’n Klassieke kunstenaar en ’n spesiale kuns

21 August 2020 | Kuns en vermaak
Yandi du Plessis

“My grootste passie is musiek. Ek is mal daaroor om musiek te luister, op te voer en te komponeer in verskillende genres en style, en vir verskillende ensembles.”

Vandat hy vyf jaar oud is, het Galilei Njembo ’n passie vir musiek, spesifiek klassieke musiek. Dié liefde het gegroei toe hy by die College of the Arts (Cota) begin klavierlesse neem het. Na ’n lang afwesigheid van die musiektoneel het hy meer as ’n dekade later, in 2016, besluit om stemlesse te neem, aanvanklik met die idee om sy stem as ’n kontemporêre kunstenaar te ontwikkel. Hy het egter per ongeluk vir die klassieke afdeling ingeskryf en kort voor lank het hy sy hart verloor op die genre en die unieke kunsplatform.

Die 20-jarige Galilei het sy matriekjaar by St. Paul’s College in 2018 voltooi. Hy ontvang nou al vier jaar lank opleiding by Cota en gedurende hierdie tyd het hy gereeld as solis by die barok- en konsertfeeste opgetree, waar hy selfs die voorreg gehad het om die verhoog met die Namibiese Nasionale Simfonieorkes te deel.

Hy was ook 'n lid en solis van die Cota-jeugkoor onder leiding van Fanie Dorfling. As deel van sy musiekstudie aan die kollege, het hy aan die Trinity College in Londen se musiekeksamens deelgeneem, voor internasionaal erkende beoordelaars van die uitvoerende kunste. Hy het sy eksamen met vlieënde vaandels geslaag en is bekroon as die top-Namibiese student by Trinity College London na hy in 2018 'n onderskeiding in sy graad 8-sangeksamen behaal het. Die volgende jaar het hy sy Associates Trinity College London (ATCL)-sangdiploma suksesvol voltooi.

“Ek glo my musikale reis was baie uitdagend, maar ook suksesvol. Ek word egter voortdurend gekonfronteer met uitdagings in die musiekbedryf van diegene wat nie die waarde en skoonheid van hierdie spesiale genre waardeer nie,” sê hy.

“As gevolg hiervan, glo ek my ondersteuning in die bedryf was redelik beperk, en het dit meer hindernisse tussen my en my ambisies geskep. Die pad was inspannend, maar nie onmoontlik nie,” voeg hy by.

Galilei kan egter getuig harde werk werp vrugte af, want dié tenoor-bariton is onlangs aan die McGill-universiteit in Montreal, Kanada, aanvaar. Hierdie instelling is glo bekend as “die Harvard van Kanada” en is een van die toonaangewende universiteite wêreldwyd op verskillende terreine, waaronder uitvoerende kunste.

“Die aansoekproses was duur en ingewikkeld. Anders as universiteitsaansoeke wat ek in Suid-Afrika voltooi het, word meer uitdagende vrae gevra wat in 'n opstelformaat beantwoord moet word. Daarby moes ek ook video's vir die oudisieproses instuur. Na 'n moeilike aansoekproses, is ek aanvaar vir 'n BA-graad in musiek vir vokale uitvoering, met spesiale fokus op opera. Ek was bly en verstom toe ek vroeër vanjaar die nuus kry. Ek het egter ook geweet die reis na die verwesenliking van hierdie droom sou toe eers regtig begin.”

Die klassieke konserte waarvan hy vroeër deel was, het ’n spesifieke gehoor in Windhoek geteiken en baie ander het nie geweet dat hierdie musiek in Namibië bestaan.

“Ek het verlede jaar besluit om my eie platform te skep waar ek nie net my vokale vaardighede kan vertoon nie, maar die genre aan minderheidsgroepe en almal bekend stel wat miskien nie bewus is van die opwinding en vermaak wat die klassieke genre bied nie,” vertel hy.

Een van dié inisiatiewe is ’n reeks klassieke konserte wat hy in samewerking met die Duitse ambassade aanbied, ter viering van die 250ste herdenking van Beethoven se geboorte.

Galilei het egter hulp nodig om sy musiekdroom te bewaarheid, aangesien die universiteit se klasgelde duur is.

“Ek voel waarlik geëerd elke keer as ek op die verhoog sing, sodat ander die musiek saam met my kan hoor en voel. Terwyl ek aanhou streef om een van die eerste Namibiese ambassadeurs van klassieke musiek in die uiters mededingende internasionale bedryf te word, hoop ek vir die volle steun van die Namibiese gemeenskap.”

Besoek sy aanlyn fondsinsamelingsveldtog by gofundme.com/f/-let-galilei-sing of kontak hom by 081 889 576.

Soortgelyk

 

Net 19 nuwe Covid-19-gevalle

2 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê uit 967 weefselmonsters wat getoets is, het 19 positief vir Covid-19 getoets. Hiervan is...

Min kans vir vlieg na SA

17 ure gelede | Toerisme

Ronelle Rademeyer - Hoewel Suid-Afrika Donderdag sy grense vir besoekers uit goedgekeurde lande, waaronder Namibië, heropen, moet Namibiërs vir eers verlief neem met die feit...

Remaining powerful through education

17 ure gelede | Mense

Ester Kamati With a key interest in space science and the history of science, watching videos on these topics is Hosea Hashili’s favourite pastime. Hasili...

Weer, Dinsdag 29 September 2020

17 ure gelede | Weer

BINNELAND: Sonnig en warm tot baie warm, maar baie warm in die Noorde. Enkele wolke sal na verwagting oor die Zambezistreek voorkom.KUS: Gedeeltelik bewolk en...

Vroeggebore tweeling sterk goed aan

17 ure gelede | Gesondheid

Henriette Lamprecht - Twee maande nadat hulle te vroeg op 27 weke in die Lady Pohamba Private Hospitaal in Windhoek gebore is, kan die ouers...

Nuwe Fenata-voorsitter vanuit ontluikende toerismebedryf

17 ure gelede | Toerisme

Francoise Steynberg - Geskiedenis is gemaak toe die nuwe voorsitter van die Namibiese Toerismevereniging (Fenata), me. Netumbo Nashandi, vir die eerste keer uit die geledere...

Onopgeloste verdwynings, moorde stapel op

17 ure gelede | Misdaad

Ellanie Smit – Terwyl die familie van die 22-jarige me. Shannon Darlikie Wasserfall met die trauma van haar verdwyning ses maande gelede worstel, dreig die...

One ­Africa TV ­partners with NMH

17 ure gelede | Onderwys

Distributed through Namibia Media Holdings' (NMH) youth brand, My Zone, the newly added grade zero to seven lessons form part of a ­collaboration with the...

A look at National Readathon, Heritage Week

17 ure gelede | Onderwys

Enzo AmueleThe National Readathon and Heritage Week, which were launched by the minister of education, arts and culture Ester Nghipondoka, took place last week.The Readathon...