Namibiërs kan derde dosis Sinopharm kry

Ses maande ná tweede spuit

01 December 2021 | Gesondheid
Henriette Lamprecht

Namibiërs wat volledig met Sinopharm teen Covid-19 ingeënt is, kan nou vir ’n derde bykomende primêre dosis gaan.

Die tydsverloop tussen die tweede en derde spuit moet ongeveer ses maande (168 dae) wees. Die derde dosis sal op inwoners se immuniseringskaart aangedui word.

Die minister van gesondheid en maatskaplike dienste, dr. Kalumbi Shangula, het verduidelik ’n primêre bykomende spuit is ’n opvolg op die tweede dosis.

“Elkeen kan ’n bykomende dosis kry, afhangend van die entstof wat vroeër ontvang is,” het hy gesê.

Met verwysing na aanvullende dosisse (booster shots), sê Shangula dit volg wanneer immuniteit afneem en ’n dosis gegee word om die immuniteitsvlak te herstel. Tans is daar geen aanvullende dosisse in Namibië nie en die minister sê bewyse hieroor word nog ingewin voor ’n aankondiging in dié verband gemaak word.

Die uitvoerende direkteur, mnr. Ben Nangombe, sê mense wat ’n derde dosis entstof kan ontvang, sluit in alle volwassenes ouer as 60 jaar sowel as mense met ’n verswakte immuunstelsel weens onder meer kanker, ’n oorplanting en MIV/vigs wat nie op behandeling is nie.

“Alle individue 18 jaar en ouer wat die twee dosisse geskeduleerde inentings met Sinopharm gekry het en ’n derde dosis wil ontvang, mag egter nie weggewys word nie,” het Nangombe beklemtoon.

Die besluit op ’n derde dosis Sinopharm is in pas met navorsing dat die hoeveelheid teenliggaampies ná ’n immunisering laer is by mense ouer as 60 en immuniteit vyf maande ná die tweede spuit afneem.

Met verwysing na gevalle in Japan en die Tsjeggiese Republiek wat na Namibië teruggespoor is, het Shangula gesê die ministerie samel inligting oor die betrokkenes se roete en kontakte in.

Indië het intussen beklemtoon die land is nié een van verskeie lande wat ’n reisverbod- en of beperkings op Namibië geplaas het nie. Die land het ook gesê dit is gereed om nog entstowwe na Afrika te stuur om die Omicron-variant te probeer beveg.

Dit volg nadat China op die Forum vir China-Afrika-samewerking (Focac) gesê het hy gaan nog ’n miljard se entstofdosisse aan die vasteland gee. – [email protected]

Soortgelyk

 

22 sterftes, 346 nuwe gevalle

2 ure gelede | Gesondheid

Die Covid-sterftes het met 22 tot 3 783 gestyg. Vyf hiervan was tuissterftes in die Oshikoto-streek. Nie een van die sterfgevalle was ingeënt nie. Gister...

Trusted Travel System geld vanaf Saterdag

6 ure gelede | Toerisme

Die Trusted Travel System vir die koördinering en verifiëring van Covid-19-uitslae in lande deel van die Afrika Unie (AU) geld vanaf Saterdag (15 Januarie) in...

Huidige Covid-19-regulasies bly in plek

6 ure gelede | Gesondheid

President Hage Geingob sê die huidige Covid-19-regulasies wat die afgelope maand in plek was, geld steeds tot 15 Februarie. Dit is die volgende: 'n maksimum...

Byna 20 000 nuwe gevalle die afgelope maand

6 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê 19 846 nuwe Covid-19-gevalle is die afgelope maand in die land aangeteken. Hiervan was...

Inentingskoers bly laag

6 ure gelede | Gesondheid

President Hage Geingob sê huiwering om teen Covid-19 ingeënt te word, duur voort. Volgens die staatshoof het Zambezi die laagste koers en wel 6%, terwyl...

‘Reëngolwe wink’

17 ure gelede | Weer

Henriette Lamprecht – Baie swaar reën, met etlike reëngolwe wat in die tweede helfte van vandeesweek en tot volgende week uitgebreid na Namibië op pad...

Lisensie of nie, staatsvoertuie ry

17 ure gelede | Polisie

Adam Hartman op Swakopmund – Verkeersbeamptes in alle streke voer steeds ’n vroeër opdrag vanuit hul hoogste gesag uit om nie verkeerskaartjies aan regeringsvoertuie met...

FNB deel van geding om Fishrot-geld

17 ure gelede | Howe

Ogone Tlhage – First National Bank Namibia het bykomende dokumente by die hoërhof in Windhoek ingedien en hom daardeur by die grootste korrupsiesaak in die...

Weer vir 13 Januarie

17 ure gelede | Weer

BINNELAND: Gedeeltelik bewolk en baie tot bloedig warm oor die westelike helfte van die binneland, andersins gedeeltelik bewolk en warm tot baie warm met 'n...