Namibië is op regte koers

Geingob lewer boodskap van hoop

03 January 2017 | Regering
Estelle de Bruyn - Namibië bly verbind tot die uitwissing van armoede en is op die regte pad om die ontwikkelingsdoelwitte te bereik.

Dié versekering is deur pres. Hage Geingob in sy Nuwejaarsrede gegee.

“Ons erken ons het die afgelope jaar onverwagte winde van voor ervaar wat ons vermoë om ons ontwikkelingsdoelwitte te verwesenlik, in die wiele gery het. Hierdie winde mag vrae of twyfel in ons gemoedere laat ontstaan het oor of ons doelwitte as 'n nasie haalbaar is en of ons inderdaad armoede kan uitwis. Ek gee vandag die versekering dat die Namibiese huis op koers bly en dat ons vorentoe beweeg,” het Geingob gesê.

Hy het 2017 as die jaar van her­toewyding beskryf en gesê die regering verbind hom opnuut tot die verwesenliking van sy doelwitte en oogmerke.

Tog maan hy dat die land vanjaar dieselfde uitdagings as in 2016 in die gesig staar. 'n Lewenskragtige en skeppende benadering is volgens hom nodig om hierdie uitdagings die hoof te bied.

“Die moeilike ekonomiese vooruitsigte vereis dat ons lesse uit die ondervinding van 2016 leer en sal debatteer oor beperkte bronne en mededingende prioriteite,” het Geingob gesê.

Van die vooruitsigte vir 2017 is die verhoging van pensioene vir bejaardes, met N$100 tot N$1 200, teen Junie vanjaar. Die regering beoog ook om reeds vandeesmaand met gesubsidieerde ploegdienste en die verskaffing van saad en kunsmis aan kommunale boere te begin.

'n Multidissiplinêre jeugsentrum word vir die derde kwartaal in Kavango beplan en bouwerk aan 'n nuwe beroepsopleidingsentrum in Nkurenkuru sal in September begin.

Die lankverwagte tweede grondkonferensie is vir September geskeduleer en die nuwe wet op aanskaffing vir die staatsdiens tree in Februarie vanjaar in werking. Hierbenewens sal 'n nuwe gerekenariseerde aanskaffingstelsel deursigtigheid verbeter.

Die e-gesondheidsdiens sal van September af rekords van pasiënte aanlyn beskikbaar maak.

Die regering is ook van voorneme om in die komende jaar 6 000 gedienste­ erwe en 5 000 nuwe huise te lewer. Werk gaan voort om ontslae van die emmerstelsel in landelike gebiede te raak en dit met meer sanitêre stelsels te vervang. Die //Karas- en Hardapstreek is eerste aan die beurt.

Die toedrag van sake in die sportsektor is volgens Geingob 'n bron van kommer en om hierdie rede is die lynministerie besig met die finalisering van 'n wet en beleid vir sport ten einde nasionale sportkodes te prio­ritiseer en finansiering en ontwikkeling daarheen te kanaliseer.

Geingob het die uittredende sekretaris-­generaal van die Verenigde Nasies, mnr. Ban Ki-moon, bedank vir sy werksaamhede en die hoop uit­gespreek dat sy opvolger, mnr. Antonio Guterres, die goeie werk van sy voorganger sal voortsit.

Die president het alle Namibiërs gevra om saam te werk om die nuwe hoofstuk van die land se gedeelde geskiedenis te skryf, wat na 'n gemeen­skaplike bestemming moet lei.

Hy het alle Namibiërs 'n produktiewe en voorspoedige 2017 toegewens.

Soortgelyk

 

Chinees van dieremishandeling aangekla

38 minute gelede | Misdaad

Francoise Steynberg - 'n Klag van dieremishandeling is deur die Dierebeskermingsvereniging (DBV) van Windhoek teen die eienaar van 'n Chinese konstruksiemaatskappy, Orient Dragon Construction (ODC),...

'Moenie in Kavango visvang'

38 minute gelede | Omgewing

Francoise Steynberg - Weens die uitbreking van miltsiekte in die Bwabwata Nasionale Park word die publiek gewaarsku om nie in die Kavangorivier vis te vang,...

Emotional intelligence = higher salary?

38 minute gelede | Onderwys

While IQ remains a very strong predictor of career success, research suggests that people with high emotional intelligence (EI) are more likely to have higher...

Nou aan die gang

38 minute gelede | Kuns en vermaak

» Namkid, in samewerking met die FNCC, bied met trots die Sosiale Splash-veldtog aan. Hierdie veldtog fokus daarop om Namibiërs te verenig en om saam...

Analysing the finance industry

38 minute gelede | Onderwys

Shona NgavaAgapitus Ipinge is an Investment Banking Analyst from Standard Bank, as a prerequisite is to make sure that he talks to company executives and...

NSFAF-begroting geblaas

38 minute gelede | Onderwys

Augetto Graig - Me. Erica Shafudah, permanente sekretaris van finansies, sê die Namibië Finansiële Hulpfonds vir Studente (NSFAF) het reeds met dié week se beskikbaarstelling...

Weer vir 20 Oktober 2017

38 minute gelede | Weer

WEERWAAK: Dit sal koel in die /Kharasstreek in die oggend wees. BINNELAND: Gedeeltelik bewolk en bloedig warm in die Noordooste met enkele donderbuie...

What Soft Skills Do PR Specialists Need?

38 minute gelede | Onderwys

Those who want to work as public relations specialists should have these soft skills, which are attributes one is either born with or gains through...

Phoniker Orchestra sweef deur dekades

38 minute gelede | Kuns en vermaak

Die bekende Namibiese groep The Phoniker Orchestra gaan die Warehouse-teater se verhoog met bekende internasionale treffers van die afgelope vyf dekades inkleur.Gehore kan uitsien...