Namibië begin reuse-navorsingsprojek oor varswatervis

''n Varswatervisprojek by die Kamutjonga binnelandse vissery-instituut naby Divundu, versamel inligting wat gebruik sal word in besluite oor beleidsformulering en die vestiging van beskermde visgebiede in Namibië.

08 June 2016 | Visserye
Elvira Hattingh – Een van die grootste etiketteringprogramme van varswatervis in Suider-Afrika is in Namibië deur die ministerie van visserye en mariene hulpbronne in samewerking met die Noorweegse Instituut vir Natuurnavorsing (Nina) begin.
Dit sluit in dat sowat 6 500 visse plastiekpylmerkers en ‘n verdere 60 visse radiosenders in die Kavangorivier naby die Popa-valle en die Mahangu-gebied sal ontvang. Die visspesies wat geteiken gaan word, is hoofsaaklik die Afrika-tiervis (Hydrocynus vittatus), die driekolkurper (Oreochromis andersonii) en nembwe (Serranochromis robustus).
Die projek word van die Kamutjonga binnelandse visserye-instituut naby Divundu bestuur en vorm deel van ‘n reeks navorsingsprojekte oor die gedrag van varswatervis. Die projekte sal oor die volgende jare gesamentlik deur die ministerie en Nina uitgevoer word. Die inligting wat ingesamel word, sal gebruik word in besluite oor beleidsformulering oor die vestiging van beskermde visgebiede in Namibië asook om visvang te reguleer.
Mnr. Francois Jacobs, senior visserye bioloog by Kamutjonga sê die gebruik van eksterne merkers is een van die algemeenste maniere waarmee navorsers onder meer die beweging, groei, afsterwing en oorlewing van visse bepaal.
“Alhoewel dié metode selde groot vangsopgawes lewer, kan dit waardevolle langafstand migrasiedata lewer.
“Ons vang die visse deur middel van hengelmetodes, waarna ons dit in ‘n waterhouer plaas en met kleurstofmerkers etiketteer. Daarna word die vis gemeet en weer vrygelaat.
“Die ander metode wat ons sal gebruik om die visse te merk, is radiotelemetrie. Die tegniek bied hoë resolusie inligting van sekere individuele visse. Die visse wat van radiosenders voorsien word, sal vir ‘n jaar deurlopend gemonitor word,” het hy gesê.
“Radiosenders word per boot, op die voet of vanuit die lug met ‘n ligte vliegtuig gemonitor. Ná die identifikasie van ‘n vis se posisie, word ‘n reeks omgewings- en gedragsparameters aangeteken.
“Hierdie is egter ‘n duur metode en die ministerie vra dus dat die publiek alle gemerkte visse in die rivier teruggooi. Indien ‘n vis wel verwyder word, moet die merkers na Kamutjonga gestuur word.
“Die ministerie versoek die publiek om enige gemerkte visse weer in die rivier vry te nadat hulle die inligting op die merker aangeteken het.
“Al die nodige inligting asook die nommer waarheen die inligting via ‘n SMS gestuur moet word, is op die plastiekmerkers aangebring. Teken die viersyfer etiketnommer aan, die datum waarop die vis gevang is, die plek, asook die GPS-koördinate, indien moontlik. Meet dan ook die lengte van die vis en SMS die inligting na 081 286 8168,” het Jacobs gesê.
Jacobs sê visserye is waarskynlik meer waardevol vir Afrika as wat edelgesteentes vir die Westerse wêreld is.
“Binnelandse visserye beslaan 35% van die inname van diere-proteïen en tussen 2,5 en 4 miljoen Afrikane voer ‘n bestaan uit dié hulpbron.
“Ongelukkig word al minder navorsing oor varswatervis gedoen wat verdwyn, dalende getalle ervaar of in 'n krisis verkeer. Volgens voorste kenners sal ons geslag die uitsterwing van verskeie visspesies ervaar as gevolg van onkundigheid oor wat in vars water en met visse gebeur,” het hy gesê.
“Die varswater visseryesektor in die noordelike riviere van Namibië is een van ons belangrikste hernubare bronne. Die Zambezi en omringende mere steun ‘n varswaternywerheid van tussen N$75 miljoen en N$100 miljoen, bereken teen N$20 tot N$40 per kg vis. Dit maak van vis ‘n waardevolle kommoditeit.”
Die ministerie het sy dank uitgespreek teenoor die steun van die Universiteit van KwaZulu-Natal, die Suid-Afrikaanse Instituut vir Akwatiese Biodiversiteit (SAIAB) en die Nasionale Kommissie vir Navorsingwetenskap en Tegnologie van Namibië (NCRST).

Soortgelyk

 

Bejaarde erg getraumati­seer

12 ure gelede | Gesondheid

Henriette Lamprecht'n Bejaarde inwoner van Windhoek wat van 'n rolstoel gebruik maak, het vandeesweek vir ure in haar ontlasting in 'n hospitaalgang vir 'n prosedure...

Rooies Mostert in eiendomsgeskil

12 ure gelede | Misdaad

Denver Kisting – Mnr. Walter (Rooies) Mostert, ’n oudlanddros, staar strafregtelike klagte in die gesig weens ’n eiendomstransaksie wat skeefgeloop het.Luidens dokumente in Republikein se...

Weer vir 19 April

12 ure gelede | Weer

BINNELAND: Gedeeltelik bewolk en matig tot warm in die //Kharasstreek, maar baie warm in die Noorde. Elders sal dit mooiweer en baie warm wees. KUS:...

Inbrekers steel derduisende by SKW

12 ure gelede | Misdaad

Denver Kisting – Teen gistermiddag was daar nog geen sent teruggevind van die N$220 000 kontant wat die naweek by die Sport Klub Windhoek (SKW)...

Piramideskema: Trio skuldig op 512 klagte

12 ure gelede | Howe

Ronelle RademeyerDie bedrog-trio van Oranjemund wat van 2004 tot 2006 'n piramideskema bedryf het waarin beleggers sowat N$11,5 miljoen verloor het, se doppie is geklink.Regter...

Oranjemund maak spiere vir toerisme

12 ure gelede | Gebeure

Môre (Vrydag) bied Namibië se nuutste dorp, Oranjemund, ‘n toerismemark aan.Die geleentheid vier ook die dorp se nominering as ‘n finalis in Namibia Media Holdings...

Skole, koshuise in 'toestand van verval'

12 ure gelede | Ministeries

Henriette LamprechtSowat 85% van openbare onderwysgeriewe in Namibië is in 'n toestand van verval, terwyl die ontwikkeling en rehabilitasie daarvan teen 'n slakkepas beweeg. Die...

PDM lê Sona-eier

12 ure gelede | Regering

Denver Kisting Mnr. McHenry Venaani, leier van die amptelike ­opposisie, beweer president Hage Geingob en sy binnekring woon in 'n ander land as die...

Spensdeure klap oop oor kaas en kontreikos

12 ure gelede | Gebeure

Des Erasmus - Die bystand van deskundiges uit Suid-Afrika is ingeroep in die eerste stappe wat gedoen word om Namibië se kaasmakersbedryf te standaardiseer en...