!Naruseb: Politieke wil vir padveiligheid is daar

NRSC kla oor onvoldoende finansiering

12 January 2018 | Ministeries
Ondanks klagtes van die Nasionale Padveiligheidsraad (NRSC) oor ’n tekort aan geld en personeel, hou die minister van werke en vervoer, mnr. Alpheus !Naruseb, vol dat die politieke wil daar is om padveiligheid in Namibië te verseker.

Volgens mnr. Ambrosius Tierspoor, die NRSC se hoof van korporatiewe kommunikasie, benodig die raad ongeveer N$200 miljoen om sy mandaat uit te voer.

Die raad het in die 2017-’18 finansiële jaar slegs N$9 miljoen ontvang.

Dié geld moet aangewend word vir die aanstelling van personeel, die finansiering van veldtogte om padveiligheid te bevorder en vir die opening van NRSC-kantore landswyd, het Tierspoor gesê.

Op navraag van Nampa het !Naruseb gesê die begrotingstoekenning aan die NRSC beteken nie die regering het ’n gebrek aan politieke wil om uitdagings in die paaiesektor die hoof te bied nie.

“Vanwaar ek staan, kan die politieke wil nie groter wees nie. Ek twyfel geensins dat ons hierdie uitdaging die hoof kan bied nie,” het !Naruseb gesê.

Om sy standpunt te beklemtoon het hy bygevoeg: “As ’n mens die geld in ag neem wat ons bestee aan diegene wat in padongelukke sterf en om diegene wat beseer is, te rehabiliteer, is dit heelwat.”

!Naruseb het dié opmerkings by die sluiting van die Karibib-padblokkade gemaak.

Die padblokkade was deel van strategieë wat deur rolspelers in padveiligheid aangewend is om padongelukke en -sterftes in die feestyd te voorkom.

Statistieke wat by die geleentheid bekend gemaak is, toon dat padsterftes in die Erongostreek van vier in 2016-’17 tot 10 in 2017-’18 gestyg het.

Die meeste ongelukke was vanweë voertuie wat omgeslaan en gerol het, asook trompop botsings.

!Naruseb sê in die algemeen het toestande op die land se paaie verbeter, met ongelukke wat afgeneem het met 28%, beserings met 23% en sterftes met 15%.

Sedanvoertuie was in 40% van ongelukke betrokke en 71% van dié voertuie was in private besit. - Nampa

Soortgelyk

 

Theo Mujoro is nuwe hoof van verkiesings

10 ure gelede | Politiek

Mnr. Theophilus (Theo) Mujoro is vanaf 1 September vanjaar vir ‘n tydperk van vyf jaar aangestel as die nuwe hoof verkiesingsbeampte van die Verkiesingskommissie van...

Nuwe spoedkameras getoets

12 ure gelede | Infrastruktuur

Die Namibiese polisie se verkeersbeamptes toets van gister af die werking van nuwe spoedkameras op Namibië se hoofpaaie. Veral in die Erongo- en Otjozondjupastreek word...

Onderwys: ‘Gebruik wat julle het om fondse in te...

12 ure gelede | Onderwys

Die minister van onderwys, kuns en kultuur, me. Katrina Hanse-Himarwa het ’n beroep op skole gedoen om beskikbare middele te gebruik om fondse vir hul...

Otjomuru-kliniek aan regering oorhandig

12 ure gelede | Gesondheid

Die Otjomuru-kliniek naby die Otjomuru-nedersetting sowat 27 km oos van Okangwati in die Kunenestreek, is aan die regering oorhandig. Die konstruksie van die kliniek was...

Nuwe visekanselier vir Unam

13 ure gelede | Onderwys

Die Universiteit van Namibië (Unam) sal voorleggings deur die vier kandidate vir die universiteit se visekanselierspos regstreeks op YouTube, Twitter, Facebook en hul webwerf uitsaai.Die...

Windhoek se krane dalk oor twee seisoene leeg ...

1 dag gelede | Omgewing

Elvira Hattingh - Windhoek het genoeg water om twee reënseisoene te dek, indien dit bykomende waterbronne in die Noorde, asook die Windhoek-akwifer onvolhoubaar gebruik én...

Wag die Skedelkus op Harry en sy bruid?

1 dag gelede | Toerisme

Des Erasmus - Prins Harry-koors teister die gebied tussen Hentiesbaai en die monding van die Kunenerivier op die noordgrens en die ooreenstemmende leeu- en renosterwêreld...

Weer vir 22 Junie 2018

1 dag gelede | Weer

BINNELAND: Koud aanvanklik in die binneland. Dit sal gedeeltelik bewolk en warm tot baie warm oor die verre Noordooste en die Khomasstreek wees. Elders sal...

Fosfaat-debat begin oor

1 dag gelede | Omgewing

Augetto Graig - Die ontginning van fosfaat op Namibiese seebodem is vir eers van die baan af. Die minister van die omgewing en toerisme,...