Namibië sluit grense ná varkpes in SA uitbreek
Die ministerie van landbou, water en bosbou het Dinsdag aangekondig die grens is vroeër vandeesmaand gesluit vir die invoer van lewende varke en varkvleis uit Suid-Afrika nadat ’n uitbreking van Afrika-varkpes deur die veeartseny-owerheid in die buurland bevestig is.
Netwerk24 berig dié siekte het vroeër vandeesmaand op ’n plaas in Koffiefontein in die Vrystaat uitgebreek.
Die Suid-Afrikaanse departement van landbou, bosbou en visserye het ook ’n geval van die siekte in die Ipelegeng-woonbuurt naby Schweizer-Reneke in Noordwes bevestig.
Dr. Rob Fouché, staatsveearts in Bloemfontein, het aan Netwerk24 gesê hulle ondersoek die moontlikheid dat die einste boer op wie se plaas die siekte aangemeld is, verskeie varke op ’n veiling in Bloemfontein verkoop het.
Fouché sê honderde varke het reeds weens die siekte gevrek. Die siekte word weens ’n virus van vark tot vark oorgedra.
Daar is geen behandeling of inenting teen die siekte nie en varke wat dit opdoen, vrek.
Luidens die ministerie se verklaring sal waarneming by grensposte ook opgeskerp word om seker te maak dat produkte wat Namibië binnekom, nie ’n gesondheidsbedreiging vir die varkproduksiebedryf in Namibië inhou nie.
Die verbod op die invoer van varke en varkvleis sal van krag bly totdat die uitbreking in Suid-Afrika iets van die verlede is, sê die ministerie.
Netwerk24 berig dié siekte het vroeër vandeesmaand op ’n plaas in Koffiefontein in die Vrystaat uitgebreek.
Die Suid-Afrikaanse departement van landbou, bosbou en visserye het ook ’n geval van die siekte in die Ipelegeng-woonbuurt naby Schweizer-Reneke in Noordwes bevestig.
Dr. Rob Fouché, staatsveearts in Bloemfontein, het aan Netwerk24 gesê hulle ondersoek die moontlikheid dat die einste boer op wie se plaas die siekte aangemeld is, verskeie varke op ’n veiling in Bloemfontein verkoop het.
Fouché sê honderde varke het reeds weens die siekte gevrek. Die siekte word weens ’n virus van vark tot vark oorgedra.
Daar is geen behandeling of inenting teen die siekte nie en varke wat dit opdoen, vrek.
Luidens die ministerie se verklaring sal waarneming by grensposte ook opgeskerp word om seker te maak dat produkte wat Namibië binnekom, nie ’n gesondheidsbedreiging vir die varkproduksiebedryf in Namibië inhou nie.
Die verbod op die invoer van varke en varkvleis sal van krag bly totdat die uitbreking in Suid-Afrika iets van die verlede is, sê die ministerie.
Kommentaar
Republikein
Geen kommentaar is op hierdie artikel gelaat nie