N$900 miljard vir Afrika

Geingob: SADC het China nodig

05 September 2018 | Regering
Ronelle Rademeyer



China gaan US$60 miljard (sowat N$900 miljard) beskikbaar stel vir die finansiering van projekte in Afrika.

Volgens die Chinese president, mnr. Xi Jinping, sal dit in die vorm van beleggings, lenings en toelae wees.

Hy het Maandag by die twee dae lange beraad van die Forum vir China-Afrika-samewerking (Focac) in Beijing aan Afrikaleiers gesê US$15 miljard sal as toelae, rentevrye lenings en toegewyde lenings beskikbaar gestel word, US$20 miljard vir kredietdoeleindes, US$10 vir ontwikkelingsfinansiering en US$5 miljard vir invoere uit Afrika.

Die Chinese staatshoof het verder belowe sy regering sal maatskappye in dié tweede grootste ekonomie ter wêreld aanmoedig om oor die volgende drie jaar US$10 miljard in Afrika te belê. Hy het na China verwys as “die skepper van wêreldvrede en wêreldwye ontwikkeling en die onderhouer van orde in die wêreld”.

Die tema van vanjaar se derde Focac-beraad, wat gister ten einde geloop het, was “China en Afrika: Na 'n selfs sterker gemeenskap met 'n gedeelde toekoms deur wen-wen samewerking”.

Buiten die smee van nouer bande was een van die oogmerke van die beraad ook om lande in Afrika te ­integreer by die Gordel- en Roete-­inisiatief (RBI), oftewel die syroete ekonomiese gordel en die 21ste eeuse maritieme syroete. Dit is 'n ontwik­ke­lingstrategie van die Chinese ­regering om verbinding en same­werking tussen lande in Europa en Asië langs die antieke syroete te bevorder.

Kritici van hierdie inisiatief be­skuldig China daarvan dat hy sy rol in wêreldsake wil vergroot deur die middelpunt van dié voorgenome handelsnetwerk te word.



OPGRADERING BESPREEK

Pres. Hage Geingob en sy Chinese ampsgenoot het Sondag op die vooraand van die beraad in Beijing vergader waar onder meer die opgraderingsprojek by die Internasionale Lughawe Hosea Kutako bespreek is.

Namibië en China het ook die bilaterale lugdiensooreenkoms geparafeer wat volgens Geingob “reusepoten­siaal vir toerisme in Namibië inhou”.

Verder is 'n memorandum vir samewerking in China se syroete ekonomiese gordel- en 21ste eeuse maritieme syroete-inisiatief onderteken.

Geingob het die beraad Maandag toegespreek waar hy as voorsitter van die Suider-Afrikaanse Ontwikkelingsgemeenskap (SADC) 'n beroep op China en sy beleggers gedoen het om dié streek te ondersteun in die ontwikkeling van sy vervaardigings-, infrastuktuur-, vervoer-, landbou- en toerismesektore.

Geingob het benadruk handelsliberalisering kan net sinvol tot ontwikkeling, armoedeverligting en werkskepping bydra as dit gerugsteun word deur die kapasiteit om doeltreffend te vervaardig en handel te dryf.

Om dít reg te kry het die SADC die 2015-2063-nywerheidstrategie en -roetekaart ontwikkel, het hy gesê, en bygevoeg dat China met sy kennis en ervaring in nywerheidsontwikkeling en tegnologie in dié opsig handig te pas kom.

“Ons nooi daarom vir China en sy beleggersgemeenskap uit om ons vennote in projekte in sleutelsektore te word.”

Geingob het verder gesê die ­Focac-beraad so na aan die 38ste algemene beraad van die SADC in Windhoek skep 'n uitstekende platform vir gesprekvoering tussen China en Afrika.

Die SADC se vernaamste oogmerke is die industrialisasie van die streek, die bemagtiging van die jeug deur opleiding en die handhawing van veiligheid en sekuriteit, het hy gesê.

Soortgelyk

 

Vier wildehonde proe vryheid

16 ure gelede | Omgewing

Ná die tragiese skietvoorval in Februarie toe drie wildehonde van die N/a’an ku sê-stigting en -wildreservaat glo deur personeel van die Internasionale Lughawe Hosea...

Vlieëniers vlieg ‘blind’

16 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

16 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

16 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

16 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

16 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

16 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

16 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

16 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...