bedrywighede of in die bestuur van die lugredery in te meng nie. Ons is verbind daartoe, en dit sal 100% bepaal word deur of julle ophou om subsidies of toelae van ons te vra. Vir so lank as wat julle vra vir toelae, sal ons wil weet hoe die geld gebruik gaan word,” het hy gesê.
Air Namibia het gister by die Safari Hotel in die hoofstad vir die eerste keer ooit met belanghebbendes oor sy sakebedrywighede vergader.
“Ek wil ander staatsondernemings vra om die voorbeeld te volg en soortgelyke geleenthede met hul eie sektore te reël,” het mnr. Alpheus !Naruseb, minister van werke en vervoer, gesê.
Die minister het ook sy tevredenheid uitgespreek oor die nasionale lugredery wat binnekort finansiële verslae vir die laaste 10 jaar gaan vrystel. “Die laaste verslag is in 2003-'04 uitgereik en hoewel dít nie goed is nie, is die goeie nuus dat julle besig is om in te haal. Maak asseblief seker dat julle hierdie element van verslagdoening op datum bring en die momentum vorentoe behou,” het hy gesê.
Die waarnemende besturende direkteur van Air Namibia, adv. Mandi Samson, het bevestig die verslae sal teen Junie aan die regering beskikbaar gemaak word.
Sy sê die lugredery is nou meer as 'n jaar besig met sy vyf jaar strategiese plan van 2016 tot 2021. Dit streef daarna om Air Namibia finansieel stabiel te maak deur uitsonderlike dienslewering, onberispelike, operasionele doeltreffendheid, handhawing en nakoming van regulasies, totstandkoming en benutting van sinergistiese, strategiese vennootskappe, en die bevordering van 'n kultuur van resultaatgebaseerde organisasie,” het sy gesê.
Volgens Samson het Air Namibia se inkomste gebaseer op beskikbare sitplek per kilometer die jaar met 1,3% verbeter, van N$0,76 in 2015-'16 tot N$0,77. Koste gebaseer op beskikbare sitplek per kilometer bly dieselfde teen N$0,98.
Dusver het dit 'n optimale netwerk- en skeduleplan uitgewerk en in werking gestel om finansiële stabiliteit aan te moedig, sê sy. Dit het onder meer gelei tot die voorstelling van die Gaborone-Durban-roete, meer vlugte na Frankfurt, die skeiding van vlugte na Harare en Lusaka en ook vlugte na Katima Mulilo en Rundu. Die vlugte na Maun in Botswana is gekanselleer om meer kapasiteit beskikbaar te stel vir vlugte na Victoria Falls, het sy gesê.
Air Namibia wil ook nuwe roetes na nóg drie bestemmings in Afrika voorstel, maar wag tans op goedkeuring van die regering.
Tans doen die lugredery se roetes beter as laas jaar, met die uitsondering van Luanda waar die finansiële krisis in Angola gelei het tot 'n 31%-vermindering van passasiers en 'n 46%-daling in inkomste.
“Ander fokusareas wat daarop gemik is om ons finansiële prestasie te verbeter, sluit in assessering om ons vliegtuighuurooreenkomste te herstruktureer, met die moontlikheid om dit in eienaarskap te omskep, asook ons vliegtuigonderhoud en opleidingskoste vir tegniese personeel. Oor die algemeen is ons mikpunt om op 'n volhoubare wyse verliese op 'n jaargrondslag te verminder, terwyl ons die omvang van ons bedryf uitbrei om teen 2020 gelyk te breek,” het Samson gesê.
Nóg 'n poging om geld te bespaar, is die hersiening van brandstofdoeltreffendheidspatrone.
“Air Namibia gebruik tans meer as 150 miljoen liter brandstof per jaar. As ons dit regkry om N$1 per liter daarvan te bespaar, sal dit omgesit word in 'n jaarlikse besparing van N$150 miljoen per jaar,” het sy gesê.
Volgens !Naruseb is die regering nie van plan om in te meng nie, mits die lugredery ophou om vir ekstra finansiering te vra. “Ons het geen voorneme om in u dag-tot-dag bedrywighede of in die bestuur van die lugredery in te meng nie. Ons is verbind daartoe, en dit sal 100% bepaal word deur of julle ophou om subsidies of toelae van ons te vra. Vir so lank as wat julle vra vir toelae, sal ons wil weet hoe die geld gebruik gaan word,” het hy gesê.
Kommentaar
Republikein
Geen kommentaar is op hierdie artikel gelaat nie