Namibië gasheer vir Steps2Walk

13 December 2018 | Gebeure
Henriette Lamprecht - Die Lady Pohamba Private Hospitaal speel vandeesweek gasheer vir die Steps2Walk Namibia Voet- en Enkelkonferensie wat tot Vrydag in die hoofstad voortduur.

Tydens dié week sal geselekteerde pasiënte uit minderbevoorregte gemeenskappe met voet- en enkelpatologie ook chirurgie ondergaan. Gerekende medici wat aan die konferensie deelneem, sluit drs. Mark Myerson (VSA), Andie Veljkovic (Kanada), Rodrigo Fernandes (Brasilië) en Graham McCollum (Suid-­Afrika) in.

Dr. Myerson is die mediese direkteur en stigter van die niewinsgewende organisasie Steps2Walk en opereer onder dié vaandel ­pasiënte uit ­minderbevoorregte gemeenskappe wat voet- en enkel­operasies nodig het.

Steps2Walk het tans ­soortgelyke programme in 14 lande wêreldwyd, en in elke land word dié uitreikprogramme gereeld twee tot vier keer per jaar herhaal om volgehoue en volhoubare sorg en ortopediese onderrig te verseker.

Die konferensie, wat tans in Windhoek onderweg is, is die eerste uitreik- en opleiding­sending deur dié groep in Suider-Afrika.


Chirurgiese sorg

Die program vir die week sluit lesings deur internasionale sprekers, sowel as chirurgie by die Lady Pohamba Private Hospitaal in. 'n Kadawer-werkwinkel sal ook by die Universiteit van Namibië (Unam) se mediese skool aangebied word.

Die doel van Steps2Walk is om chirurgiese sorg van voet- en ­enkelafwykings in ­wêreldstreke te verseker waar dié dienste ­gebrekkig is.

Dit het voorts ten doel om ortopediese chirurge op te lei oor verskeie behandelingsopsies wat uiteindelik tot voordeel van duisende mense landswyd sal strek.

Soortgelyk

 

‘Aarde lag deur haar gebarste gesig’

15 ure gelede | Weer

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

‘Aarde lag deur haar gebarste gesig’

15 ure gelede | Tuisblad

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

Parlement skop Woensdag sy werksaamhede af

1 dag gelede | Regering

Pres. Hage Geingob open Woensdag om 14:30 die Nasionale Vergadering se verrigtinge vir die jaar. Dit sal die negende sitting van die sesde parlement inlui.Die...

Registrasiefooie by NUST nou N$2 000 minder

1 dag gelede | Onderwys

Die Universiteit van Wetenskap en Tegnologie (Nust) se registrasiefooie is met N$2 000 van N$4 200 tot N$2 200 verminder. Dit volg nadat ouers en...

Man sterf in ongeluk naby Rehoboth

1 dag gelede | Ongelukke

‘n Man is Woensdag op slag dood nadat die voertuig waarin hy op reis was, die pad verlaat en omgeslaan het. Volgens die polisie se...

Grondwet mag nie ‘papierdroom’ wees

1 dag gelede | Mense

Ronelle Rademeyer - “Ons kan almal baie dankbaar wees vir die Grondwet wat ons geskryf en eenparig aanvaar het. Namibiërs se vryheid en beskerming lê...

Groter stoom vir TransNamib

1 dag gelede | Vervoer

font face="Verdana" > Augetto Graig - Die nasionale spoorwegonderneming TransNamib het ’n nuwe raad en strategiese besigheidsplan aangekondig waarmee die onderneming ’n nuwe rigting...

NSFAF: Finale betalings voor 28 Februarie

1 dag gelede | Onderwys

Die Finansiële Hulpfonds vir Namibiese Studente (NSFAF) het alle geld ontvang wat aan studente vir 2018-’19 uitbetaal moet word. Volgens die fonds het die verwerking...

Weer, Vrydag 8 Februarie 2019

1 dag gelede | Weer

BINNELAND: Sonning en bloedig warm in die verre noordweste. Elders sal dit gedeeltelik bewolk en baie tot bloedig warm wees met enkele tot wydverspreide donderbuie.KUS:...