Namibië skaar hom by Venezuela

Plaaslike rolspelers bekommerd

01 February 2019 | Ministeries
Augetto Graig - Namibiese burgers het Woensdag ’n optog in Onafhanklikheidsrylaan in Windhoek se middestad ter ondersteuning van Venezuela en sy mense gehou.

Die klein optog is deur middel van WhatsApp gereël en weerspieël die Namibiese regering se amptelike standpunt, soos uiteengesit in ’n nuusverklaring wat die ministerie van internasionale betrekkinge en samewerking Dinsdag uitgereik het.

In dié verklaring skryf die adjunk- eerste minister en minister van internasionale betrekkinge en samewerking, me. Netumbo Nandi-Ndaitwah, Namibië is bekommerd oor verwikkelinge in dié Suid-Amerikaanse land.

“Die regering van die Republiek van Namibië volg die politieke verwikkelinge in die Bolivariese Republiek van Venezuela met groot belangstelling,” lui die verklaring.

“Kommer heers daaroor dat die politieke verwikkelinge ontstaan het weens ongeregverdigde inmenging van buitelandse magte in Venezuela se huishoudelike sake,” sê die minister.

Nandi-Ndaitwah sê verder Venezuela se onlangse verkiesing in Mei 2018 het in oreenstemming met die land se wette, sonder enige inmenging van buite plaasgevind.

“Venezuela se plaaslike verkiesingswet voorsien meganismes om verkiesingsgeskille te besleg,” sê sy.

“Namibië wil ’n beroep op die internasionale gemeenskap doen om Venezuela se mense toe te laat om hul plaaslike kwessies vriendskaplik en vreedsaam, binne die perke van die Bolivariese Republiek van Venezuela se grondwet, op te los.

“Ons doen verder ’n beroep op die internasionale gemeenskap om onpartydig te bly en nie kant in die geskil te kies nie,” sê sy.

“Namibiërs staan in samehorigheid met die mense van die Bolivariese Republiek van Venezuela,” sê sy.

Intussen het die menseregteaktiviste-organisasie, die Centre for People’s Resistance (CPR), aangekondig hulle sou omstreeks 17:30 vandag by Zoo Park in die stad byeenkom vir nog ’n geleentheid om samehorigheid met Venezuela te toon.

Volgens plan sal ’n dokumentêre fliek oor omstandighede in Venezuela vertoon word, ’n openbare gesprek sal met genooide gaste gevoer word, en ’n musiekopvoering sal gehou word.

Op navraag het mnr. Omar Berroteran, ’n saakgelastigde by die Venezolaanse ambassade in Windhoek, meer lig op die omstandighede gewerp.

Volgens hom het politieke onrus in die land begin ná die Amerikaanse visepresident Mike Pence se openbare verklaring op 22 Januarie dat Amerika president Nicolas Maduro nie meer as Venezuela se leier erken nie.

Op 23 Januarie het Juan Guaidó, wat sopas as leier van die nasionale vergadering in dié land verkies is, aangekondig hy is tydelik die president tot ’n nuwe verkiesing gehou word.

Volgens Berroteran is dit voor die hand liggend dié regeringsverandering word deur die VSA bevorder.

Voor Pence se verklaring was daar vrede in Venezuela, het Berroteran gesê, ondanks ekonomiese teenspoed en hiperinflasie.

“Die ekonomie en inflasie is wel ’n uitdaging. Onthou, 90% van ons uitvoere is olie, en die val van oliepryse beïnvloed ons, maar ook die VSA se sanksies teen ons.

“Hulle rig ’n finansiële versperring teen ons op en blokkeer selfs ons bates in Amerika; ons raffinaderye daar, wat meer as US$7 miljard werd is. Dié onwettige en eensydige sanksies is selfs teen ons oliebedryf ingestel, wat moeilike omstandighede vir handel teweegbring,” het hy gesê.

Berroteran sê Amerika se houding teenoor Venezuela spruit uit verskeie faktore, wat grootliks met die geskiedkundige nasionalisering van Amerikaanse oliemaatskappye in dié land onder oorlede president Hugo Chávez verband hou.

“Maar die grootste rede is dat Venezuela die grootste oliereserwes te wêreld besit, en dít is bewys. Lande met olie is altyd in gevaar,” het hy gesê.

Soortgelyk

 

Houtskoolbedryf sien enorme groei

2 ure gelede | Landbou

Elvira Hattingh op Otjiwarongo - Die Namibiese houtskoolbedryf het 'n "ontploffing in houtskoolproduksie" die afgelope jaar ervaar en 'n groei van 33% in een jaar...

Lodge, besigheid beroof – sewe vas

13 ure gelede | Misdaad

Henriette Lamprecht – Sewe verdagtes was gister reeds agter tralies nadat hulle by twee verskillende inbrake in die Omahekestreek betrokke was. Een van die inbrake...

Tolpaaie dalk op pad

13 ure gelede | Vervoer

font face="Verdana" >Catherine Sasman - Die Padfondsadministrasie (RFA) beoog om die lewensvatbaarheid van tolpaaie in Namibië te ondersoek.Dít as ’n moontlike bykomende bron...

Grondwet praat jou taal

13 ure gelede | Howe

Denver Kisting – Dit is belangrik dat die oppergesag van die land, die Grondwet, toeganklik is vir Jan en San Alleman.Alle wette in Namibië is...

Agterstallige pos glo nie NamPost se skuld

13 ure gelede | Ministeries

Catherine Sasman – Volgens NamPost is die agterstand in die aflewering van pos en pakkies nie sy skuld nie, maar wel die Suid-Afrikaanse Internasionale possentrum...

Weer vir 9 Augustus

13 ure gelede | Weer

BINNELAND: Gedeeltelik bewolk en warm in die Suide, maar baie tot bloedig warm in die Noorde.KUS: Gedeeltelik bewolk en matig tot warm met miskolle in...

Nou aan die gang

13 ure gelede | Kuns en vermaak

» Vanaand is die immergewilde Windhoek City Market weer in die hoofstad. Geniet ’n onbeperkte vonkelwynproe van verskeie wynkelders uit Suid-Afrika se produkte. Dié mark...

Klei en keramiek by negende biënnale

13 ure gelede | Kuns en vermaak

Die Pottebakkersvereniging van Namibië (PAN) se 9de Keramiek Biënnale word eersdaags by die Nasionale Kunsgalery van Namibië (NAGN) aangebied sal word. Die geleentheid is die...

N$150 miljoen vir landskapbestuur

13 ure gelede | Ministeries

Die ministerie van die omgewing en toerisme en die Nasionale Beplanningskommissie van Namibië het Woensdag ’n ooreenkoms met die Verenigde Nasies se Ontwikkelingsprogram (UNDP) onderteken,...