'n Gholfstok vir my, en een vir jou

21 January 2019 | Sport
Dawie Boonzaaier - Die man wat eens op 'n tyd deur die Springbokafrigter beskryf is as die “Tiger Woods van rugby” se voorliefde vir gholf het die afgelope week dalk net 'n bietjie te ver gegaan.

Earl Rose (35), eertydse Superrugby-heelagter en -losskakel vir die Lions en die Stormers, is die man wat Woensdag op veiligheidskameras van die Stellenbosch-gholfklub vasgelê is waar hy oënskynlik homself help aan 'n setstok uit die onbewaakte sak van een van die klublede.

Op die video, wat soos 'n veldbrand op sosiale media versprei het, kan ook gesien word hoe 'n vrou wat kort agter hom by die klub se voordeur uitloop, 'n dryfstok uit 'n ander sak neem.

Nie Rose of die vrou het dié dag by die klub gholf gespeel nie.

Die storie het 'n dag later 'n onverwagte stertjie bygekry toe Rose – nadat die video reeds die wêreld aan die brand gesteek het – na bewering na die klub teruggekeer het om die stokke terug te bring.

Hy wou blykbaar nie uit sy motor klim nie en het die stokke net aan 'n veiligheidswag oorhandig met die versoek om dit by verlore goedere in te handig. Die wag het hom herken dat hy 'n dag tevore by die klub was.

Die setstok wat teruggebring is, was nog in 'n goeie toestand, maar die dryfstok, wat sowat R7 000 werd is, se steel was skoonveld.

Die gholfklub het 'n saak van diefstal aanhangig gemaak.

Rapport het die afgelope week sonder welslae probeer om Rose om kommentaar te nader. Hy het nie sy selfoon geantwoord nie, maar het wel 'n WhatsApp-bood­skap gelees wat na sy foon gestuur is. Die koerant kon ook nie vasstel wie die vrou saam met hom op die video is nie.

Sy eggenoot, Amor, was ten tyde van die voorval glo by haar familie in Namibië.

Nie Rose, sy pa, Enver, of Amor wou kommentaar lewer nie.

Op Rose se Facebookblad deel hy graag video's van gholfspelers. Hy is ook 'n lid van minstens twee Facebookgroepe wat tweedehandse gholfstokke koop en verkoop.

Rose en sy vrou het glo tot onlangs saam in Namibië gewoon, maar Rose het blykbaar sonder haar teruggekeer na die Strand, waar hy tans woon.

Louis Swanepoel, die eienaar van die setstok, het die humor in die situasie probeer raaksien.

Hy sê hy het sy sak in die gang neergesit om 'n paar vriende te groet voordat hy met sy ronde begin. Toe hy terugkom het hy opgemerk sy setstok is weg, en dit aan personeel genoem, maar nie veel daarvan gedink nie omdat hy vermoed het dit is 'n poets van Grant Gainsford, een van sy speelmaats.

“Toe ek by die bof kom, wil Grant by mý weet of ek weet waar sy drywer is. Toe weet ek daar is fout.”

Die twee het toe hul nege putjies klaar gespeel deur stokke by mekaar te leen. Toe hulle terugkom in die klubhuis is hulle deur personeel voorgekeer wat sê: “Julle sal nie raai wie julle stokke gevat het nie.”

“Ek kan net lag,” sê Swanepoel.

Rose het die Leeus in 49 Superrugbywedstryde verteenwoordig, en die Stormers in twee. Hy het een toerwedstryd vir die Springbokke gespeel; 'n 24-23-nederlaag teen die Engelse klubspan Saracens in 2009. Hy het nie die Bokke in 'n toets verteenwoordig nie.

Indien Rose aangekla word, sal dit nie sy eerste botsing met die gereg wees nie. In September het hy en sy pa in die landdroshof in die Strand verskyn nadat hulle glo in 'n bakleiery betrokke was. Keenan Wagner, hul vriend, het beweer pa en seun het hom ná 'n aand se kuier aangerand. Die saak is later uitgegooi.

In Augustus 2012 het Rose en sy vrou met Rose se BMW in die vroeë oggendure in 'n viswinkel in Gordonsbaai vasgery. Sy rybewys is ná die voorval ingetrek. - Rapport

Soortgelyk

 

Wilde perde: Jongste vul reeds aangeval

8 ure gelede | Ministeries

Tanja Bause - Enige hoop op oorlewing van die Namib se wilde perde krimp al meer, terwyl die ministerie van die omgewing en toerisme na...

Leerlingdokters 'van swakker gehalte'

8 ure gelede | Onderwys

Henriette Lamprecht - Namibië bestee al ses jaar lank geld aan die opleiding van mediese studente in die buiteland.Volgens mnr. Cornelius Weyulu, registrateur van die...

Regulasies vir loterye en dobbel kom

8 ure gelede | Toerisme

font face="Verdana" >Francoise Steynberg - Alle rolspelers in die lotery- en dobbelbedryf moet landswye openbare werkwinkels bywoon sodat regulasies volgens nuwe wetgewing opgestel kan...

Gesondheidsmanne vas oor hospitaaltender

8 ure gelede | Ministeries

Twee administratiewe beamptes van die ministerie van gesondheid en maatskaplike dienste se kantoor op Otjiwarongo is op borgtog van N$5 000 elk vrygelaat ná hulle...

Weer, Woensdag 20 Februarie 2019

8 ure gelede | Weer

BINNELAND: Sonnig en baie warm in die verre noordooste. Elders sal dit gedeeltelik bewolk en baie tot bloedig warm wees met enkele reënbuie in die...

Twee kinders met stok doodgeslaan

8 ure gelede | Misdaad

’n Angolese burger is in hegtenis geneem ná hy twee minderjarige kinders na bewering doodgeslaan het en hul ouma ernstig gewond het. Die voorval het...

Weerwaak teen hitte uitgereik

8 ure gelede | In beeld

Die Namibiese weerkantoor sê die kanse op reën is besig om te verbeter in die noordwestelike dele van die land, asook in die Khomasstreek, waar...

Duister SA bekommer NamPower nie

8 ure gelede | Energie

Augetto Graig - Namibië se nasionale kragverskaffer, NamPower, sê Suid-Afrika se kragverskaffer, Eskom, is nie die enigste bron waarmee plaaslike krag aangevul word nie. “Namibië...

Pack Safari open toergids-akademie

8 ure gelede | Toerisme

Pack Safari het amptelik die deure van sy toergids-akademie in Windhoek oopgemaak. Die akademie bied gratis beroepsopleiding aan plaaslike, Duitssprekende toergidse met FGASA Veldgids vlak...