Namibië se sinkhuisbewoners neem voortou

Behoeftiges spring self in

18 February 2019 | Infrastruktuur
Augetto Graig - Inwoners van nedersettings in Namibië, wat ondanks armoede kragte saamsnoer om besparings te maak, en hul eie huisies bou, word deur hul eweknieë in Afrika geprys.

Namibië is een van min lande waar die regering pogings finansieel ondersteun om behoeftiges se menswaardigheid te herstel.

’n Groot groep verteenwoordigers van Shack Dwellers International (SDI) en die Urban Poor Fund International, vergesel van lede van die Shack Dwellers Federation of Namibia (SDFN), het president Hage Geingob Donderdag by Staatshuis besoek.

Die presidentsvrou, me. Monica Geingos, is die SDFN se beskermvrou.

Buitelandse besoekers uit Kenia, Zimbabwe, Suid-Afrika en Liberië was ook teenwoordig.

Liberië se adjunkminister van binnelandse sake, me. Paulita C.C. Wie, het die geleentheid ook meegemaak.

Sy het gesê die doel met haar besoek aan Namibië is om die plaaslike strategie te bestudeer en saam terug na haar land te neem.

Die groep was vroeër vandeesweek op Gobabis, waar die SDFN ’n projek saam met die plaaslike owerheid van stapel gestuur het.

Die opgradering van die Freedom Square-nedersetting op Gobabis het reeds in 2015 begin, en dienste word sedert 2017 verskaf.

Suid-Afrika se SDI-voorsitter en Fed Up-leier, me. Rose Molokoane, sê sy het die praktiese toepassing van die nuwe stedelike agenda op Gobabis gesien.

“Die Namibiese regering praat nie net nie, maar neem ook aksie,” het sy gesê.

Molokoane het vir Geingos gelukgewens met haar aanstelling as voorsitter van die Urban Poor International Fund.

Me. Anna Muller, direkteur van die Namibia Housing Action Group, die nieregeringsorganisasie wat die SDFN ondersteun, het beklemtoon hoe belangrik dit vir dié projek en ander is om kennis op voetsoolvlak in te win.

Sodoende kan behoeftes en standaarde bepaal word, wat die SDFN in staat stel om lede beter te ondersteun.

Die SDFN spog vandag met meer as 25 000 lede, wat elk ’n dollar of twee per dag probeer spaar.

Op dié manier beloop die groep se spaargeld reeds sowat N$29 miljoen.

’n Deurlopende fonds ter waarde van sowat N$120 miljoen bestaan ook, waaruit sowat 5 000 huisies sedert 1996 gebou is.

Muller het gesê tot 40% van dié fonds se geld is van terugbetalings van vorige begunstigdes afkomstig.



Sy het bygevoeg Namibië se regering werk sedert 2000 met die SDFN saam en het al byna N$60 miljoen tot die organisasie bygedra.

Daaruit is reeds 2 307 huisies gebou, en die SDFN sal hul lede na verwagting van nog 625 huisies voorsien.

“Die res van die SDI-lande is baie jaloers op ons omdat Namibië se regering die armes se hande vat en saam werk. Dit is uniek dat mense geld ontvang om hul eie huise te bou en vertrou word om met hul eie oplossings vorendag te kom,” sê sy.



Senior beamptes van die Windhoek-munisipaliteit was ook by die geleentheid teenwoordig, wat die burgemeester, mnr. Muesee Kazapua, en die hoofstad se uitvoerende hoof, mnr. Robert Kahimise, insluit.

Die Khomasstreek is deur die streekgoewerneur, me. Laura McLeod-Katjirua, en die voorsitter van die streekraad, me. Rachel Jacob, verteenwoordig.

Die minister van stedelike en landelike ontwikkeling, mnr. Peya Mushelenga, het ook die geleentheid bygewoon, asook die adjunkminister van grondhervorming me. Priscilla Boois.

Mushelenga het gesê meer as 30% van Namibië se bevolking bly tans in informele nedersettings.

Sedert laas jaar se nasionale grondkonferensie is sy ministerie besig om die resolusies daarvan toe te pas, wat die pak van die humanitêre krisis in Windhoek se nedersettings insluit, het hy gesê.

Geingos het gesê Namibië vaar goed, maar moet ’n groter poging aanwend wat die behuisingskrisis betref.

Sy sê behoeftiges se probleme kan nie sonder hulp opgelos word nie.

“Daar is ’n groot verskil tussen laekostebehuising en laeinkomstebehuising. Die krisis is by laeinkomstebehuising, en ons moet daarop fokus,” het sy gesê.

Soortgelyk

 

B-dag: Maak of breek

7 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

7 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

7 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

7 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

7 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

7 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

7 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

7 ure gelede | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

7 ure gelede | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...