'n Bus vir JP Brandt

05 March 2018 | Plaaslik
Henriette Lamprecht - Een van Laerskool JP Brandt se grootste drome is 'n bus vir sy 287 leerlinge.

Die skool is 'n landelike skool sowat 56 km suid van Walvisbaai en is in die Utuseb-nedersetting geleë wat meestal deur die Topnaars, 'n Nama-gemeenskap ook bekend as die ?Aonin, bewoon word.

Volgens die departementshoof van die skool, me. Francina Fredericks, is die leerlinge grootliks wees- en weerlose kinders wat uit 'n gemarginaliseerde en arm gemeenskap kom.

"Van hulle het ouers, maar hulle het geen inkomste nie. Om dus 'n fondsinsameling vir ekstras te doen, is nutteloos, want niemand uit die gemeenskap sal hiertoe kan bydrae nie," het Fredericks verduidelik.

Volgens haar maak die afstand tussen Utuseb en die naaste dorp (Walvisbaai) dit moeilik vir die leerlinge om aan onder meer sportwedstryde deel te neem. Sou van die leerlinge mediese hulp vereis, moet 'n onderwyser se motor ingespan en "volgeprop" word.

"Ons het probeer om aan aktiwiteite buite die skool deel te neem en het dan maar 'n geleentheid saam met iemand probeer kry. Die alternatief is om 'n voertuig of 'n bus te huur, maar dit kos te veel."

Nog 'n droom is 'n rekenaarkamer waar leerlinge rekenaarvaardighede kan aanleer wat deel van die leerplan vorm.

"Ons het wél rekenaars, maar dit is totaal verouderd. Die skool het sowat 20 nodig om ons leerlinge die verpligte vaardighede te leer."

Volgens Fredericks is die internet- en ook selfoonopvangs by die skool baie swak. Sy het die hoop uitgespreek dat 'n selfoontoring nader aan die gemeenskap opgerig kan word om hulle minder geïsoleerd van die buitewêreld te maak.

Die skool se heining is ook in 'n vervalle toestand, met wilde diere soos hiënas en jakkalse wat deur die gate klim en op die skoolterrein beweeg.

"Dis belangrik dat dit reggemaak word. 'n Hoë baksteenmuur sal ook help om die kinders veilig te hou."

Fredericks het beklemtoon die leerlinge word baie goed deur die ministerie van onderwys, kuns en kultuur ondersteun.

"Die koshuis en skool sorg goed vir die leerlinge. Hulle kry drie gesonde maaltye per dag en ook iets om te eet tydens pouses. Dit is die ekstras wat geld kos en wat ons nie van ons ouers of die betrokke gemeenskap kan vra nie, omdat hulle reeds so min het."

Fredericks kan by (064) 694041 of 081 576 9690 geskakel word.

Soortgelyk

 

Lira op Warehouse-verhoog

23 minute gelede | Kuns en vermaak

Die bekende Suid-Afrikaanse sangsensasie, model, aktivis, entrepreneur en skrywer Lira tree eerskomende Woensdagaand 14 Maart om 20:00 by die Warehouse-teater op. Lira het veral vir...

Ses sterf in grubotsing

16 ure gelede | Ongelukke

Ses mense is in ’n kop-teen-kop-botsing vanoggend tussen Okahandja en Windhoek dood. Een van die voertuie het ná die botsing aan die brand geslaan. Na...

SDFN houses at Kalkfeld nearing completion

16 ure gelede | Infrastruktuur

KALKFELD – The construction of 18 houses by the Shack Dwellers Federation of Namibia (SDFN) is nearing completion at the Kalkfeld settlement in the Otjozondjupa...

Manlike pasiënt 'twee keer' besny

16 ure gelede | Ministeries

Henriette Lamprecht Die ministerie van finansies het 'n forensiese ondersoek na die eispatrone van verskaffers van gesondheidsdienste van stapel gestuur om moontlike bedrog by die...

Kaptein wou terugdraai voor 157 sterf

16 ure gelede | Ongelukke

Ronelle Rademeyer Die kaptein van Ethiopian Airlines se vlug ET302 het toestemming gehad om die vliegtuig terug te draai na die Internasionale Lughawe Bole by...

Só vaar die Verkrygingsraad

16 ure gelede | Ministeries

Augetto Graig Struikelblokke kan in geleenthede omskep word. Só sê me. Lischen Ramakhutla, die Sentrale Verkrygingsraad van Namibië (CPBN) se administratiewe hoof.Sy en mnr. Patrick...

Weer vir 11 Maart 2019

16 ure gelede | Weer

BINNELAND: Gedeeltelik bewolk en warm tot baie warm in die Noorde, Noordooste, Ooste en sentrale hoogland met geïsoleerde donderbuie op plekke. Elders sal dit...

Ou beursbeleid finansier 'enige' student

16 ure gelede | Onderwys

Henriette Lamprecht - “As jy van die begin af nie gehad het wat nodig is nie, gaan jy dit ook nie aan die einde...

Stem nou vir jou gunstelingpaartjie!

16 ure gelede | Gebeure

D'Arlin en Leigh-Ann Benade is een van die top-30-paartjies in Republikein se Bruidspaar van die Jaar-kompetisie. Een gelukkige leser, wat aan ons SMS-kompetisie deelneem, kan...