NAC: 70 lêers na aanklaer-generaal

Dossiere al in November oorhandig

24 August 2018 | Vervoer
Augetto Graig



Die Teenkorrupsiekommissie (ACC) se ondersoek na vermeende vergrype by die Lughawensmaatskappy (NAC) is maande gelede reeds voltooi, en ofskoon dik pakke dokumente vir besluitneming aan die aanklaer-generaal se kantoor gestuur is, word daar nog met die besluit gesloer.

Volgens mnr. Nelius Becker, ondersoekhoof by die ACC, is twee dossiere wat altesaam 70 lêers se dokumente bevat, op 3 November verlede jaar aan dié kantoor voorgelê.

Hy sê “verskeie aanbevelings om vir moontlike vervolging te oorweeg”, is gemaak.

“Dit sluit ook 'n saak met betrekking tot mnr. Lot Haifidi in. Dit is egter haar (adv. Martha Imalwa se) voorreg om te besluit wie sy gaan vervolg en wie nie,” het hy in reaksie op 'n skriftelike navraag oor vordering met die ondersoek na tender- en ander ongerymdhede by die NAC gesê.

Haifidi, wat verlede jaar as uitvoerende hoof van die NAC bedank het, is onlangs weer in 'n waarnemende hoedanigheid as hoof van hierdie staatsonderneming aangestel.

Dít volg nadat mnr. Albertus Aochamub, voorheen die nuussekretaris by Staatshuis, ná slegs enkele maande in die pos laat gaan is.

Die minister van werke en ver­voer, mnr. John Mutorwa, het by navraag gesê hy weet niks van die ondersoek of vordering met die AG se besluit nie.

“Net die aanklaer-generaal of haar beamptes kan daaroor uitwei.”

Die ondersoek is gedoen kort voor Haifidi uit die pos bedank het, wat gelei het tot die sekondering van Aochamub na dié beleërde maat­skappy.

Aochamub het die pos van Februarie tot die begin van Augustus beklee voordat die direksie hom in die pad gesteek het.

Sy kommentaar by navraag was kort en bondig: “As 'n oudwerknemer het ek, met respek, geen kommentaar in dié stadium nie.”

Sy mening is spesifiek gevra na aanleiding van die onlangse en ontvouende gebeure by die NAC. Hiernaas wou Republikein ook by Aochamub weet of dit waar is dat hy as diplomaat op pad Europa toe is en hoe die probleme wat die NAC teister, suksesvol die hoof gebied kan word.

Mutorwa sê hy het onlangs met die NAC-direksie en -leiers, die Namibië Burgerlugvaart­owerheid (NCAA) en die minister van staatsondernemings, mnr. Leon Jooste, vergader.

Die leemte wat mnr. Rodgers Kauta se skielike bedanking op 14 Augustus as die NAC se direksievoorsitter gelaat het, was nie op die agenda nie, sê Mutorwa.

Volgens hom was die vergadering van drie en 'n half uur oor verskeie ander kwessies by die NAC.

Die besluite wat geneem is, sal binnekort bekend gemaak word.

Mutorwa sê die leierskap van die direksie is nie “'n dringende kwessie nie”.

“Die direksie bestaan uit vyf mense van wie vier nog beskikbaar is. Die direksie funksioneer onder die leiding van die adjunkvoorsitter (me. Beverley Gawanas-Vugs) en dit is dus nie dringend om die vorige voorsitter te vervang nie.”

Die ander direksielede is mnr. Rudolph Rittmann, me. Lesenda Mohamed en me. Ipupa Kasheeta.

Imalwa is eers op 29 Augustus weer op kantoor en kon nie vir kommentaar bereik word nie.

Soortgelyk

 

‘Aarde lag deur haar gebarste gesig’

20 ure gelede | Weer

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

‘Aarde lag deur haar gebarste gesig’

20 ure gelede | Tuisblad

Ronelle Rademeyer – Groot dele van die Suide is vanoggend (Saterdag) sopnat.Die Facebook-blad Reën in Namibia van Philip Deetlefs is die ene jubelsange van dankbaarheid...

Parlement skop Woensdag sy werksaamhede af

1 dag gelede | Regering

Pres. Hage Geingob open Woensdag om 14:30 die Nasionale Vergadering se verrigtinge vir die jaar. Dit sal die negende sitting van die sesde parlement inlui.Die...

Registrasiefooie by NUST nou N$2 000 minder

1 dag gelede | Onderwys

Die Universiteit van Wetenskap en Tegnologie (Nust) se registrasiefooie is met N$2 000 van N$4 200 tot N$2 200 verminder. Dit volg nadat ouers en...

Man sterf in ongeluk naby Rehoboth

1 dag gelede | Ongelukke

‘n Man is Woensdag op slag dood nadat die voertuig waarin hy op reis was, die pad verlaat en omgeslaan het. Volgens die polisie se...

Grondwet mag nie ‘papierdroom’ wees

1 dag gelede | Mense

Ronelle Rademeyer - “Ons kan almal baie dankbaar wees vir die Grondwet wat ons geskryf en eenparig aanvaar het. Namibiërs se vryheid en beskerming lê...

Groter stoom vir TransNamib

1 dag gelede | Vervoer

font face="Verdana" > Augetto Graig - Die nasionale spoorwegonderneming TransNamib het ’n nuwe raad en strategiese besigheidsplan aangekondig waarmee die onderneming ’n nuwe rigting...

NSFAF: Finale betalings voor 28 Februarie

1 dag gelede | Onderwys

Die Finansiële Hulpfonds vir Namibiese Studente (NSFAF) het alle geld ontvang wat aan studente vir 2018-’19 uitbetaal moet word. Volgens die fonds het die verwerking...

Weer, Vrydag 8 Februarie 2019

1 dag gelede | Weer

BINNELAND: Sonning en bloedig warm in die verre noordweste. Elders sal dit gedeeltelik bewolk en baie tot bloedig warm wees met enkele tot wydverspreide donderbuie.KUS:...