Napwu stoei steeds met NBC
NBC-werknemers het in Mei vanjaar hul stakings beëindig as deel van ’n ooreenkoms tussen die uitsaaier en Napwu, maar die unie beweer nou die NBC het nie die bepalings nagekom nie.
Kristien Kruger – Die Namibiese Vakbond vir Staatsdienswerkers (Napwu) het ’n regsgeding teen die nasionale uitsaaier, die NBC, aanhangig gemaak vir ’n beweerde verbreking van die ooreenkoms wat tot die laaste staking deur NBC-werknemers gelei het.
Regter Herman Oosthuizen het die saak gister in die hoërhof in Windhoek vir arbitrasie verwys en dit tot 30 November uitgestel.
Volgens die hofbevel moet skikking teen 3 Desember afgehandel wees en indien ooreengestem word, sal die skikkingsooreenkoms op daardie dag beskikbaar wees.
VERBREKING VAN OOREENKOMS
Die wekelange staking deur NBC-werknemers is op 25 Mei vanjaar beëindig nadat ’n ooreenkoms tussen Napwu en NBC onderteken is.
Die ooreenkoms het bepaal alle werknemers wat met eenjaarkontrakte aangestel is, onmiddellik permanent aangestel moet word ongeag hoe lank hul reeds by NBC in diens was.
Verder is vereis dat die NBC-bestuur bykomende voordele moet bedink, dit aan die raad moet stuur vir hul insette en dan aan Napwu vir bespreking moet oorhandig.
In ruil sou Napwu die staking stopsit en alle regsgedinge teen NBC terugtrek.
Volgens Napwu se eis het NBC nie by die bepalings gehou nie deurdat hulle betrokke werknemers eers in Augustus permanent aangestel het – nie onmiddellik nie – en dat die bykomende voordele nooit vir bespreking voorgelê is nie.
NBC SE REAKSIE
Volgens hofstukke beweer die NBC die hoërhof het nie die jurisdiksie om die saak te hanteer nie, omdat dit ’n kollektiewe ooreenkoms is en die arbeidswet stipuleer dat sulke kwessies by die kantoor van die arbeidskommissaris aangemeld en hanteer moet word.
Verder beweer die NBC dat hy die werknemers permanent aangestel het en dat die ooreenkoms vereis het dat ’n gesamentlike komitee gestig moet word om die werknemers se besware en die bykomende voordele te bespreek.
“Die verweerders het reeds die voordele gekommunikeer en wag op die komitee om dit te bespreek. Die komitee is reeds gestig, maar moet nog die kwessie bespreek,” lui die hofstukke.
NAPWU SE EISE
“Die applikante versoek die hof om te beveel dat alle werknemers wat tans met eenjaarkontrakte in diens geneem is, binne drie dae ná die hofbevel permanent aangestel moet word.
“Die verweerders moet die bykomende voordele binne drie dae ná die hofbevel aan die applikante oorhandig sodat dit bespreek kan word.”
Napwu eis verder hul regkostes.
Volgens die hofbevel wat Oosthuizen gister gelewer het, is me. Bernadine Mynhardt as bemiddelaar in die saak aangewys.
– [email protected]
Regter Herman Oosthuizen het die saak gister in die hoërhof in Windhoek vir arbitrasie verwys en dit tot 30 November uitgestel.
Volgens die hofbevel moet skikking teen 3 Desember afgehandel wees en indien ooreengestem word, sal die skikkingsooreenkoms op daardie dag beskikbaar wees.
VERBREKING VAN OOREENKOMS
Die wekelange staking deur NBC-werknemers is op 25 Mei vanjaar beëindig nadat ’n ooreenkoms tussen Napwu en NBC onderteken is.
Die ooreenkoms het bepaal alle werknemers wat met eenjaarkontrakte aangestel is, onmiddellik permanent aangestel moet word ongeag hoe lank hul reeds by NBC in diens was.
Verder is vereis dat die NBC-bestuur bykomende voordele moet bedink, dit aan die raad moet stuur vir hul insette en dan aan Napwu vir bespreking moet oorhandig.
In ruil sou Napwu die staking stopsit en alle regsgedinge teen NBC terugtrek.
Volgens Napwu se eis het NBC nie by die bepalings gehou nie deurdat hulle betrokke werknemers eers in Augustus permanent aangestel het – nie onmiddellik nie – en dat die bykomende voordele nooit vir bespreking voorgelê is nie.
NBC SE REAKSIE
Volgens hofstukke beweer die NBC die hoërhof het nie die jurisdiksie om die saak te hanteer nie, omdat dit ’n kollektiewe ooreenkoms is en die arbeidswet stipuleer dat sulke kwessies by die kantoor van die arbeidskommissaris aangemeld en hanteer moet word.
Verder beweer die NBC dat hy die werknemers permanent aangestel het en dat die ooreenkoms vereis het dat ’n gesamentlike komitee gestig moet word om die werknemers se besware en die bykomende voordele te bespreek.
“Die verweerders het reeds die voordele gekommunikeer en wag op die komitee om dit te bespreek. Die komitee is reeds gestig, maar moet nog die kwessie bespreek,” lui die hofstukke.
NAPWU SE EISE
“Die applikante versoek die hof om te beveel dat alle werknemers wat tans met eenjaarkontrakte in diens geneem is, binne drie dae ná die hofbevel permanent aangestel moet word.
“Die verweerders moet die bykomende voordele binne drie dae ná die hofbevel aan die applikante oorhandig sodat dit bespreek kan word.”
Napwu eis verder hul regkostes.
Volgens die hofbevel wat Oosthuizen gister gelewer het, is me. Bernadine Mynhardt as bemiddelaar in die saak aangewys.
– [email protected]
Kommentaar
Republikein
Geen kommentaar is op hierdie artikel gelaat nie