Namibiese kuns onder die hamer in buurland

12 October 2018 | Kuns en vermaak
Strauss & Co, een van Suid-Afrika se voorste kunsafslaers, gaan 20 werke van die Namibies-gebaseerde versameling van wyle Peter en Regina Strack aanbied.

Boonop sal drie skaars Adolph Jentchs-olieskilderye en een Fritz Krampe-olieskildery op 15 Oktober opgeveil word.

Peter Strack is in Duitsland gebore, maar het in 1950 na Namibië verhuis en was ‘n vennoot by die argitekfirma Stauch & Partners.

Strack het sy kunsvaardighede en passie vir kunsversameling onder Adolph Jentsch se meesterhand aangekweek.

Dít wat hy saam met sy vrou, Regina, versamel het, is indrukwekkend omdat dit op Namibiese kunstenaars van die vroeë 20ste eeu fokus – onder meer Jentsch, Krampe, Axel Eriksson en Carl Ossmann.

Jentsch, ook ‘n gebore Duitser, het in 1938 na Namibië verhuis en is ‘n sleutelfiguur in Namibië se kunsgeskiedenis.

Sy meesterlike landskappe is met kalmte belaai. Jentsch se werk is al op verskeie Suid-Afrikaanse veilings aangebied.

In November verlede jaar het Strauss & Co een van sy gewilde skilderye, wat in 1940 naby die Swakopmundrivier geskilder is, vir R1,6 miljoen verkoop.

Omdat Jentsch se werk so skaars is, is dit hoogs aanloklik vir kunsversamelaars.

‘n Rampspoedige vuur, wat in 1975 op Gebhard en Dorothee von Funcke se plaas uitgebreek het, het baie van Jentsch se waardevolste werke vernietig.

Die Strack-versameling sluit drie olieskilderye in, onder meer Schafrevier (na raming R500 000 tot R700 000 werd), wat Dorothee von Funcke aan die Stracks agtergelaat het.

Hierdie werk is in Jentsch se die ikoniese gedempte kleurskema geskilder en beeld die Schafrivier naby Windhoek uit.

“Dié rustige kunswerk beklemtoon die belangrikheid van gehalte en oorsprong as hoeksteen van ‘n goeie kunsversameling,” sê Kirsty Colledge, ‘n senior kunskenner verbonde aan Strauss & Co, wat die Strack-versameling se besending hanteer het.

Ander werke wat ook opgeveil gaan word, is Vlei on Farm Teufelsbach (vir na raming R600 000 tot R800 000), ‘n ongewone blik op die Otjihaverarivier, en Ibenstein, SW Afrika (vir tussen R600 000 en R700 000), ‘n meesterlike nagtoneel in grys wat Peter Strack met die kunstenaars se boedel in 1983 gekoop het.

Die Strack-versameling sluit ook ‘n Jentsch-werk in akriel in, getiteld Schafrivier Ufer (vir R200 00 tot 300 000), wat in 1969 in die Suid-Afrikaanse Nasionale Galery tentoongestel is.

Arid Landscape with Trees (R5 000 – R7 000) is een van die vier waterverfskilderye wat ook op die veiling sal wees en is deur Dorothee von Funcke aan die Stracks geskenk.

Die Fritz Krampe-werke sluit van sy grootste skilderye in, onder meer ‘n skildery aan weerskante van die doek uit 1958, getiteld Village Scene with Woman smoking Pipe/ Fishing Boat (R250 000 tot R350 000).

Dié werk wyk ietwat van Kramp se ander werke af, omdat dit Oos-Afrika se nedersettings en sy mense uitbeeld, eerder as Kramp se bekende dierestudies.

Krampe se Cattle Frieze van 1959 (R200 000 tot R300 000) is ’n voorlopige studie van die kunstenaars se 10 meter lange Otjitambe Frieze.

Die Frieze-werke word breedvoerig bespreek in Timeless Encounters, ‘n boek oor Krampe wat in 2007 deur Peter Strack geskryf is.

Strack het in 2003 ook ‘n boek oor Jentsch gepubliseer.

Sy eie werk as kunstenaar word ook deur Strauss & Co waardeer.

Dit sluit onder meer twee ongedateerde beeldhouwerke uit palmhout in.

Die Strack-versameling bied verder werke van Suid-Afrikaanse kunstenaars soos Alexis Preller se Pondo Girl (R80 000 tot R120 000) – ‘n houstkoolskets wat in 1938 gemaak is.

Die versameling bied die geleentheid om die ooreenkomste en verskille tussen Namibiese en Suid-Afrikaanse landskapskilders te bepeins.

In 1923 het die alombekende Suid-Afrikaner J.H. Pierneef Namibië besoek en ‘n uitstalling met plaaslike kunstenaars gehou.

Dit het Axel Eriksson ingesluit, wie se Kleine Spitzkoppen van 1921 (R30 000 tot R40 000) baie ooreenkomste met Pierneef se Suid-Afrikaanse kontemporêre bergagtige tonele toon.

Die veiling van die Strack-versameling vind op 15 Okotber om 19:00 in die Vinyard Hotel, in Kaapstad, plaas.

Soortgelyk

 

Weermag trek skouers op

32 minute gelede | Plaaslik

Denver Kisting – Talle Namibiërs is die josie in oor wat sommige as die militarisering van die land se strate bestempel.Maar die Namibiese weermag (NDF)...

Grubesonderhede in die hof onthul

32 minute gelede | Howe

Erwin Leuschner op Swakopmund - Die beskuldigde in die Arandis-moorde sê hy is oorbluf deur die magdom getuienis wat die staat teen hom ingewin het.Tog...

Swapo wen naelskraap op Ondangwa

32 minute gelede | Politiek

Denver Kisting – Net 3 792 van die geregistreerde 15 800 kiesers het Saterdag in die tussenverkiesing op Ondangwa gestem.Dit verteenwoordig ’n skrale 24%-deelname.Die naweek...

Weer vir 17 Junie 2019

32 minute gelede | Weer

BINNELAND: Gedeeltelik bewolk en matig tot warm oor die sentrale dele. Elders sal dit warm tot baie warm wees. KUS: Mooiweer en warm tot baie...

Gebrekkige waterbesparings táp damme

32 minute gelede | Plaaslik

Elvira Hattingh - Die droogloopdatum vir damme wat Windhoek van water voorsien, het nou met tussen twee en drie weke vervroeg. Dít omdat Windhoekers...

Brand vernietig nege huise in Mondesa

32 minute gelede | Ongelukke

Adolf Kaure - Verskeie families is dakloos gelaat nadat 'n brand Vrydagmiddag nege huise by die enkelkwartiere van die Mondesa-woonbuurt op Swakopmund vernietig het. Volgens...

Indonesiërs in Namibië vier Eid Mubarak

32 minute gelede | Lesersfoto's

Die Indonesiese ambassade in Namibië het verlede Dinsdag Eid Mubarak – die einde van die heilige maand van Ramadaan in die Moslemgeloof – ­gevier. Ambassadeur...

Maatskaplike impak van droogte gemeet

32 minute gelede |

Elvira Hattingh - Droogtetoestande in Namibië en Angola is deur die navorsers van die Instituut vir Sosio-Ekologiese Navorsing (ISOE) gebruik om 'n nuwe instrument te...

Visums by lughawe uitgereik

32 minute gelede | Toerisme

Inwoners van lande soos onder meer Suid-Afrika, Duitsland, Frankryk, Italië, Amerika, Hongkong, Australië, Nederland, Angola, Zimbabwe en Zambië wat in Namibië wil kom vakansie hou,...