N$33 miljoen vir voerverbouing

Kabinet keur besluit goed

04 October 2019 | Landbou
Ronelle Rademeyer - As deel van ’n noodmaatreël om die impak van die droogte te versag, sal 30 persent van besproeiingsgrond in die Groenskema in die komende maande vir die produksie van voer vir verhongerde vee gebruik word.

Die eerste 330 ha se voergewasse is reeds geplant.

Daarmee saam is toestemming gegee dat N$33 198 000 uit die Nasionale Noodrampfonds aan Agribusdev voorgeskiet word om dié noodvoer te verbou.

Dié besluit is Dinsdag deur die eerste minister, me. Saara Kuugongelwa-Amadhila, aan die kabinet voorgelê, wat die groen lig daarvoor gegee het.

Dit blyk uit die kabinetsverslag N$10 445 827,71 van die geoormerkte bedrag is reeds op 12 September aan Agribusdev oorbetaal “om die ononderbroke produksie van voer gedurende die droogteperiode te verseker”.

Die kabinet het verder opdrag gegee dat die ministerie van landbou, water en bosbou navorsing doen oor alternatiewe voere vir lewende hawe, insluitend hidroponiese groenvoer en veevoer wat met indringerbos gemaak is. Dié ministerie moet daarna aanbevelings aan die kabinet maak.

Verder het die ministerie toestemming gekry om saam met die kantoor van die eerste minister subsidies beskikbaar te stel aan boere wat vir nie-kommersiële doeleindes ‘n hidroponiese stelsel op hul plase wil oprig.

Die koste van die oprigting sal met 50% gesubsideer word, asook die koste van die gars-, mielie-, sorghum- of koringsaad wat die boere vir die verbouing sal gebruik.

Mnr. Petrus Uugwanga, besturende direkteur van Agribusdev, sê die eerste gewasse groei reeds en behoort teen die einde van Oktober of vroeg in November gereed te wees.

“Ons het reeds 220 ha onder gars geplant by Ndonga Linena, en gaan volgende week 108 ha se sorghum daar plant.

“Verder is daar by Mashare 120 ha se hawermout geplant. Ons beraadslaag tans oor ander geskikte voergewasse om daar plant,” het hy gister by navraag gesê.

Volgens Uugwanga word ook beplan om 144 ha se sorghum by Etunda te verbou.

Hy sê hierdie gewasse is ná bietjie meer as twee maande gereed om vir voer gesny te word.

“Omdat die wintermaande meer geskik is vir lusern, is dit in ons langtermyn- droogtebeskermingsplan. Ons gaan egter nie nou lusern plant nie,” sê hy.

Mnr. Ryno van der Merwe, president van die Namibië Landbou-unie (NLU), het die kabinetsaankondiging gister verwelkom.

“Dit sou goed gewees het as die besluit vroeër geneem is, maar dit is nie te laat nie. Ons gaan nou die mees kritieke maande binne en ons weet daar is dikwels nie voor Januarie groen veld vir die diere nie,” het hy by navraag aan Republikein gesê.

Soortgelyk

 

B-dag: Maak of breek

3 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

3 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

3 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

3 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

3 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

3 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

3 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

3 ure gelede | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

3 ure gelede | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...