Naakstudie vir R2 miljard verkoop

17 May 2018 | Kuns en vermaak
’n Naakstudie deur die Italiaanse kunstenaar Amedeo Modigliani is een van die duurste kunswerke wat tot nog toe op ’n veiling verkoop is.

Dié 1917-skildery, deel van die Nu couché-reeks, is Maandagaand vir US$157,2 miljoen (bykans R2 miljard) by Sotheby’s in New York verkoop – die hoogste veilingsprys in die veilingshuis se geskiedenis.

Leonardo da Vinci se Salvator Mundi is verlede jaar op ’n veiling van Christie’s vir ’n verbysterende US$450 miljoen verkoop.

Voor die veiling het Sotheby’s geraam dat die werk vir sowat US$150 miljoen verkoop sal word – ook ’n nuwe rekord vir Sotheby’s vir ’n geskatte prys vir ’n kunswerk.

Volgens CNN was Christie’s se vorige rekord in 2015 toe geraam is dat Pablo Picasso se Les Femmes d’Alger, “weergawe O”, vir US$140 miljoen sal verkoop, wat uiteindelik ’n prys van US$179,4 miljoen behaal het.

Nu couché was deel van Sotheby’s se veiling van impressionistiese en moderne kuns en is “vir byna ses keer meer verkoop as die vorige koopprys in 2003”, volgens die veilingshuis se amptelike Twitter-rekening.

Die duurste prys vir ’n Modigliani, ook een van die reeks naakstudies Nu couché (1917-’18), is US$170,4 miljoen, wat Liu Yiqian, ’n Chinese miljardêr, in 2015 betaal het. - Netwerk24

Soortgelyk

 

Windhoek se baas in die pad gesteek

1 uur gelede | Plaaslik

Denver Kisting – Windhoek se uitvoerende hoof, mnr. Robert Kahimise, is geskors.Republikein verneem dié skorsing sal vir minstens drie maande geld.Die wending kom te midde...

Swaar reën, oosweer kom dalk môre

2 ure gelede | Omgewing

Swaar reën word vir môre op plekke oor die sentrale noorde, die Kunene-, Erongo-, westelike Otjozondjupa- en Khomasstreek voorspel, terwyl oosweer na verwagting vanaf môre...

'Barbaarse' olifantjag skaad Namibië se beeld

16 ure gelede | Plaaslik

Denver Kisting Namibië is opnuut internasio­naal in die sop nadat 'n video oor 'n wrede olifantjag die ­afgelope week aan die lig gekom het.'n Storm...

Elite hervestig, sê ontevrede aansoekers

16 ure gelede | Plaaslik

Catherine Sasman - Redes vir die ministerie van grondhervorming se besluit om die plase Felseneck (nr. 26) en Okanatjikuma (nr. 26) aan die beslote korporasie...

Utoni hou voet by stuk oor Rus

16 ure gelede | Plaaslik

Ronelle Rademeyer Die minister van grondhervor­ming, mnr. Utoni Nujoma, het Vrydagmiddag aan joernaliste herhaal wat hy die vorige middag aan parlementariërs gesê het, naamlik dat...

Huurbeheer binne drie weke ingestel

16 ure gelede | Plaaslik

Augetto Graig - Die Regstellende Herposisioneringsbeweging (AR) sê hy het daarin geslaag om die regering tot die instel van huurbeheerrade te dwing.In huurordonnansie nommer 13...

Skole, koshuise is ‘kraamsale’

16 ure gelede | Onderwys

Henriette Lamprecht – Die enigste oplossing vir die terugbrenging van morele waardes en om tienerswangerskappe hok te slaan, is die herinstel van Bybelstudie by skole...

Streeksowerhede nou verantwoordelik vir waterverskaffing, sanitasie

16 ure gelede | Ministeries

Die ministerie van landbou, water en bosbou se waterverskaffing- en sanitasiekoördinasie-funksie sal voorts op streeksvlak hanteer word. Die funksies onder meer die identifisering van plekke...

Simataa bekommerd oor kubermisdaad

16 ure gelede | Ministeries

Denver Kisting – Die minister van inligting en kommunikasietegnologie, mnr. Stanley Simataa, sê die prys van tegnologie is aanlyn misdaad.Hy het verlede week in die...