Namibië steun Botswana in olifantstryd

12 September 2018 | Omgewing
Francoise Steynberg - Die ministerie van die omgewing en toerisme sê hy ondersteun die Botswana-regering se verklaring oor olifantkarkasse.

“Ons stem saam met die verklaring. Hulle sê berigte wat beweer 90 olifante is gestroop, is vals en verduidelik dat slegs 53 olifantkarkasse ontdek is,” sê die woordvoerder van die ministerie, mnr. Romeo Muyunda, op Republikein se navraag.

“Botswana verklaar verder dat dit voorvalle was wat reeds aangemeld is, waarvan die meerderheid nie gestroop is nie, maar aan natuurlike oorsake gesterf het.”

Muyunda sê die ministerie ondersteun ook teenstroperypogings in Botswana en veroordeel enige stropery.

“Ons sal voortgaan om saam met Botswana teen stropery te werk en alle natuurlike hulpbronne bewaar. Beide lande is deel van die Kavango-Zambezi-oorgrensbewaringsgebied (Kaza) wat ons met unieke geleenthede voorsien om sulke uitdagings te takel.”

EWB GEKAP

Die Botswana-regering het die bewaringsorganisasie Elephants without Borders (EWB) daarvan beskuldig dat hy vals inligting versprei oor 87 olifantkarkasse wat tydens 'n lugsensus naby onder meer die Okavango-delta getel is.

“Daar is in geen stadium of op een slag 87 of 90 olifante in enige plek in Botswana doodgemaak nie,” het mnr. Thato Raphaka, permanente sekretaris in Botswana se departement van omgewing, natuurlike hulpbronne, bewaring en toerisme, in 'n verklaring gesê.

Dít kom nadat mnr. Mike Chase van EWB gesê het dié organisasie en dié departement het 87 vars olifantkarkasse gekry terwyl hulle van 10 Julie af 'n uitgebreide lugsensus gedoen het.

Raphaka sê die voorlopige lugsensus wat van 5 Julie tot 1 Augustus gedoen is, het gewys daar was 53 olifantkarkasse en dat die meeste van grootvoete aan natuurlike oorsake dood is.

“Ander is dood in voorvalle van mens-dier-konflik.”

Raphaka het gesê: “Die ware feite is dat die onttrekking van wapens van die departement van wildlewe en nasionale parke (DWNP) géén uitwerking het op doeltreffende operasies van die teenstropingseenhede nie.”

Hy het gesê dit is vir die regering teleurstellend dat die toename in stropery onder olifante in die noorde van Botswa­na (wat die Chobe-, Okavango-, en Ngamilandgebied en die Noord-sentrale distrik insluit) hoofsaaklik toegeskryf word aan die feit dat die teenstropingseenhede onlangs ontwapen is.

'GEEN LEEMTE'

“Dit het geen leemte veroorsaak nie. Inteendeel, teenstropingseenhede volg nou ander strategieë,” het Raphaka gesê.

Hy het gesê dit strook ook met bestaande wetgewing dat die DWNP nie sulke wapens mag toelaat nie.

“Hierdie stap is geneem terwyl korrektiewe maatreëls onderneem word.”

Raphaka het afgesluit: “Bot­swa­na veroordeel ten sterkste enige pogings van inidividue of groepe wat die vals indruk skep dat hulle Botswana se wildlewe meer liefhet as Botswana se burgers. Die regering beklemtoon die feit dat wildlewe die land se nasionale erfenis bly en ons burgers sal dit ten alle koste beskerm.”

Soortgelyk

 

Regering staan bakhand vir 2% van Namibiërs se jáárlikse...

1 dag gelede | Regering

Denver Kisting – Die verwarring oor of die regering Namibiërs vra om 2% van een maand of een jaar se basiese salaris te skenk, is...

Making employees feel at home at Plastic Packaging

2 dae gelede | Mense

JONELL MALAN Human resource management is a function in organisations designed to maximise employee performance in the service of an employer’s strategic objectives. One empowers...

Duisende registreer vir e-taks

2 dae gelede | Ministeries

Elvira Hattingh - Altesaam 192 225 belastingopgawes is teen Dinsdag via die ministerie van finansies se nuwe aanlyn belastingdiens, die geïntegreerde belastingadministrasiestelsel (Itas), ontvang.Mnr. Tonateni...

Apollo 11-euforie só onthou

2 dae gelede | Tegnologie

Ronelle Rademeyer - Namibië se eie ruimteman, dr. Japie van Zyl, sê ’n getekende foto van die drie Apollo 11-ruimtevaarders, Neil Armstrong, Buzz Aldrin en...

Kalender 12 Julie

2 dae gelede | Kuns en vermaak

Nou aan die gang» Bottomless Coffee Band is ’n instrumentele, alternatiewe duo wat bestaan uit die getroude paartjie Lourens en Esté Rabé van Kaapstad, Suid-Afrika....

Weer vir 19 Julie 2019

2 dae gelede | Weer

BINNELAND: Sonnig en warm tot baie warm in die Noorde.KUS: Sonnig en matig tot warm.GETYE BY WALVISBAAI: H 04:47 L 10:41...

Nuwe begin vir vier wildehonde

2 dae gelede | Omgewing

Francoise Steynberg - Ná die tragiese skietvoorval in Februarie waarin drie wildehonde van die N/a’an ku sê-stigting en -wildreservaat glo deur personeel van die...

Just a click away

2 dae gelede | Gesondheid

Michelline Nawatises Organic Box is an online grocery shop specialising in selling organic vegetables, meat and dairy products, farm produce, and speciality homemade products.It was...

Rundu surveys new extensions

2 dae gelede | Plaaslik

The Rundu town council plans to survey two new extensions in the Tuhingireni informal settlement for N$ 1 million, according to the head of town...