Namibië pronk by toerismeskou in Berlyn

09 March 2018 | Toerisme
Francoise Steynberg - Namibië word vanjaar uitstekend by die Internasionale Toerismeskou in Berlyn, Duitsland (ITB) verteenwoordig wat van Woensdag af tot 11 Maart plaasvind.

Die uitvoerende hoof van die Gasvryheidsvereniging van Namibië (HAN), me. Gitta Paetzold, het vanaf die ITB laat weet meer as 30 Namibiese maatskappye stal by die Namibië Toerismeraad (NTB) se stalletjies uit.

Ander Namibiese toeroperateurs het ook hul eie stalletjies in die Afrika-saal.

"Namibië maak 'n professionele en positiewe indruk," het Paetzold gesê.

"’n Rekordgetal van meer as 100 uitgenooide gaste het die funksie Dinsdagaand bygewoon wat deur die NTB op die vooraand van die ITB aangebied is."

Strategiese vennote van die Namibië-stalletjies is NTB, Air Namibia, Namibia Wildlife Resorts (NWR) en Gondwana Collection.

Paetzold het gesê goeie nuus oor nuwe toerismeprodukte en roete-ontwikkeling is by die ITB aangekondig.

"Toerisme groei steeds aansienlik in 2018, maar nie so vinnig soos in 2017 nie. 'n Groei van 5% word vanjaar vir die internasionale toerismesektor voorspel, in vergelyking met die rekord van 6,5% in 2017," het sy gesê.

Volgens Paetzold is die onderwerpe onder bespreking by vanjaar se ITB wêreldwye vooruitgang en vrede, te veel toeriste by een bestemming (oortoerisme) en die voordele van inligtingstegnologie.

"Faktore soos oortoerisme, terreurbedreigings en ander reisrisiko's bestaan, maar sal nie 'n negatiewe impak op die sukses van wêreldtoerisme hê nie," is die boodskap op die ITB.



Die ITB is Dinsdagaand amptelik tydens 'n swierige galadinee deur die Duitse kanselier Angela Merkel geopen.

Soortgelyk

 

Intelligensiediens kan koerant nie muilband

7 ure gelede | Plaaslik

Ronelle Rademeyer - Die Sentrale Intelligensiediens van Namibië (NCIS) en die regering kan nie agter wetgewing skuil en hulle op die reg op geheimhouding beroep...

Vermeende kokaïenhandelaars in hof

7 ure gelede | Howe

Otis Finck op Walvisbaai - Die twee mans wat in verband met vermoedelik ’n reusekokaïenvonds op Walvisbaai aangekeer is, het gister in die landdroshof op...

Minister sê binnekort oor fosfaatmynbou

7 ure gelede | Omgewing

Augetto Graig - Die minister van die omgewing en toerisme, mnr. Pohamba Shifeta, sal Donderdag die aankondiging oor die toekoms van ondersese fosfaatmynbou in Namibiese...

Weer vir 19 Junie 2018

7 ure gelede | Weer

BINNELAND: Gedeeltelik bewolk en matig tot warm in die Suide, met enkele buie in die verre Suide. Elders sal dit sonnig en warm tot...

Regstelling

7 ure gelede |

In die artikel "Chinese oorheers sentrums vir vars produkte" wat op 4 Junie 2018 in Republikein verskyn het, is verkeerdelik berig dat die Namibiese maatskappy,...

Skole: Tydelike reëling vir winter

7 ure gelede | Ministeries

Henriette Lamprecht - Van eerskomende Maandag af moet skole nie vroeër as 07:30 en nie later as 08:30 in die winter begin nie. By dubbelskofskole...

Glaspaneel eis glo lewe

7 ure gelede | Misdaad

Francoise Steynberg - 'n Man is Saterdag in die hoofstad dood nadat 'n glaspaneel glo op hom geval het. Volgens die Namibiese polisie se misdaadverslag...

Queen se kuiertjie gee Omaruru 'n stootjie

7 ure gelede | Gebeure

Des ErasmusAan jou vrinne sal jy geken word. Eensklaps verkeer Omaruru in goeie geselskap danksy The Music of Queen soos vertolk deur Joseph Clark. Op...

Breek die kettings van geestesongesteldhede

7 ure gelede | Gesondheid

Henriette LamprechtDaar kleef steeds 'n stigma aan geestessiektes. Dit word dikwels nie behoorlik gediagnoseer nie en selfs in relatief ontwikkelde lande kry mense met geestessiektes...