Namibië knip (ook) Max 8 se vlerke

14 March 2019 | Vervoer
Ronelle Rademeyer - Namibië is een van 43 lande in die wêreld wat die nou omstrede Boeing 737 Max 8-vliegtuie se vlerke ná Sondag se vliegramp geknip het. (Sien die infografiek.)

Die Namibië Burgerlugvaartowerheid (NCAA) het laat Dinsdag ’n tydelike verbod op die landing en vertrek van Boeing 737 Max 8-vliegtuie by Namibiese lughawens geplaas. Die verbod geld nie die gebruik van die Namibiese lugruim vir vliegtuie wat oor die land vlieg nie.

Die uitvoerende direkteur, me. Angelina Simana, sê die besluit is geneem “om passasiers en lugvaartpersoneel by lughawens teen enige lugvaartveiligheid- en sekuriteitsinsident” te beskerm.

Comair, wat British Airways se vlugte in die streek bedryf, was glo voornemens om sy nuwe Max 8 tussen Johannesburg en Windhoek in te span.

Simana het by navraag gesê dié Suid-Afrikaanse redery is die enigste wat deur die NCAA se verbod geraak word.

“In hierdie stadium raak dit Comair wat onlangs een in gebruik geneem het, en soos ek verstaan hulle op die roete Johannesburg-Windhoek-Johannesburg wou gebruik,” het sy in ’n e-pos gesê.

Comair het Maandag nog met hierdie vliegtuig tussen Johannesburg en Kaapstad gevlieg, maar kort daarna aangekondig dat hy dit van sy roetes in Suid-Afrika gaan onttrek.

Me. Wrenelle Stander, uitvoerende direkteur van Comair se lugdiens-afdeling, het volgens Business Insider gesê nóg die Suid-Afrikaanse Burgerlugvaartowerheid (Sacaa), nóg Boeing het gevra dat hierdie vliegtuig onttrek word.

Paniek oor die veiligheid van hierdie spesifieke Boeing heers ná Sondag se Ethiopian Airlines-vliegramp waarin 157 mense kort ná opstyging naby Addis Abeba gesterf het.

Dit volg sowat vier maande nadat ’n Boeing 737 Max 8-vliegtuig van Lion Air naby Djakarta in Indonesië geval het en 189 mense dood is.

Bloomberg berig die grootskaalse onttrekking van hierdie vliegtuie uit gebruik het meegebring dat sowat ’n derde van die wêreldwye vloot van 350 tans nie vlieg nie.

Ethiopian Airlines se uitvoerende hoof, mnr. Tewolde Gebre-Mariam, het in ’n onderhoud aan CNN gesê vlieënier van die Boeing 737 Max 8 wat Sondag neergestort het, het gesukkel om die vliegtuig te beheer.

“Hy (die kaptein) het probleme gehad om die vliegtuig te beheer en het gevra om terug te keer na die lughawe,” het Gebre-Mariam vertel.

Hy het toestemming gekry, maar die vliegtuig het teen daardie tyd reeds van die radar verdwyn.

“Ons glo die ooreenkomste tussen die twee voorvalle is substansieel. Ek glo daar is vrae oor die vliegtuig wat nie beantwoord is nie,” meen Grebre-Mariam.

Soortgelyk

 

Twee 'renosterstropers' verskyn in Gobabis-hof

1 uur gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

4 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

6 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

17 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

17 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

17 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

17 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

17 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...

Weer, Maandag 1 Junie 2020

17 ure gelede | Weer

BINNELAND: Gedeeltelik bewolk en baie warm in die Zambezi- en Kavangostreek. Elders sonnig en warm tot baie warm. Winderige weer sal oor die binneland heers....