Namcol: Slegs 10% slaag Engels bevredigend

Deeltydse uitslae ‘meer as bevredigend’

12 January 2018 | Onderwys
Elvira Hattingh - Uit die 20 333 NSSCO-inskrywings vir Engels tweede taal by die Namibiese Kollege vir Afstandonderrig (Namcol), kon slegs 10% ’n D-simbool of hoër behaal. Terselfdertyd het ’n verdere 10% van kandidate nie hul kursus voltooi nie.

NSSCO staan vir die Namibiese Senior Sekondêre Sertifikaat-eksamen op gewone vlak. Namcol is die land se grootste instituut vir afstandsonderrig in graad 10- en 12-vakke en het verlede jaar weer 95% van alle deeltydse graad 10- en 12-kandidate geakkommodeer.

Dr. Heroldt Murangi, Namcol se direkteur het gister tydens ’n mediakonferensie gesê hoewel graad 12-kandidate uitsonderlik goed in huistale gepresteer het en 50% ’n D-simbool of beter behaal het, bly Engels tweede taal ’n doring in die vlees.

“Boonop is dit kommerwekkend dat sowat 2 000 kandidate nie hul kursus voltooi het nie – wat meestal gebeur omdat hulle nie vir hul mondelinge eksamens opdaag nie of omdat hulle nie vir die skryf van al die vraestelle opdaag nie,” het hy gesê.

“Terselfdertyd blyk dit dat 12 000 voltydse kandidate, asook 18 000 deeltydses, nie meer as ’n D-simbool vir Engels tweede taal kon behaal nie – die algemene afsnypunt om toelating vir tersiêre onderrig te kry.

“Dit beteken moontlik meer as 30 000 kandidate kan in 2018 by Namcol probeer inskryf in ’n poging om hul punte in dié vak te verbeter. Terselfdertyd het ons slegs die kapasiteit om 18 000 kandidate vanjaar te akkommodeer,” het hy gesê.

Hy het gesê Namcol kan nie alleen geblameer word vir swak resultate nie en dat die probleem met Engels grootliks van die formele onderrigstelsel oorgeërf is.

BETER AS 2016

Murangi sê Namcol se graad 12-leerlinge het in die algemeen beter as verlede jaar gepresteer.

Meer deeltydse NSSCO-kandidate het vanjaar A+- tot G-simbole behaal as verlede jaar en die feit dat 2,6% meer leerlinge gegradeer het, is Woensdag deur die minister van onderwys, kuns en kultuur, Katrina Hanse-Himarwa, as “meer as bevredigend” beskryf.

Volgens hom het JSC-kandidate in 2017 beter as in 2016 gepresteer en meer kandidate het vanjaar A+- tot B-simbole behaal, asook F- tot G-simbole, terwyl minder ’n C- of ’n E-simbool kon behaal.

“Hoewel prestasie in A- en B-simbole bevredigend was, is dit kommerwekkend om die swakker prestasie in C- en D-simbole te sien. Boonop het meer kandidate nie vanjaar gegradeer nie. Verlede jaar was dit sowat 6,8%; vanjaar is dit 10,9%,” het hy gesê.

Hy sê vir 15,5% JSC-vakinskrywings is daar nie ’n eksamen geskryf nie en altesaam 10 000 NSCCO-vakinskrywings is ook nie voltooi nie.

UITSAKSYFERS

“Dit kan wees omdat hulle werk elders gevind het, maar sommige kandidate kom registreer slegs by Namcol om maatskaplike voordele te kan kry.

“Hulle kom lê dus nooit eksamens af nie, maar kom registreer om voordeel uit pensioenfondse te trek of om nog op hul ouers se mediese fondse te kan wees. Dit raak ons uitslae negatief,” het hy gesê.

Hy het gesê ’n studie sal gedoen word om vas te stel waarom kandidate nie hul kursusse voltooi nie.

Namcol wil byvoorbeeld met pensioenfondse soos GIPF en mediese fondse saamwerk sodat die instansies ook studente se eksamenuitslae vereis voordat dekking of voordele aan hulle gebied kan word.

“Dit sal help om die skuiwergat toe te maak,” het hy gesê.

Kandidate kan voorts tussen 15 Januarie en 7 Februarie vir die nuwe akademiese jaar by 138 Namcol-registrasiepunte dwarsoor die land inskryf. By sommige punte word alle inskrywings aanlyn gedoen.

BEURSE

Namcol het vanjaar ook landswyd beurse ter waarde van N$300 000 vir 2018 aan 250 kandidate toegeken. Twintig kandidate uit die Khomasstreek het tydens die mediakonferensie hul beurse ontvang.

Terselfdertyd het die ministerie onlangs ook ’n verdere N$36 miljoen aan Namcol toegestaan.

Soortgelyk

 

Slenter: Nampol maak nié aanstellings

2 ure gelede | Misdaad

NamPol is nie besig om kadette aan te stel nie. Die Namibiese Polisie het gister ’n persverklaring uitgereik waarin dit homself distansieer van advertensies op...

Vrywilligers maak skoon by staatshospitaal

3 ure gelede | Plaaslik

Mnr. Martin Nepembe van Harambee Counselling Namibia, KK Cleaning Services & Renovation en die Swakopmund Environment & Health Youth Klub gaan met die hulp van...

Unam: Aanlyn registrasie staan stil

4 ure gelede | Onderwys

Die aanvang van aanlyn registrasie van senior studente verbonde aan die Universiteit van Namibië (Unam) is tot Dinsdag 23 Januarie uitgestel. Registrasie van eerstejaarstudente gaan...

Leerlingdokters wag steeds op finale uitslae

14 ure gelede | Plaaslik

Henriette Lamprecht Finalejaar- mediese studente verbonde aan die Universiteit van Namibië (Unam) se mediese skool kan nie as leerlingdokters ­registreer nie, omdat hulle tot op...

Minibus in vlamme gehul

14 ure gelede | Ongelukke

'n Minibus het laat Sondagaand op die B2-roete tussen Swakopmund en Walvisbaai in vlamme uitgebars. Lees die berig op bl. 2. Foto West Coast Safety...

Verkragter van Duitse toeris sit 24 jaar

14 ure gelede | Howe

Rico Daniel Rickert (32) is Vrydag in die streekshof op Keetmanshoop tot 24 jaar gevangenisstraf gevonnis nadat hy einde Oktober 2017 ‘n Duitse toeris by...

Weer vir 16 Januarie

14 ure gelede | Weer

BINNELAND: Gedeeltelik bewolk en baie tot bloedig warm met 'n paar tot geïsoleerde donderbuie. Winderige toestand sal oor die binneland voorkom.KUS: Gedeeltelik bewolk en koel...

Zimbabwe gereed vir uitvoere

14 ure gelede | Plaaslik

Jemina Beukes - Zimbabwe is gereed om sy eie geldeenheid in te stel en uitvoere na die res van Afrika en die wêreld uit te...

Twee ongedeerd ná minibus in vlamme uitbars

14 ure gelede | Ongelukke

'n Minibus het laat Sondagaand sowat 13 km van Swakopmund af op die B2-roete na Walvisbaai in vlamme uitgebars. Volgens West Coast Safety Initiative...