Namibië het nou 7 Covid-19-gevalle

24 March 2020 | Gesondheid
Pres. Hage Geingob het vanmiddag by Staatshuis meer ingrypende voorsorgmaatreëls teen die verspreiding van die nuwe coronavirus in Namibië voorgestel.
Dit volg nadat aangekondig is Namibië het nou sewe gevalle van Covid-19. Die gesondheidsminister dr. Kalumbi Shangula het vanmiddag aanvanklik aangekondig daar is ses gevalle, en later aan joernaliste gesê ‘n sewende geval is bevestig.
Die eerste geval van plaaslike oordrag is aangemeld. 'n Namibiër wat geen reisgeskiedenis het nie en vermoedelik plaaslik geïnfekteer is, het positief vir Covid-19 getoets. Saam met 'n student van Wits wat vanuit Suid-Afrika na Namibië teruggekeer het, en vandag ook positief getoets het, staan die totale aantal Covid-19 gevalle tans op 6, het hy aanvanklik gesê en daarna geval nommer 7 aangekondig, sonder om nader besonderhede bekend te maak.
Die publiek is gelas om tuis te bly en openbare saamtrekke by plekke soos sjebeens, kroeë, nagklubs en markte te vermy. Wetstoepassers sal toesien dat mense nie oortree nie.
Binnelandse reisbesperkings is vir die streke Khomas en Erongo ingestel. Dit tree Vrydag 27 Maart in werking en sal tot Donderdag 16 April geld. Dr. Bernhard Haufiku, die nasionale koördineerder van die Covid-19-taakspan, het verduidelik Khomas sal in dié verband Rehoboth en Okahandja insluit aangesien so baie mense hierdie dorpe af na werkplekke in Windhoek pendel.
Padblokkades sal suid van Rehoboth, oos van die Hosea Kutako Internasionale Lughawe en buite Okahandja opgestel word.
Verder is die volgende grensposte en hawens vir besoekers gesluit:
Oshikango
Katwitwi
Wenela
Buitepos
Araimsvlei,
Noordoewer
Lüderitz
Walvisbaai
Die minister van binnelandse sake en immigrasie, mnr. Frans Kapofi, het gesê Namibië se noordelike grens tussen sy buurlande is baie “porieus” omdat mense oor en weer tussen buurlande en Namibië beweeg.
Die parlement sal vir 21 dae nie sit nie – vanaf Woensdag 25 Maart tot Donderdag 16 April.
Verder is private medici gelas om die ministerie van gesondheid en maatskaplike dienste dadelik in kennis te stel van vermoedelike Covid-19-gevalle.

Soortgelyk

 

Etosha Sondagmiddag deur aardbewing geskud

8 minute gelede | Omgewing

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Is groot Beethoven-feesjaar van die baan?

10 minute gelede | Kuns en vermaak

Groot feesvierings is wêreldwyd en veral in Duitsland en Oostenryk beplan ter herdenking van die komponis Ludwig van Beethoven se 250ste geboortejaar. Elretha Britz van...

Naam bekend van Namibiër wat in Engeland aan Covid-19...

49 minute gelede | Gesondheid

Ronelle Rademeyer - Die Namibiër wat Saterdag in Nottingham, Engeland, aan die coronavirussiekte (Covid-19) dood is, se naam is bekend gemaak.Hy is die 56-jarige mnr....

Paspoorte: Lorriedrywers kry voorkeur

1 uur gelede | Regering

Denver Kisting – Die ministerie van binnelandse sake, immigrasie, veiligheid en sekuriteit het by monde van sy woordvoerder, mnr. Sakeus Kadhikwa, ontken hulle reik tans...

Meer as 3 000 vir Covid-19 getoets

2 ure gelede | Gesondheid

Die adjunkminister van gesondheid en maatskaplike dienste me. Esther Muinjangue sê 3 186 weefselmonsters is tot op hede vir Covid-19 getoets. Namibië het tans 21...

Moody's-klap voor begroting

12 ure gelede | Regering

Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy...

Man voor hof ná 'hardhandigheid'

12 ure gelede | Misdaad

Denver Kisting – 'n Inwoner van Groot Aub, mnr. Richard Davids, wat aanvoer 'n beampte van die stadspolisie het hom verlede week aangerand, is Vrydag...

Weer, Dinsdag 26 Mei 2020

12 ure gelede | Weer

WEERWAAK: Koue tot baie koue toestande word in die Suide, die Weste en oor die Khomas- en Omahekestreek verwag. Tref voorsorg.BINNELAND: Gedeeltelik bewolk en koud...

Afrika saam teen Covid-19

12 ure gelede | Regering

Augetto Graig – Op Afrika-dag 2020 is die tema gesondheidsveiligheid in die konteks van die coronavirus, sê die adjunkpremier en minister van internasionale betrekkinge en...