Namcor sê oor aanleg
Die Nasionale Petroleumkorporasie sal nie 'n strategiese vennoot aanwys om die brandstofbergingsfasiliteit te help bestuur nie.
Ogone Tlhange - Die Nasionale Petroleumkorporasie van Namibië (Namcor) sê dit sal die strategiese brandstofbergingsaanleg op Walvisbaai op sy eie moet bestuur.
Dít aangesien die tenderproses vir die soek van 'n vennoot om die fasiliteit te voltooi volgens die korporasie implementering van die projek kan vertraag.
“Ons herevalueer tans of ons ’n tegniese kenner vir die bestuur van die aanleg sal aanstel en of ons dit self sal bestuur. Die rede hiervoor is dat die openbare verkryging-proses tot twee jaar kan duur,” het Namcor se woordvoerder, mnr. Utaara Hoveka, gesê.
Die fasiliteit is 'n regeringsprojek, het hy gesê. “Die aanleg sal na verwagting in Mei aan Namcor oorhandig word. Die regering, by wyse van die ministerie van myne en energie, besit die aanleg. Namcor sal dit namens die regering bestuur.”
Namcor wou aanvanklik voor die middel van die jaar voornemende vennote versoek om te tender.
“Ons sal nie die aanleg direk bestuur nie, maar 'n tegniese vennoot aanstel wat dit vir ongeveer drie jaar vir ons doen," het Hoveka gesê. Daarna kan Namcor 'n ander maatskappy aanstel of die aanleg self bestuur.
Die fasiliteit sou aanvanklik N$900 miljoen kos, maar die uiteindelike bedrag het tot N$5,6 miljard opgeskiet.
In die lig hiervan is Hoveka gevra wat die onmiddellike voordele sou wees, gegewe die hoë koste.
“Tans het die land 'n uiters beperkte kapasiteit. Dit is 'n risiko, veral in hoogseisoene in die oliemark, aangesien Namibië nog nie 'n enkele druppel olie produseer nie. Dit is ook gevaarlik tydens onvoorsiene gebeure, hetsy in Suid-Afrika of olieproduserende lande,” het hy gesê.
Volgens Hoveka sal Namcor met die aanleg vloeibare petroleumgas of vloeibare natuurlike gas kan invoer, 'n eerste vir Namibië.
“Ander oliemaatskappye kan ook hul produkte by die aanleg stoor. Sodoende sal geld deur middel van omsetkoste met betrekking tot die kaai en pyplyn gegenereer word. Namcor sal ook nie meer groot bergingskoste aangaan of 'n tekort aan bergplek op Walvisbaai hê nie,” het Hoveka gesê.
Die aanleg sal onder meer 70 miljoen liter petroleumprodukte soos petrol, diesel en paraffien stoor.
Dít aangesien die tenderproses vir die soek van 'n vennoot om die fasiliteit te voltooi volgens die korporasie implementering van die projek kan vertraag.
“Ons herevalueer tans of ons ’n tegniese kenner vir die bestuur van die aanleg sal aanstel en of ons dit self sal bestuur. Die rede hiervoor is dat die openbare verkryging-proses tot twee jaar kan duur,” het Namcor se woordvoerder, mnr. Utaara Hoveka, gesê.
Die fasiliteit is 'n regeringsprojek, het hy gesê. “Die aanleg sal na verwagting in Mei aan Namcor oorhandig word. Die regering, by wyse van die ministerie van myne en energie, besit die aanleg. Namcor sal dit namens die regering bestuur.”
Namcor wou aanvanklik voor die middel van die jaar voornemende vennote versoek om te tender.
“Ons sal nie die aanleg direk bestuur nie, maar 'n tegniese vennoot aanstel wat dit vir ongeveer drie jaar vir ons doen," het Hoveka gesê. Daarna kan Namcor 'n ander maatskappy aanstel of die aanleg self bestuur.
Die fasiliteit sou aanvanklik N$900 miljoen kos, maar die uiteindelike bedrag het tot N$5,6 miljard opgeskiet.
In die lig hiervan is Hoveka gevra wat die onmiddellike voordele sou wees, gegewe die hoë koste.
“Tans het die land 'n uiters beperkte kapasiteit. Dit is 'n risiko, veral in hoogseisoene in die oliemark, aangesien Namibië nog nie 'n enkele druppel olie produseer nie. Dit is ook gevaarlik tydens onvoorsiene gebeure, hetsy in Suid-Afrika of olieproduserende lande,” het hy gesê.
Volgens Hoveka sal Namcor met die aanleg vloeibare petroleumgas of vloeibare natuurlike gas kan invoer, 'n eerste vir Namibië.
“Ander oliemaatskappye kan ook hul produkte by die aanleg stoor. Sodoende sal geld deur middel van omsetkoste met betrekking tot die kaai en pyplyn gegenereer word. Namcor sal ook nie meer groot bergingskoste aangaan of 'n tekort aan bergplek op Walvisbaai hê nie,” het Hoveka gesê.
Die aanleg sal onder meer 70 miljoen liter petroleumprodukte soos petrol, diesel en paraffien stoor.
Kommentaar
Republikein
Geen kommentaar is op hierdie artikel gelaat nie