Namibië van EU se ‘swartlys’ af

Verbind tot belastingdeursigtigheid

08 November 2018 | Internasionaal
Ronelle Rademeyer - Die Europese Unie (EU) se raad vir ekonomiese en finansiële aangeleenthede het Namibië Dinsdag van dié unie se lys verwyder van lande wat nie aan die internasionale vereistes vir belastingdeursigtigheid voldoen nie.

Namibië was saam met Amerikaans-Samoa, Guam, Samoa, Trinidad en Tobago en die Amerikaanse Maagde-eilande gelys as belasting-jurisdiksies wat nie hul samewerking gee nie.

Met Namibië wat van die lys af is, is daar nou 65 lande wat aktief met die EU saamwerk om goeie belastingbestuurstandaarde te handhaaf, sê die Europese Raad op sy webtuiste.

“Namibië het voldoende toewyding op ’n hoë politieke vlak getoon om die EU se kommer te besweer. Daarom het Namibië geskuif van aanhangsel I van die besluite na aanhangsel II, wat betrekking het op jurisdiksies wat met die EU saamwerk om hul belastingbeleide te hervorm,” lui die verklaring.

Namibië is verlede jaar op dié lys geplaas toe hy nie gereageer het op die EU-ministers van finansies se uitnodiging aan lande vir gesprekvoering oor kwessies van belastingdeursigtigheid, regverdige en mededingende belastingstelsels, asook dít wat bekend staan as basis-erodering en winsdeling (Beps) nie.

Daar is in die internasionale media groot gewag gemaak van die feit dat die sondaarlande belastingtoevlugsoorde is, wat deur internasionale maatskappye en die wêreld se rykes vir belastingontduiking en -vermyding gebruik word.

Die EU se ambassadeur in Namibië, me. Jana Hybaskova, het haar verlede jaar skerp daarteen uitgespreek en gesê die EU het Namibië nog nooit as ’n belastingtoevlugsoord beskou nie.

“Dit is ’n totale misverstand. Hierdie maatreëls vir groter deursigtigheid is om Namibië te beskerm. Dit is tot voordeel van Namibië se mense,” het sy in Desember verlede jaar tydens ’n nuuskonferensie in Windhoek gesê.

Namibië is op die lys geplaas toe hy die sperdatum van 17 November 2017, wat deur die EU vir sekere kommerwekkende belastingkwessies gestel is, verpas het.

Die eerste kwessie was om die wêreldforum oor deursigtigheid en die uitruil van inligting vir belastingdoeleindes te onderteken sodat Namibië deel word van die Organisasie vir Ekonomiese Samewerking en Ontwikkeling (OECD) se multilaterale konvensie op gesamentlike administratiewe ondersteuning rakende belastingsake.

Tweedens is Namibië genooi om skadelike voorkeurpraktyke vir belastingpligtiges te verduidelik, dit aan te pas of daarvan afstand te doen.

Dit was met verwysing na Namibië se skema vir uitvoerverwerkingsones (EPZ). Maatskappye wat hieraan voldoen, betaal tussen 0% en 32% belasting, afhangend van die uitvoerbestemming van die vervaardigde goedere.

Derdens is Namibië versoek om deel te word van die inklusiewe raamwerk vir Beps, of om die OECD se minimum standaarde hiervoor te implementeer.

Die EU het verlede jaar tegniese kundiges ontplooi om die ministerie van finansies hierin by te staan.

Soortgelyk

 

NSFAF sluit ooreenkoms met Bank Windhoek

1 dag gelede | Onderwys

Die Finansiële Hulpfonds vir Namibiese Studente (NSFAF) en Bank Windhoek het vandag ʼn ooreenkoms aangegaan vir ʼn nuwe stelsel waardeur geld aan kwalifiserende studente gestuur...

Chinees Dinsdag in hof ná werker se skietdood

1 dag gelede | Misdaad

Die man wat gister na bewering deur sy Chinese werknemer in die Andara-nedersetting doodgeskiet is, is as mnr. Andreas Hausiku (32) geïdentifiseer.Hausiku was ‘n inwoner...

Twintig jaar tronkstraf vir verkragter

1 dag gelede | Howe

‘n 34-jarige man van Otjiwarongo is gister 20 jaar tronkstraf opgelê nadat hy skuldig bevind is aan die verkragting van ‘n minderjarige. Die dogter was...

Taking charge

2 dae gelede | Mense

Mariselle Stofberg Anthea van Heerden decided to take a leap of faith to start her own company in Windhoek.She is the managing director and...

Moontlike deurbraak

2 dae gelede | Misdaad

Denver KistingDie man wat gisteroggend weens Maandag se bloedbad op Arandis aangekeer is, het glo vir etlike ure geweier om met die polisie saam te...

Só staan sake in die Namibiese huis

2 dae gelede | Regering

Denver KistingPres. Hage Geingob het gistermiddag gesê sy boodskap van “welvaart vir almal” moenie verkeerd verstaan word nie.Volgens hom was die bedoeling nooit om oordaad...

Kabajani blossoms at GIPF

2 dae gelede | Mense

Michelline Nawatises Annette Likeleli Kabajani is a holder of a bachelor’s degree from the University of Namibia (Unam). She has also attained several management and...

Baking a name for herself!

2 dae gelede | Mense

Ester Kamati At the age of 28, Alma Tangi Nakanduungileh is climbing the entrepreneurial ladder and adding sweetness to her clients’ lives. A qualified...

A passion to unlock potential

2 dae gelede | Mense

Ester KamatiJustina Mulokoshi is a chartered accountant (CA) at PwC who has big dreams and is constantly on the lookout for new ways to improve...