Mvovo twyfel nie in sy vermoë

08 March 2018 | Sport
Tinus van Staden



Spanne wat teen die Haaie speel, kan Lwazi Mvovo in die nr. 15-trui as 'n moontlike swakpunt in hul mondering uitsonder, maar dié Springbok-vleuel het baie vertroue in sy vermoë as 'n heelagter.

Mvovo het op heelagter begin in die Haaie se eerste twee Superrugby-wedstryde van die seisoen. Dit is veral sy vaardighede onder die hoë bal wat onder verdenking is.

“Dit is opwindend om heelagter te speel. Niemand is perfek nie, jy gaan foute maak. Jy moet in jou eie vermoë glo, ek is nie sommer net daar geplaas nie. Die afrigters voel ek kan waarde toevoeg daar,” het Mvovo Dinsdag in Durban gesê.

“Dit is belangrik dat die heelagter leiding neem in die agterste driehoek. Die spanne skop deesdae baie en as hulle sien een vleuel is nie op sy pos nie, kan hulle dit uitbuit. Ek probeer soveel as moontlik met die jong vleuels kommunikeer, en hulle luister,” sê hy.

Met Mvovo op heelagter het die Haaie die indrukwekkende jong vleuels Sbu Nkosi, Makazole Mapimpi en Kobus van Wyk in die eerste twee wedstryde op vleuel gekies.

“Die grootste uitdaging van die skuif was om die rol van 'n heelagter reg te verstaan. Ek sê nie jy raak noodwendig lui op vleuel nie, maar op heelagter is daar geen tyd vir leeglê nie. Op heelagter word al jou vaardighede getoets.”

Dit sal interessant wees om te sien of Mvovo weer met die nr. 15-trui toevertrou word vir Saterdag se wed­stryd op Kingspark teen die Sunwolves. Die jong Curwin Bosch het Dinsdag volstoom saam geoefen en hy kan homself moontlik in die beginspan op heelagter of losskakel bevind.

Die stryd teen die Sunwolves is 'n belangrike een. Die Haaie het Saterdag met 24-24 gelykop teen die Waratahs gespeel en is dus nog segeloos in vanjaar se reeks nadat hulle in die eerste ronde teen die Leeus in Johannesburg vasgeval het.

Ná die Sunwolves-wedstryd vertrek hulle op 'n toer van vier wedstryde na Australasië.

“Ons kan nie dít wat reeds gebeur het, beheer nie. Ons besef ons het nie goed gespeel nie, maar ons moet eenvoudig die naweek ons foute regstel. Die Sunwolves speel aanskoulike rugby; ons kan hulle nie onderskat nie. Verlede jaar moes ons hard veg tot aan die einde. Ons het in die laaste 15 minute 'n paar drieë gedruk om die wedstryd te wen.”

Die Springbok-losvoorspeler Jean-Luc du Preez is weer fiks en het Dinsdag saam met die Haaie geoefen. Hy kan moontlik op die plaasvervangerbank sit. Op haker behoort Franco Marais 'n ruskans te kry. Chiliboy Ralepelle kan homself vir die eerste keer vanjaar in die Haaie se 23-tal bevind.

Die slot Jean Droste kan ook speelkans kry, terwyl daar kommer bestaan oor die stut Thomas du Toit se fiksheid. Hy het sy skouer teen die Waratahs beseer. John-Hubert Meyer kan in sy plek die nr. 3-trui dra. – Netwerk24

Soortgelyk

 

Elfjarige byna ontvoer

1 dag gelede | Misdaad

Henriette Lamprecht – ‘n Elfjarige laerskoolmeisie is Woensdag helder oordag voor haar huis byna deur ‘n groep mense in ‘n motor gedwing en ontvoer. ‘n...

Tendertafel net vir buitelanders gedek

1 dag gelede | Infrastruktuur

Ronelle Rademeyer - Die voorwaardes waaraan kontrakteurs moet voldoen om in aanmerking te kom vir twee reuse-konstruksietenders van byna N$4 miljard, is van só ’n...

Storm los by Unam-eksamen

1 dag gelede | Onderwys

Denver Kisting - Die Universiteit van Namibië (Unam) het teen gistermiddag steeds skouers opgetrek oor ’n eksamen wat eergisteraand skeefgeloop het.Nagraadse regstudente verbonde aan die...

Kalender 21 September

1 dag gelede | Kuns en vermaak

Nou aan die gang» Erfenisweek 2018 is goed op dreef by die Franko-Namibiese Kultuursentrum (FNCC) . Namibië se belangrikste erfenisinstellings het saamgespan om dié...

’n Mannekoor en wyn vir die pyn

1 dag gelede | Kuns en vermaak

Die Windhoeker Männerchor (WMC) en ‘n uitgesoekte groep musikante nooi die publiek na die Wynfees/Winzerfest uit. Dít vind op 6 Oktober by die SKW...

Vanjaar reeds 29 renosters in Namibië gestroop

1 dag gelede | Omgewing

Francoise SteynbergAltesaam 21 swart- en agt witrenosters is al vanjaar in Namibië vir hul horings afgemaai.Uit dié 21 swartrenosters is 13 in die Etosha Nasionale...

Gif in waterkrip dalk stropers se werk

1 dag gelede | Misdaad

Henriette Lamprecht Watermonsters van 'n krip in 'n munisipale kamp wes van Omaruru is vir ontleding na 'n private laboratorium gestuur om te bepaal...

Breek die mure af

1 dag gelede | Kuns en vermaak

Yolanda Nel – Indien die klank van kabaret, Evita of die Rocky Horror Picture Show jou aandag trek, moet jy môre geen planne maak nie.Shades...

Die Kontrak is hier!

1 dag gelede | Kuns en vermaak

Die groot oomblik is uiteindelik hier: VIA (DStv, kanaal 147) en Coleske Artists se splinternuwe TV-reeks, Die Kontrak, waarin die volgende groot Afrikaanse kunstenaar gekroon...