N$2 miljoen vir tuisbly
Ondanks sy heraanstelling het die stof rondom die stadspolisiehoof nog nie gaan lê nie.
Denver Kisting – Met ’n maandelikse pakket van meer as N$180 000 het mnr. Abraham Kanime meer as N$2 miljoen sedert Maart verlede jaar ontvang.
Hy was nie vir een dag gedurende dié tydperk by die werk nie, omdat die Windhoekse stadsraad (CoW) hom as hoof van die stadspolisie geskors het.
Die raad het hom aanvanklik sonder salaris geskors, maar Kanime het dieselfde dag daarin geslaag om hulle van oortuiging te laat verander.
Hulle het hulle vroeër vanjaar aan ’n bevel van pres. Hage Geingob afgevee om vir Kanime en die uitvoerende hoof, mnr. Robert Kahimise, weer aan te stel.
Albei mans moes hulle uiteindelik tot die hof wend om die stadsraad te dwing om hul skorsing op te hef.
Kahimise is ‘n geruime tyd reeds terug in die tuig.
Kanime het onlangs ’n hofbevel bekom waarvolgens die raad tot gister gehad het om hom weer aan te stel.
Op ’n vraag oor wanneer hy vir diens sal aanmeld, het hy gistermiddag by navraag gesê: “Niemand het my al gekontak nie.”
Hy het die vorige aand kort ná die nuus oor sy heraanstelling rugbaar geword het, gesê die besluit om hom weer aan te stel, moes lankal geneem gewees het.
Dinsdagaand het Kahimise via WhatsApp laat weet: “Die raad het besluit om die skorsing op te hef en Chief Kanime sal ingelig word om binne 72 uur vir diens aan te meld.”
Die enigste agendapunt op dié vergadering was Kanime.
’n Onberispelike bron het gesê pogings om Kahimise se mag van Kanime weg te neem, het misluk.
Die raad moes glo oor ’n voorstel besin dat Kanime voortaan aan me. Agatha Ashilelo, voorsitter van die bestuurskomitee, rapporteer en nie meer aan Kahimise nie.
Dié bron het ook Kanime se besoldiging bevestig.
Kahimise en CoW se woordvoerder, mnr. Harold Akwenye, het nie op vrae gereageer oor of senior superintendent Nathaniel Nendongo naas sy salaris ook ’n waarnemingstoelae ontvang het nie.
Hulle het eweneens geswyg oor of die tugstappe wat Kanime in die gesig gestaar het, laat vaar sal word.
Kanime het deurgaans gesê die bewerings teen hom is niks anders as oëverblindery nie.
Volgens hom het Kahimise lankal sy mes vir hom in.
Hy het gesê Kahimise het die betaling sélf gemagtig, waarvoor hy wat Kanime is in die sop was.
Kanime sê die “ongemagtigde besteding van openbare fondse” wat toe voor sy deur gegooi is, hou met die regsonkoste van ’n geding verband wat hy teen die kantoor van die uitvoerende hoof aanhangig gemaak het.
Hy was nie vir een dag gedurende dié tydperk by die werk nie, omdat die Windhoekse stadsraad (CoW) hom as hoof van die stadspolisie geskors het.
Die raad het hom aanvanklik sonder salaris geskors, maar Kanime het dieselfde dag daarin geslaag om hulle van oortuiging te laat verander.
Hulle het hulle vroeër vanjaar aan ’n bevel van pres. Hage Geingob afgevee om vir Kanime en die uitvoerende hoof, mnr. Robert Kahimise, weer aan te stel.
Albei mans moes hulle uiteindelik tot die hof wend om die stadsraad te dwing om hul skorsing op te hef.
Kahimise is ‘n geruime tyd reeds terug in die tuig.
Kanime het onlangs ’n hofbevel bekom waarvolgens die raad tot gister gehad het om hom weer aan te stel.
Op ’n vraag oor wanneer hy vir diens sal aanmeld, het hy gistermiddag by navraag gesê: “Niemand het my al gekontak nie.”
Hy het die vorige aand kort ná die nuus oor sy heraanstelling rugbaar geword het, gesê die besluit om hom weer aan te stel, moes lankal geneem gewees het.
Dinsdagaand het Kahimise via WhatsApp laat weet: “Die raad het besluit om die skorsing op te hef en Chief Kanime sal ingelig word om binne 72 uur vir diens aan te meld.”
Die enigste agendapunt op dié vergadering was Kanime.
’n Onberispelike bron het gesê pogings om Kahimise se mag van Kanime weg te neem, het misluk.
Die raad moes glo oor ’n voorstel besin dat Kanime voortaan aan me. Agatha Ashilelo, voorsitter van die bestuurskomitee, rapporteer en nie meer aan Kahimise nie.
Dié bron het ook Kanime se besoldiging bevestig.
Kahimise en CoW se woordvoerder, mnr. Harold Akwenye, het nie op vrae gereageer oor of senior superintendent Nathaniel Nendongo naas sy salaris ook ’n waarnemingstoelae ontvang het nie.
Hulle het eweneens geswyg oor of die tugstappe wat Kanime in die gesig gestaar het, laat vaar sal word.
Kanime het deurgaans gesê die bewerings teen hom is niks anders as oëverblindery nie.
Volgens hom het Kahimise lankal sy mes vir hom in.
Hy het gesê Kahimise het die betaling sélf gemagtig, waarvoor hy wat Kanime is in die sop was.
Kanime sê die “ongemagtigde besteding van openbare fondse” wat toe voor sy deur gegooi is, hou met die regsonkoste van ’n geding verband wat hy teen die kantoor van die uitvoerende hoof aanhangig gemaak het.
Kommentaar
Republikein
Geen kommentaar is op hierdie artikel gelaat nie