Namibië betower tweeling

Afrika-avontuur duur voort

08 June 2020 | Omgewing
Emmanuel Koro - Die projek waarmee hulle stories vertel oor Afrika se asemrowende wildernis en diverse kulturele skoonheid, het onlangs die Vincent-tweeling, Lily en Lara, na Namibië gelok. Hulle het ongeveer ’n week gelede in die hoofstad aangekom en van daar af na die land se gewildste toeristebestemmings gereis.

Hulle het kennis met plaaslike gemeenskappe soos die Nama-, Oshiwambo- en Umbukushu-mense gemaak. Die tweeling was glo beïndruk met die ryk kultuur van dié groepe wat oorleef het en steeds floreer ten spyte van moderne invloede.

Lily en Lara het ’n heel ander wêreld in Namibië ontdek. Veral die sandduine van Swakopmund was vir hulle ’n belewenis.

“Die voëllewe in Namibië was wonderlik en ons kon geel- en blou papegaaie in hulle natuurlike habitat aanskou,” het die tweeling gesê.

“Die Skedelkus was ook opwindend, ons het so baie robbe gesien!”

Swakopmund was weer ’n heel ander ervaring met die skeepswrakke en walvisbene wat al langs die kus gestrooi is.

Nie alles het egter volgens plan verloop nie. Toe hulle voertuig onverwags naby Swakopmund die gees gegee het, kon die tweeling met ’n verklikker gaan rondsnuffel vir edel- en halfedelgesteentes. Hulle beskryf dit as ’n onverwagse avontuur.

“Ons moes uit ons gemaksone beweeg,” het Lily en Lara gesê. “Ons bly nie meer in ’n baksteenhuis nie, maar in ’n huis op vier wiele in ’n tent.”

Soos hulle Afrika-avontuur voortduur, wat hulle al na Windhoek, Swakopmund, die Visrivier-canyon en die Mahango-wildreservaat geneem het, sê die tweeling daar is nog baie avonture wat hulle in die toekoms wil deel. Hulle wil nog bestemmings soos Botswana en Zimbabwe verken.

Behalwe vir die tweeling se kennismaking met meerkaaie en belewenis van die land se soutpanne, lê daar nog ’n paar weke van ontdekking in Namibië vir die tweeling voor. Woestynolifante, groot katte soos leeus, luiperds en jagluiperds, asook renosters, sebras en gemsbokke is nog op die moet-sien-lys.

Hulle sal graag nog met die Himba-mense wil kennis maak. As gevolg van dié inheemse groep se waarde vir plaaslike toerisme word hulle ál meer vergelyk met die Masai-mense van Kenia.

Dié jong pioniers sal binnekort op televisieskerms wees. Net die tyd sal leer waar die avontuur hulle volgende sal neem.

Soortgelyk

 

Iran: Kernkragontploffing veroorsaak beduidende skade

7 ure gelede | Internasionaal

’n Kernkragontploffing Donderdag in ’n pakhuis by die Ntanz-aanleg in sentrale Iran het beduidende skade aangerig en kan die produksie van sentrifuges vertraag wat uraan...

Egipte arresteer dokters om kritici stil te maak

7 ure gelede | Internasionaal

Ongeveer tien dokters en ses joernaliste is vanaf Februarie in Egipte in hegtenis geneem omdat hulle die regering van pres. Abdel Fattah el-Sissi kritiseer oor...

Covid-19 knou Media24

9 ure gelede | Afrika

Media24 oorweeg dit om vyf tydskrifte en twee koerante te sluit, sy oorblywende maandelikse tydskrifte uit te kontrakteer en hul frekwensie te verminder, twee koerante...

Kenia heropen grense na 4 maande

10 ure gelede | Afrika

Mnr. Uhuru Kenyatta, die president van Kenia, het Maandag die heropening van dié land se grense “in fases” aangekondig.Internasionale vlugte sal vanaf 1 Augustus...

55 nuwe Covid-19-gevalle bring totaal op 593

10 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê 55 nuwe gevalle van Covid-19 is die afgelope 24 uur in die land...

Twee vas oor olifanttande

21 ure gelede | Misdaad

Volgens die weeklikse wildmisdaadverslag vanaf 29 Junie tot 6 Julie is twee nuwe wildmisdaadsake aanhangig gemaak en vier verdagtes in hegtenis geneem. Mnre. Alfred...

Kleintjies terug skool toe

21 ure gelede | In beeld

Leerlinge vanaf graad 0 tot 3 het gister weer vir aangesig tot aangesig onderrig teruggekeer met leerlinge en ­onderwysers wat opgewonde was om weer by...

Tuiskwarantyn aan kus ’n opsie

21 ure gelede | Gesondheid

Henriette Lamprecht – Die ministerie van gesondheid en maatskaplike dienste (MoHSS) gaan meer buigsaam wees in die kwarantyn van kontakte van bevestigde Covid-19-gevalle in die...

Psemas: ‘Tender sluit almal behalwe Methealth uit’

21 ure gelede | Gesondheid

Henriette Lamprecht - Dit wil voorkom asof die bepalings van ’n tender om die staat se mediese fonds (Psemas) te bestuur, op so ’n manier...