Namibië het ‘olieveld’ van N$370 miljard

20 June 2019 | Plaaslik
Indringerbosse as die grootste bedreiger van weiveld en veeboerdery tans in Namibië, is eintlik ’n energiebate gelykstaande aan 400 miljoen vate ruolie met ’n waarde van N$370 miljard.
Dit is drie keer meer as wat die land se Bruto Binnelandse Produk (BBP) in 2016 was voor die ekonomiese insinking die land in ’n resessie gedompel het.
Mnr. Colin Lindeque, hoofbestuurder van die Namibia Biomass Industry Group (N-BiG), sê hoewel Namibië reeds die grootste uitvoerder van houtskool in die wêreld is, benut die land in hierdie stadium maar ’n skamele 0,15% van die indringerbosse vir die produksie hiervan.
“Namibië moet 20 keer meer houtskool produseer net om die 3% waarmee bosbekruiping jaarliks toeneem, teen te werk,” sê hy.
Volgens Lindeque word altesaam 45 miljoen hektaar weiveld tans deur indringerbosse verdring. Tien ton droë biomassa kan per hektaar geoes word.
N-BiG se berekenings toon die waarde van die biomassa waaroor Namibië beskik, is gelykstaande aan ’n olieveld wat 400 miljoen vate ruolie kan lewer.
“Dit is nie ’n diep, aflandige bron nie, maar groei in ons agterplase. Dit is maklik bereikbaar en kan selfs met ’n byl geoes word,” sê die hoof van hierdie bedryfsgroep vir Namibië se biomassabron.
“Die verskil is as dit wel olie was, het daar reeds ’n florerende bedryf bestaan wat aangevuur is deur die regering, internasionale konglomerate en wêreldmarkte,” sê Lindeque.
“Ons biomassahulpbron is nie olie nie, maar dit is nie minder werd nie. Dit bevat dieselfde hoeveelheid energie en is so geredelik beskikbaar vir benutting dat die makro- en mikro-ekonomiese voordele baie meer sal wees as dié van ’n tradisionele oliebron.”
Volgens hom kan biomassabenutting aan 100 000 mense in Namibië werk verskaf as dit ten volle ontgin word. In hierdie stadium werk 5 000 Namibiërs in die houtskoolbedryf.
Lindeque sê bosindringing is grootliks ’n mensgemaakte probleem wat deur generasies van swak bestuur op plase veroorsaak is. “Pleks van vir die natuur te wag om dit reg te stel, kan ons dit net so wel doen.”
Die oes en benutting van biomassa sal nie net aan baie Namibiërs werk skep nie, maar ook bydrae tot meer produktiewe boerderye en toerisme, sê hy.
Volhoubare benutting van hierdie hulpbron in ‘n ten volle ontginde bedryf kan jaarliks ’n inkomste van N$15 miljard vir die land genereer.
Lindeque sê dit sal ‘n groei van 7% vir die BBP bewerkstellig.


Soortgelyk

 

Laat koppe rol - Jooste, SPYL

8 ure gelede | Politiek

Catherine Sasman - Stemme uit die regerende party dring toenemend aan dat diegene wat beskuldig word van korrupsie onder sy geledere verwyder word.Nadat die beleërde...

Gertze skiet glo vrou

8 ure gelede | Misdaad

Henriette Lamprecht – Die uitvoerende hoof van die Namibiese Kwalifikasieowerheid (NQA) het die naweek agter tralies deurgebring nadat hy na bewering sy vrou Saterdag in...

Namibiërs betoog oor korrupsie

8 ure gelede | Plaaslik

Tanja Bause - Meer as 200 mense van alle rasse en ouderdomme het Vrydag deelgeneem aan ’n teenkorrupsie-optog in Windhoek wat deur aktiviste gereël is....

VERKIESINGS 2019: PRESIDENSIËLE KANDIDATE

8 ure gelede | Politiek

McHenry VenaaniPopular Democratic Movement (PDM)McHenry Venaani is die leier van die amptelike opposisie en het in 2014 as mees suksesvolle opposisiekandidat 44 271 stemme (sowat...

Weer vir 18 November

8 ure gelede | Weer

BINNELAND: Gedeeltelik bewolk en baie tot bloedig warm met 'n paar donderbuie oor die verre Noordooste, andersins gedeeltelik bewolk en warm tot baie warm. Winderige...

Buitelandse mediese studente: Eksamen nietig verklaar

8 ure gelede | Gesondheid

Henriette Lamprecht – Die jongste pre-internskapevaluering van 297 studente wat medies in die buiteland studeer het, is nietig verklaar. Die evaluering is op 27 September...

Passasiers gestrand ná Frankfurt-botsing

8 ure gelede | Vervoer

Ronelle Rademeyer - Dit is in hierdie stadium nie bekend wanneer Air Namibia se vlugte tussen Frankfurt in Duitsland en Windhoek sal hervat nie.Dit volg...

Die kwaliteit van verkiesings

8 ure gelede | Politiek

Christie Keulder – Gereëlde vry en regverdige verkiesings is die rugraat van enige demokrasie.Die kwaliteit van verkiesings is daarom onontbeerlik vir die konsolidering van nuwe...

VERKIESINGS 2019: Regeringstrukture en die staatsdiens

8 ure gelede | Politiek

Die reeks neem politieke partye se manifeste oor sleutelkwessies in oënskou.ALL PEOPLE’S PARTY (APP)• Sny die uitspattige salarisse van openbare ondernemings (SOE’s) se direksie, uitvoerende...