Namibiese vegters gereed vir die elitevlak
Afrigter De Wet Moolman sê die land se vegters verdien steun om beter blootgestel te word.
Die jaar 2018 is reeds 'n merkwaardige een vir Namibiese karate en die Unie en sy vegters kry algaande meer momentum.
Die jaar het begin met nasionale proewe en sedert die spankeuse aangekondig is, het die 2018 nasionale span deurlopend bly oefen. Fiksheidstoetse en kompetisies is ook gebruik om die sport te ontwikkel en om vegters vir deelname op elite internasionale vlak voor te berei.
Ná 'n indrukwekkende vertoning om derde uit sewe lande by die 2018 AUSC Streek 5 karate-kampioenskap te eindig, het die Namibiese Karate-unie (Naku) sy visier op die 2018 Afrika Jeugspele in Algiers ingestel.
Naku het net sy bestes in hul kategorieë gestuur om sy medaljekanse te vergroot. Die drie karateka was:
Freddy Mwiya Junior – seuns individuele kata en individuele kumite (onder 68 kg)
Mayvonne Swart – meisies individuele kata en individuele kumite (onder 58 kg)
Michelle Tjimuku – meisies individuele kumite (onder 48 kg)
Die span is vergesel deur die nasionale afrigter Sensei De Wet Moolman en Namibië se hoofskeidsregter Sensei Wikus Oberholster.
Dag een van die karate-kompetisie het begin met die kata (stylvertoon) en Mayvonne Swart en Freddy Mwiya Junior het onderskeidelik 12 en 16 inskrywings in hul kompetisie gehad.
Die blink vooruitsig Freddy Mwiya Junior het goed presteer met twee oorwinnings en twee nederlae, met sy laaste nederlaag teen Algerië wat hom vierde laat eindig het.
Mayvonne Swart het sterk begin met oorwinnings teen Guine en Djibouti, voordat sy in die derde ronde deur Egipte verslaan is. Sy het nogtans met 'n puik vertoning afgesluit om 'n Angolees te klop en die bronsmedalje te verseker.
In die 48 kg meisies kumite het Michelle Tjimuku haar pad oopgeveg tot in die derde ronde waar sy teen 'n Algeriër opgeweeg is. Nadat sy 'n lang tyd met 2-0 voorgeloop het, het Algerië met mening teruggeveg om die uitslag met 4-3 te beklink, wat Michelle in 'n respektabele vierde posisie laat eindig het.
Op dag twee van die kompetisie is die oorblywende kategorieë afgehandel. Mwiya was opnuut in 'n mededingende groep met 14 ander lande. Ná 'n oortuigende sege teen Angola in die eerste ronde, het hy in die kwarteindstryd drie keer die voortou geneem, voordat sy opponent van Tunisië in die finale sekondes 'n oorwinning met 5-7 beklink het, wat Mwiya se aanspraak op 'n medalje beëindig het.
Mayvonne het in haar kumite (geveg) weer sterk presteer in haar 58 kg gewigsklas totdat sy in die derde ronde in die finale sekondes deur Algerië geklop is, om uiteindelik vyfde geplaas te word.
Die feit dat al die Namibiërs plekke in die topvyf op die vasteland behaal het, getuig van die hoë standaard van karate in die land.
Die hoogtepunt was Mayvonne Swart se bronsmedalje in die individuele kata. Die prestasie dui ook daarop dat Namibië gereed is om hoër vlakke van kompetisie te takel.
Die afrigter Sensei De Wet Moolman het agterna gesê: “Die feit dat ons nog soveel ruimte vir verbetering het, is 'n opwindende vooruitsig vir die toekoms van Namibiese karate. Nou moet die werk gedoen word om hierop voort te bou om selfs beter uitslae op internasionale vlak te behaal.”
Die Namibiërs se volgende groot taak is die 17de Afrika senior karate-kampioenskap, asook die 9de Afrika junior kampioenskap wat gesamentlik vanaf 28 Augustus tot 2 September in Kigali, Rwanda aangebied word. Die WKF senior wêreldkampioenskap in Spanje is ook reeds op die horison.
Beide hierdie toernooie sal egter van karateka vereis om hul eie geld in te samel, hoewel die Namibiese Karate-unie optimisties is dat nuwe borge die geleenthede sal begin raaksien om deur karate hul handelsmerk uit te brei.
Die jaar het begin met nasionale proewe en sedert die spankeuse aangekondig is, het die 2018 nasionale span deurlopend bly oefen. Fiksheidstoetse en kompetisies is ook gebruik om die sport te ontwikkel en om vegters vir deelname op elite internasionale vlak voor te berei.
Ná 'n indrukwekkende vertoning om derde uit sewe lande by die 2018 AUSC Streek 5 karate-kampioenskap te eindig, het die Namibiese Karate-unie (Naku) sy visier op die 2018 Afrika Jeugspele in Algiers ingestel.
Naku het net sy bestes in hul kategorieë gestuur om sy medaljekanse te vergroot. Die drie karateka was:
Freddy Mwiya Junior – seuns individuele kata en individuele kumite (onder 68 kg)
Mayvonne Swart – meisies individuele kata en individuele kumite (onder 58 kg)
Michelle Tjimuku – meisies individuele kumite (onder 48 kg)
Die span is vergesel deur die nasionale afrigter Sensei De Wet Moolman en Namibië se hoofskeidsregter Sensei Wikus Oberholster.
Dag een van die karate-kompetisie het begin met die kata (stylvertoon) en Mayvonne Swart en Freddy Mwiya Junior het onderskeidelik 12 en 16 inskrywings in hul kompetisie gehad.
Die blink vooruitsig Freddy Mwiya Junior het goed presteer met twee oorwinnings en twee nederlae, met sy laaste nederlaag teen Algerië wat hom vierde laat eindig het.
Mayvonne Swart het sterk begin met oorwinnings teen Guine en Djibouti, voordat sy in die derde ronde deur Egipte verslaan is. Sy het nogtans met 'n puik vertoning afgesluit om 'n Angolees te klop en die bronsmedalje te verseker.
In die 48 kg meisies kumite het Michelle Tjimuku haar pad oopgeveg tot in die derde ronde waar sy teen 'n Algeriër opgeweeg is. Nadat sy 'n lang tyd met 2-0 voorgeloop het, het Algerië met mening teruggeveg om die uitslag met 4-3 te beklink, wat Michelle in 'n respektabele vierde posisie laat eindig het.
Op dag twee van die kompetisie is die oorblywende kategorieë afgehandel. Mwiya was opnuut in 'n mededingende groep met 14 ander lande. Ná 'n oortuigende sege teen Angola in die eerste ronde, het hy in die kwarteindstryd drie keer die voortou geneem, voordat sy opponent van Tunisië in die finale sekondes 'n oorwinning met 5-7 beklink het, wat Mwiya se aanspraak op 'n medalje beëindig het.
Mayvonne het in haar kumite (geveg) weer sterk presteer in haar 58 kg gewigsklas totdat sy in die derde ronde in die finale sekondes deur Algerië geklop is, om uiteindelik vyfde geplaas te word.
Die feit dat al die Namibiërs plekke in die topvyf op die vasteland behaal het, getuig van die hoë standaard van karate in die land.
Die hoogtepunt was Mayvonne Swart se bronsmedalje in die individuele kata. Die prestasie dui ook daarop dat Namibië gereed is om hoër vlakke van kompetisie te takel.
Die afrigter Sensei De Wet Moolman het agterna gesê: “Die feit dat ons nog soveel ruimte vir verbetering het, is 'n opwindende vooruitsig vir die toekoms van Namibiese karate. Nou moet die werk gedoen word om hierop voort te bou om selfs beter uitslae op internasionale vlak te behaal.”
Die Namibiërs se volgende groot taak is die 17de Afrika senior karate-kampioenskap, asook die 9de Afrika junior kampioenskap wat gesamentlik vanaf 28 Augustus tot 2 September in Kigali, Rwanda aangebied word. Die WKF senior wêreldkampioenskap in Spanje is ook reeds op die horison.
Beide hierdie toernooie sal egter van karateka vereis om hul eie geld in te samel, hoewel die Namibiese Karate-unie optimisties is dat nuwe borge die geleenthede sal begin raaksien om deur karate hul handelsmerk uit te brei.
Kommentaar
Republikein
Geen kommentaar is op hierdie artikel gelaat nie