Mwilima se dood wyd betreur

'Ikoon' by roudiens vereer

04 February 2019 | Ministeries
Augetto Graig - Personeel van die Verenigde Nasies in Namibië en die ministerie van gesondheid en maatskaplike dienste was onder die talle mense wat Vrydag die roudiens van me. Sarah Mwilima by die Katutura-staatshospitaal in Windhoek bygewoon het.

Die 51-jarige Mwilima het verlede Maandag gesterf in 'n sinnelose skietvoorval by die kantore van die ministerie van gesondheid en maatskaplike dienste in die middestad waar sy gewerk het. Haar kollega me. Ester Nepolo is in die bors gewond. Die vermeende skieter, mnr. Simataa Simasiku (33), het Woensdag in die Windhoek-landdroshof verskyn. Hy was ook 'n werker van die ministerie.

Mwilima was die Globale Fonds se plaaslike direkteur in die bestuurseenheid vir spesiale programme.

Me. Rachel Odede, die waarnemende plaaslike koördineerder vir die Verenigde Nasies (VN) in Namibië, het met lof verwys na Mwilima se bydrae tot sosiale opheffing en ontwikkeling van die land. Sy het Mwilima se lang loopbaan by die VN in Namibië beskryf, wat onder meer op die opheffing van vroue gefokus was. “Ekonomiese ongelykhede tussen mans en vroue maak vroue weerloos teen MIV,” was Mwilima se standpunt, het Odede gesê.

“Ons sê tot siens aan 'n ikoon. Sy laat 'n leemte in die MIV-gemeenskap. Sy het elke oomblik van haar lewe met oorgawe geleef. Haar tyd saam met ons het verstryk en sy het haar deel gedoen. Dit berus nou by elkeen van ons om die goeie werk verder te voer,” het Odede gesê.

In 'n oorsig van Mwilima se lewe, wat die ministerie se me. Petronella Masabane voorgelees het, is veral haar liefdadigheidswerk uitgelig. “Sy het baie lewens geraak, oral waar sy gegaan het.”

Die uitvoerende direkteur van gesondheid en maatskaplike dienste, mnr. Ben Nangombe, het gesê die ministerie is verpletter deur die sinnelose aanval wat Mwilima se lewe geëis het.

Die minister, dr. Kalumbi Shangula, het die amptelike boodskap gelewer. Hy het Mwilima “die uiterste staatsamptenaar” genoem. “Sy was passievol, met ongelooflike energie, lewenslus en geloof. In tye van teëspoed en kritiek was sy altyd kalm en doelmatig,” het hy gesê.

“Sy het deur voorbeeldige leierskap bygedra tot ons talle suksesse in die stryd teen MIV/vigs - dít is haar nalatenskap. Die impak weens die verlies van haar insette en werk sal ver en wyd ervaar word, veral deur diegene wat direk by die Globale Fonds gebaat het,” het Shangula gesê. Aan die familie wil ek sê sy was 'n pilaar op wie ons in die ministerie staat gemaak het. Sy het hierdie land met haar hele hart gedien. Ons vertrou die Here sal julle troos en krag gee.”

Hy het gesê dit gaan goed met Nepolo. “Daar is aansienlike vordering wat haar herstel betref. Ek besoek haar elke oggend voordat ek kantoor toe gaan. Ons bid vir haar en almal wat deur die voorval getraumatiseer is.

Mwilima word môre op Katima Mulilo begrawe.

Soortgelyk

 

Operasie Kalahariwoestyn hervat

4 ure gelede | Polisie

Die omstrede teenmisdaadoperasie Kalahariwoestyn hervat eerskomende Maandag.Die nasionale polisiewoordvoerder, adj.komm. Edwin Kanguatjivi, het Dinsdagmiddag in Windhoek gesê die veldtog en sy voorganger, Hornkrantz, help om...

Chasing your dream

20 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

20 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

20 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

20 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

20 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

20 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

20 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

20 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...