Namibië en Rwanda verstewig bande

Kagame hou nie by program

22 August 2019 | Ministeries
Pres. Hage Geingob het die hoop uitgespreek dat die Rwandese president, mnr. Paul Kagame, se staatsbesoek aan Namibië vandeesweek stukrag aan die verstewiging van die bilaterale betrekkinge en samewerking tussen dié twee lande sal verleen.

Hy het tydens die staatsbanket Dinsdagaand gesê die uitnodiging om Namibië te besoek, bevestig die land se begeerte om vriendskapsbande met Rwanda te verstewig – ‘n band, sê Geingob, wat in wedersydse respek en Pan-Afrikanisme gesetel is.

Tot dusver is nog geen verduideliking vir Kagame se onseremoniële vertrek, vroeër as beplan, uit Namibië gegee nie.

Volgens die program vir sy drie dae lange staatsbesoek, sou hy gisteroggend (Woensdag) vertrek het.

Joernaliste is egter Dinsdagaand op die presidensie se WhatsApp-groep ingelig die beplande seremoniële vertrek is gekanselleer, aangesien die Rwandese president Namibië vroeër verlaat.

Geingob het by die staatsbanket ter ere van Kagame gesê nuwe terreine van samewerking in handel, toerisme, landbou en inligtings- en kommunikasietegnologie gaan ontgin word.

Geingob het ook na Rwanda se “indrukwekkende ekonomiese groei” verwys, asook vordering in sektore soos landbou en toerisme.

“Namibië herbevestig sy ondersteuning van Afrikastrategieë vir ontwikkeling en handelspraktyke tot die vasteland se voordeel.”

Kagame het Dinsdag die stelling verwerp dat sy land se nasionale data oor armoede en ekonomiese groei onrealisties hoog is en nie die werklikheid op voetsoolvlak weerspieël nie.

Hy het gesê sy land se ekonomiese groeikoers hoef nie van buite die land bevestig te word om werklik te wees nie.

Geingob het Kagame ook gelukgewens met die vordering wat onder sy aanvoering met die instelling van ‘n bestuurstelsel vir die Afrika-unie gemaak is.

“Afrika is by ‘n kritieke plek in sy geskiedenis. Die vasteland is op die drumpel daarvan om ongekende groei en ontwikkeling te beleef. Ons moet die geleentheid aangryp.”

Namibië se president het daarop gewys die vasteland kan armoede uitwis. – Eie berig en Nampa

Soortgelyk

 

Nóg twee kietsies kry nekbande

1 uur gelede | Omgewing

Nóg twee swartpootwildekatte is in die vroeë oggendure met nekbande toegerus. Prof. Morgan Hauptfleisch en sy span van die Black-Footed Cat Working Group is tans...

Okahandja-kleinhoewe oorstroom weer

12 ure gelede | Weer

Elvira Hattingh - Terwyl die polisie gistermiddag bevestig het ‘n vrou is nog soek nadat die Okahandjarivier haar vroeg gisteroggend meegesleur het, was ‘n kleinhoewe-eienaar...

Geingob stil oor kleiner kabinet

12 ure gelede | Regering

Denver Kisting – Ten spyte van die groot gewag daaroor in sy Oujaarsrede weet Namibiërs nog nie hoe groot pres. Hage Geingob se verkleinde kabinet...

Eerste swartpootwildekat kry nekband

12 ure gelede | Omgewing

Francoise Steynberg - Daar is geskiedenis gemaak toe Namibië se eerste swartpootwildekat vandeesweek met 'n nekband toegerus is. "Om die klein katjies op te spoor,...

Weer vir 27 Februarie 2020

12 ure gelede | Weer

WEERWAAK: Verspreide donderbuie sal oor die noordelike streke en Omaheke- en Khomasstreek voortduur waar kitsvloede verwag word. Die nodige voorsorgmaatreëls moet getref word. BINNELAND: Gedeeltelik...

Drie stroop glo renoster in Etosha

12 ure gelede | Misdaad

Francoise Steynberg - Nege verdagtes is verlede week in verband met renosterstropery of -horingsmokkelary in hegtenis geneem. Vanaf 17 tot 23 Februarie is beslag op...

Droogte: Baie boere wurg nog

12 ure gelede | Landbou

Ronelle Rademeyer - Foto’s van vol riviere, opgaardamme waarvan die vlakke styg en panne water langs die pad en in die veld het die afgelope...

PDM, ECN hof toe gesleep

12 ure gelede | Politiek

Denver Kisting – Mnr. Norman Tjombe, die Windhoekse prokureur wat vier ontstoke Popular Democratic Movement (PDM)-lede verteenwoordig, het gister bevestig hulle gaan hof toe.Alle aanduidinge...

Volksmoorduitstalling veroorsaak onmin

12 ure gelede |

Jemima Beukes - Die bekendstelling van ’n Ovaherero- en Nama-volksmoorduitstalling getiteld “Learning from the past” is vir ‘n tweede keer uitgestel te midde van bewerings...