Namibië 'reeds verbind' tot ooreenkoms

Regering onderhandel namens nasie

10 June 2021 | Maatskaplik
Jemima Beukes – Die Duitse spesiale gesant vir die volksmoord-dialoog tussen Namibië en Duitsland, mnr. Ruprecht Polenz, het gesê Namibië het hom “verbind” tot die N$18,6 miljard-reparasiepakket vir die volksmoord tussen 1904 en 1908, te midde van skrale hoop dat daar nog ruimte is om verder oor dié skikkingsooreenkoms te onderhandel.

Polenz sê Namibië het hom ook verbind tot die versekering dat die geld die betrokke gemeenskappe sal bereik.

Hy het dié opmerkings gemaak in 'n artikel wat hy op Mission-Lifeline geplaas het.

Duitsland het onlangs erken die Ovaherero- en Nama-gemeenskappe was slagoffers van volksmoord, en Duitsland sal 'n versoeningsbedrag uitbetaal.

“Die Namibiese regering is hiertoe verbind. Die ooreengekome program sal in sewe spesifieke streke geïmplementeer word waar 'n groot deel van die Herero- en Nama-bevolking woon. Die plaaslike gemeenskappe is ten volle betrokke by die beplanning en implementering. Hierdie program sal bykomend en afsonderlik van bilaterale ontwikkelingsamewerking wees.

“Duitsland bly betrokke by die implementering van die ooreenkoms, wat 'n uitdruklike wens van die Namibiese vennote is,” het hy gesê.

Polenz het aantygings ontken dat die Nama- en Ovaherero-gemeenskappe nie verteenwoordig was tydens die reparasie-onderhandelinge tussen Namibië en Duitsland nie.

Hy het gesê die Namibiese regering verteenwoordig “een Namibië, een nasie” en dat alle Namibiërs dus wettig verteenwoordig word.

“Die Namibiese regering het dus baie belang daaraan geheg om self die onderhandelinge te behartig en sy eie afvaardiging saam te stel. Daar is geen gemeenskaplike verteenwoordiging wat deur alle Herero en Nama verkies is of erken word nie, maar eerder talle verskillende groepe. Daar is ook wedywering binne hierdie gemeenskappe,” het hy gesê.



AANVAAR ONS VERSKONING

Volgens Polenz wil Duitsland om ver­skoning vra vir die misdade wat gepleeg is, op só 'n wyse dat Namibië die ver­skoning aanvaar.

Hy het bygevoeg die gesamentlike verklaring is só saamgestel dat daar geen twyfel kan bestaan oor die erns van dié versoek nie en dat dit nie net lippediens is nie.

“Die federale president sal op hoë vlak om verskoning vra,” het hy gesê.

[email protected]


FOTO
Die Namibiese onderhandelaar oor die volksmoord, dr. Zed Ngavirue (links) het sy Duitse eweknie, mnr. Ruprecht Polenz, vyf jaar gelede in Duitsland besoek. Foto Argief

Soortgelyk

 

MTC en regering gaan saamwerk om inentings teen Covid...

1 uur gelede | Gesondheid

'n Inisiatief tussen die regering en die mobiele telekommunikasiemaatskappy MTC, “Namibia VaxUP081 Incentive", gaan inwoners vergoed wat hul eerste dosis entstof teen Covid-19 ontvang. Volgens...

Net 14,2% van bevolking ten volle ingeënt

1 uur gelede | Gesondheid

Terwyl Namibië se doelwit was om 750 000 van die land se 1,5 miljoen geoormerkte persone vir immunisering teen Donderdag in te ent, het net...

Aandklokreël opgehef

2 ure gelede | Regering

President Hage Geingob het die aandklokreël amptelik as deel van die nuwe Covid-19-regulasies opgehef. Openbare byeenkomste kan deur 200 persone bygewoon word, so ook dieselfde...

Creativity and mental health: Where do we overstep

13 ure gelede | Gesondheid

Kalistu R Mukoroli, PR and brand strategistWe tend to preach about being creative, but isn’t this contributing to mental health issues? Creative people always push...

Tourism mogul driven by passion

13 ure gelede | Toerisme

Iréne-Mari van der Walt Part-owner of Swakop Cycle Tours Paul Ndjambula says despite his business being conceptualised during his time as an intern, it took...

Kalahari se water in die gedrang

13 ure gelede | Omgewing

Frank Steffen en Brigitte Weidlich – “Dit mag eenvoudig nie gebeur nie! Maak nie saak hoe jy uitloogproses benader nie, hierdie unieke kom sal onvermydelik...

Etosha se brand geblus

13 ure gelede |

Tanja Bause – Die veldbrand wat sedert Maandag in Etosha gewoed het, is eindelik gister onder beheer gekry. Volgens die woordvoerder van die ministerie van...

Professionele jagters se bewaringswerk

13 ure gelede | Toerisme

Emmanuel Koro, Johannesburg – Ná die verwoestende uitwerking van die Covid-19-pandemie op die Namibiese jag- en fotosafari-bedryf, het jagsyfers vanjaar ietwat verbeter. Terwyl sowat 5...

Jessica Ashley stel vandag enkelsnit vry

13 ure gelede | Byvoegsels

Die jong sangeres Jessica Ashley (Strydom) van Swakopmund stel vandag haar eerste enkelsnit – wat sy self geskryf het – vry. Die lied “Only 9”...