’n Pers strikkie vir Nico

30 July 2019 | Gesondheid
Henriette Lamprecht – Hulp in die vorm van pers strikkies stroom vir ’n voormalige Namibiese rugbyspeler en hulpafrigter van Windhoek Gimnasium se eerstespan in, wat in Maart 2017 met limfoomkanker gediagnoseer is.

Ná Nico Horn (50) in 2018 in remissie was, het die kanker nou na sy rugwerwels versprei. Die koste van sy behandeling, wat onder meer chemoterapie, bestraling en besoeke aan Suid-Afrika vir PET-skanderings insluit, het Windhoek Gimnasium se eerstespan genoop om pers strikkies te verkoop.

Dít om geld vir Nico se behandeling in te samel wat nie deur die gesin se mediese fonds gedek word nie.

Nico sal later vanjaar ook ‘n beenmurgoorplanting kry.

Sy vrou, Christa, vertel haar man was ná agt chemosessies in 2017 die jaar daarná in remissie.

Einde verlede jaar het hy egter pyne in sy rug gekry, en ná verskeie toetse in Januarie is vasgestel die kanker het teruggekeer en na sy rugwerwels versprei.

Tien bestralingsessies het gevolg en ná die eerste van drie chemosessies het Nico so verswak dat hy in die intensiewesorgeenheid beland het. Nog chemosessies het gevolg en ‘n PET-skandering in die Kaap was volgens Christa “baie positief”.

“Met die bestraling is dit onder beheer. Op die lange duur het hulle vir ons gesê dit sal beter wees as hy ‘n beenmurgoorplanting kry,” sê sy.

Nico se behandeling sedert sy diagnose beloop volgens Christa “verskriklike bedrae”.

“NMC ondersteun ons fantasties, maar enige fonds het ‘n perk en ons het ons s’n vir die jaar bereik. NMC het ‘n grasiebedrag goedgekeur wat ‘n derde van die koste vir die beenmurgoorplanting sal dek.”

Aanvanklik wou hulle Nico se eie beenmurg vir die oorplanting gebruik, maar dit is te swak. Die keuse vir skenker het nou op Nico en Christa se seun, Nico (jnr.) geval wat “jonk, fiks en gesond en ‘n goeie match” is.

Toe sy hoor van die pers strikkie-veldtog om geld vir haar man in te samel, erken Christa sy het “baie trane van vreugde gehuil”.

“Ons vat dit dag vir dag en die ondersteuning is oorweldigend, ons is so ongelooflik dankbaar.”

Die pers strikkies is teen N$10 per strikkie by Carina Theunissen (081 127 1316), Monya de Waal (081 487 4297) en ook by Christa (081 274 5380) beskikbaar.

Soortgelyk

 

14 'wildmisdadigers' vas

5 ure gelede | Misdaad

Altesaam 14 vermeende wildmisdadigers is verlede weke in hegtenis geneem, van wie vier elk in verband met renoster- en olifantstropery of horing- of ivoorsmokkelary of...

Verklaar raad nietig, sê Itula

22 ure gelede | Politiek

Henriette Lamprecht - Dr. Panduleni Itula, tandarts van beroep en onafhanklike presidentskandidaat in die pas afgelope verkiesings, wil hê die aanstelling van nuwe lede van...

Makalani’s se voete in die water

22 ure gelede | In beeld

Die Namibiese weerkantoor het gister wéér ’n weerwaak vir wydverspreide donderstorms uitgereik, wat na verwagting in die Ohangwena-, Otjozondjupa-, Khomas- en Omahekestreek sal voorkom. Daar...

Opposisie, Itula gaan hof toe oor verkiesings

22 ure gelede | Politiek

Denver Kisting – Die amptelike opposisie, die Popular Democratic Movement (PDM), het gister by monde van sy leier, mnr. McHenry Venaani, gesê hulle gaan ook...

Noa kap na ‘leunstoel-kritici’

22 ure gelede | Misdaad

Ronelle Rademeyer - Die Teenkorrupsiekommissie (ACC) se uitvoerende direkteur, mnr. Paulus Noa, het teruggekap na wat hy “leunstoel-kritici” noem en sê pleks dat hulle dié...

STEMFEITE: OSHANA

22 ure gelede | Politiek

Die infografiek lig Ondangwa se verkiesingsuitslae uit. In 2014 het Swapo 86% van alle stemme in die kiesafdeling gewen.

Weer vir 5 Desember 2019

22 ure gelede | Weer

WEERWAAK: Donderstorms van 50 mm en meer oor 24 uur kan kitsvloede in Ohangwena, Otjozondjupa, Khomas en Omaheke veroorsaak.BINNELAND: Gedeeltelik bewolk en baie warm...

PDM steek skadukabinet aan die werk

22 ure gelede | Politiek

Denver Kisting – Mnr. McHenry Venaani, leier van die amptelike opposisie, die Popular Democratic Movement (PDM), het gister die party se skadukabinet aangekondig.Volgens hom gaan...

Vervoerpionier se roudiens Saterdag

22 ure gelede | Mense

Francoise Steynberg - Die roudiens van ’n pionier en legende in die Namibiese vervoer- en toerismebedryf, wyle mnr. Willie du Toit (68), vind Saterdag om...