Namibië wil produksie van groente, vrugte verhoog
Groot vordering word gemaak met die binnelandse verbouing van groente om Namibië se afhanklikheid van invoere te verminder.
Ronelle Rademeyer - Syfers deur die Namibiese Akkerbouraad vir 2017-’18 toon 25 599 ton groente en vrugte, of 35% van die totale verkope in die formele mark, is plaaslike geproduseer.
Die ander 65%, of 52 853 ton, moes ingevoer word.
In die vorige boekjaar is 47 143 ton ingevoer en 24 442 ton binnelands verbou.
Benewens dít wat vir binnelandse verbruik verbou is, het Namibië in die 2017-’18-boekjaar ook 55 358 ton groente en vrugte uitgevoer. Altesaam 80% van dié uitvoere was tafeldruiwe en die ander 20% het uit tamaties, uie en dadels bestaan.
Dr. Fidelis Mwazi, uitvoerende hoof van die Akkerbouraad, sê die raad se markaandeel-bevorderingskema (MSP) beloop tans 44%. Dit is ’n stelsel waardeur Namibiese handelaars aangemoedig word 44% van die groente op winkelrakke plaaslik aan te koop voordat hulle invoerpermitte kan kry. Dit is ingestel om binnelandse produksie te bevorder en invoerafhanklikheid te verminder.
Hy sê die Akkerbouraad is voornemens om hierdie persentasie opwaarts aan te pas en maak volgende week ’n aankondiging in dié verband.
Republikein het met hom gesels nadat dié raad Maandag met belanghebbendes vergader het om sy strategiese plan vir die bevordering van akker- en tuinbou in die volgende vyf jaar te ontwikkel.
Mnr. Percy Misika, permanente sekretaris van landbou, water en bosbou, het by dié geleentheid gesê Namibië streef daarna om deur marknavorsing sowel as wetenskaplike navorsing hierdie twee bedrywe uit te bou en uiteindelik selfvoorsienend te word.
Hy sê die enigste manier waarop Namibië as netto invoerder van grane, groente en vrugte sy binnelandse verbouing volhoubaar kan verhoog, is deur die produsente, verwerkers, die bergingsagente én die bemarkers by die strategiese beplanning te betrek.
Dit blyk uit die statistiek wat tydens die beplanningsessie deur Misika voorgehou is, dat Namibië in die vorige boekjaar 96% van die vrugte moes invoer wat plaaslik verbruik is.
Mwazi sê Namibië se klimaat is sodanig dat baie soorte vrugte nie hier verbou kan word nie. Hy sê sitrusvrugte aard wel goed en dat die Akkerbouraad ook ’n MPS vir vrugte wil instel om dié subsektor uit te bou en te ontwikkel.
Met groenteproduksie vaar Namibië heelwat beter en hoef byvoorbeeld glad nie meer kool in te voer nie.
Aartappels, uie en tamaties is die ander produkte waarmee Namibiese produsente goed vaar, sê Mwazi.
In die boekjaar onder bespreking is 1 400 ton uie ingevoer en 3 184 ton plaaslik geproduseer. Wat aartappels betref, kon Namibië net 7 800 ton self produseer. Altesaam 23 000 ton moes ingevoer word om aan die binnelandse vraag te voldoen.
Tamaties het beter gevaar met 2 900 ton wat plaaslik verbou is en 1 300 ton wat ingevoer moes word, sê Mwazi.
AKKERBOU
Wat akkerbou betref, kon Namibië in 2017-’18 altesaam 60% van sy witmielieverbruik plaaslik produseer.
’n Totaal van 76 660 ton witmielies is binnelands verbou, terwyl 50 483 ton ingevoer is.
Wat mahangu betref, is 2 344 ton plaaslike verbou en 5 813 ton ingevoer, en 6 863 ton koring is binnelands geoes teenoor die 104 244 ton wat ingevoer moes word.
Mwazi het egter verduidelik dat hierdie syfer op die formele mark betrekking het en dat mahangu wat vir huishoudelike gebruik verbou is, nie hierby ingesluit is nie.
Die ander 65%, of 52 853 ton, moes ingevoer word.
In die vorige boekjaar is 47 143 ton ingevoer en 24 442 ton binnelands verbou.
Benewens dít wat vir binnelandse verbruik verbou is, het Namibië in die 2017-’18-boekjaar ook 55 358 ton groente en vrugte uitgevoer. Altesaam 80% van dié uitvoere was tafeldruiwe en die ander 20% het uit tamaties, uie en dadels bestaan.
Dr. Fidelis Mwazi, uitvoerende hoof van die Akkerbouraad, sê die raad se markaandeel-bevorderingskema (MSP) beloop tans 44%. Dit is ’n stelsel waardeur Namibiese handelaars aangemoedig word 44% van die groente op winkelrakke plaaslik aan te koop voordat hulle invoerpermitte kan kry. Dit is ingestel om binnelandse produksie te bevorder en invoerafhanklikheid te verminder.
Hy sê die Akkerbouraad is voornemens om hierdie persentasie opwaarts aan te pas en maak volgende week ’n aankondiging in dié verband.
Republikein het met hom gesels nadat dié raad Maandag met belanghebbendes vergader het om sy strategiese plan vir die bevordering van akker- en tuinbou in die volgende vyf jaar te ontwikkel.
Mnr. Percy Misika, permanente sekretaris van landbou, water en bosbou, het by dié geleentheid gesê Namibië streef daarna om deur marknavorsing sowel as wetenskaplike navorsing hierdie twee bedrywe uit te bou en uiteindelik selfvoorsienend te word.
Hy sê die enigste manier waarop Namibië as netto invoerder van grane, groente en vrugte sy binnelandse verbouing volhoubaar kan verhoog, is deur die produsente, verwerkers, die bergingsagente én die bemarkers by die strategiese beplanning te betrek.
Dit blyk uit die statistiek wat tydens die beplanningsessie deur Misika voorgehou is, dat Namibië in die vorige boekjaar 96% van die vrugte moes invoer wat plaaslik verbruik is.
Mwazi sê Namibië se klimaat is sodanig dat baie soorte vrugte nie hier verbou kan word nie. Hy sê sitrusvrugte aard wel goed en dat die Akkerbouraad ook ’n MPS vir vrugte wil instel om dié subsektor uit te bou en te ontwikkel.
Met groenteproduksie vaar Namibië heelwat beter en hoef byvoorbeeld glad nie meer kool in te voer nie.
Aartappels, uie en tamaties is die ander produkte waarmee Namibiese produsente goed vaar, sê Mwazi.
In die boekjaar onder bespreking is 1 400 ton uie ingevoer en 3 184 ton plaaslik geproduseer. Wat aartappels betref, kon Namibië net 7 800 ton self produseer. Altesaam 23 000 ton moes ingevoer word om aan die binnelandse vraag te voldoen.
Tamaties het beter gevaar met 2 900 ton wat plaaslik verbou is en 1 300 ton wat ingevoer moes word, sê Mwazi.
AKKERBOU
Wat akkerbou betref, kon Namibië in 2017-’18 altesaam 60% van sy witmielieverbruik plaaslik produseer.
’n Totaal van 76 660 ton witmielies is binnelands verbou, terwyl 50 483 ton ingevoer is.
Wat mahangu betref, is 2 344 ton plaaslike verbou en 5 813 ton ingevoer, en 6 863 ton koring is binnelands geoes teenoor die 104 244 ton wat ingevoer moes word.
Mwazi het egter verduidelik dat hierdie syfer op die formele mark betrekking het en dat mahangu wat vir huishoudelike gebruik verbou is, nie hierby ingesluit is nie.
Kommentaar
Republikein
Geen kommentaar is op hierdie artikel gelaat nie